~ KEKUATAN DO'A ~

========================================

Deungon bismillah, lon mula rika
Bak Allah ta'ala, tanyoe meuhajat
Keu Rasulallah, Rahmat Sijahtra
Ateuh keluarga, dan para Sahabat

Assalamu'alaikum, saleum mulia
Mandum lon sapa, akhon ngon akhwat
Jaweub saleum lon, nak leumah nyata
Tanyoe saudara, donya akhirat

Ulon neuk peugah, bak wareh lingka
Kekuatan Do'a, nyan sangat kuat
Ureung leumoh, bisa jeut teuga
Deungon Wap do'a, watee meukarat

'Oh tameulakee, bak Allah Ta'ala
Seupunoh jiwa, beu nyakin that-that
Tapeuleumah droe, tanyoe tan teuga
Nak geu maqbula, oleh hadharat

Firman Tuhan, 'Azza wajalla
Soe nyang meudo'a, akan geu istajab
Dalam qur an, meutuleh nyata
Ulon meuhaba, na pat mat

Na lon baca, wahee syedara
Tambighul ghafilin nama, nan kitab
Deungon do'a, geu ubah qadha
Lee Allah Ta'ala, hebat that-that

Bermula do'a, seubagoe seunjata
Bagi hamba, mukmin-mukminat
Sigra neulakee, pu nyang hawa
Akan geu-maqbula, meunyoe tan hijab

Neu Ek moto, tajak u Banda
'Oh lheuh Cunda, baroe Batuphat
Meu'ah syedara, pat nyang cupa
Goh carong meurika, lon hai sahbat

Tamah bacut

=====================
Ya Allah…ateuh nabi Muhammad,
ne tamah rahmad dan salam
Di ateuh wareh mandum sahabat,
seureta bandum umat iselam

Neubri keu kamo iman beutetap,
dalam ibadat Allah ya Tuhan
Nebri ke kamoe beuroh lam taat,
neubri seulamat iman lam dada

Neubri be mate kamoe lam rahmat,
malam jum’at ya Tuhan
Neubie jeut rateb ‘oh sukret,
lam kubu bejeut kamoe bri jawaban

Dengan beurekah nazam selawet,
bejroh ‘itikeut lam dinun islam
Neubri be lepah kamo bak titi,
besajan nabi janjongan alam..

========================