Pages


Senin, 11 Maret 2013

“ PEUSEUTOET TAKBI LUMPO”



   OLEH  : SULAIMAN.A.GANI
==============================
Allahu  Allah, Allahu Rabbi
Keu  ulon  neubri, Troek hajat pinta
Leumah lam lumpoe , meupue takbi
Teuka  lam mimpi, saboeh  rasia

Nibak  simalam , Tuhan teukeudi
Meunoe terjadi , saboeh  rasia
Bak saboeh nanggroe, nayuem peureugi
Leumah neu hi, na saboeh  kuta

Kuta pih ceudah, indah  han sakri
Deungoen meuligi,  indah  lagoena
Dalam meunigoe, putroe juhari
Rupa bangun hi, si anuek raja

Jidoeng bak tingkap,  ji angkat jari
Keu ulon ini, jipangge  nama
Ohban lon neukjak,  lon grak ngoen gaki
Lon kalon le  ie, ban siseun lingka

Lon kalon laot, riboet jipasi
Hanjuet  lon  ili, dalam  istana
Teudoeng teuceungoeng, sinan berdiri
Di bineh pasi, di mieng kuala

Hate geulisah, susah han sakri
Di dalam mimpi, lon roe  ie mata
Hingga le jaga, teukeujoet mimpi
Banda lon leupie, teurasa  geumpa

Ingat keu lumpoe, han meupue  takbi
Yoehnyan mulai, susah jiteuka
Lon roe  ie mata, basah  ngoen bibi
 meunan keuh mimpi,  malam barosa

Mupue Meukeusud , hareutoe mimpi
keu ulon  neubri , haruetoe  makna
Keu anggota Grup, izin  u lon bri
mupeu keuh takbi, neuci boh  makna

O ya Tuhanku, keu ulon  neubri
Lage  lam mimpi, neubri  keu hamba
Meunyoe Musibah, keulon bek neubri
Kaseb Tsunami, kalhueh  lon Rasa
(  Tgk Diyueb Bruek  )

0 komentar:

Posting Komentar

Komentar FB :