=============================================
1. INDRA BANGSAWAN Part . I
2. INDRA BANGSAWAN Part. II
3. INDRA BANGSAWAN Part. III
4. INDRA BANGSAWAN Part . IV
5. INDRA BANGSAWAN Part . V
6. INDRA BANGSAWAN Part . VI
7. INDRA BANGSAWAN Part . VII
==============================================
1, INDRA BANGSAWAN Part I
=========================
Saboh raja dilee jameun ,Nama geu khcun Bungsu Indra
Lam senjarah na meuteumeung, Sinan bandum meuho mita
Nama nanggroe Syahri Kubat,Sapeue that ngon nama donya
Nanggroe luah sangat maju,Pineung ngon u na geupula
Masa keu rajeun Indra Bungsu,That meusyeuhu jeub-jeub raja
Hukom ade amat sangat,Neuraca neu mat han meuriba
Tunong baroh timu barat,Jeut-jeut teumpat hana kubra
Han torn rakyat jimeupake,Karong wali hantoem dawa
Sabab raja sangat ade,Jeut sagoe be dum jipuja
Oh troh bak thon jime wase,Pineung pade sajan jiba
Cina ngon Kleng sikalian,Jipujian Bungsu Indra
Jeub-jeut nanggroe taklok keu nan,Me waselan dum keu raja
Raja teutap lam meuligoe, Deungon putroe meu suka-suka
Deungon judo putroe meugleueng, Nama geukheun Kande Laila
Seunang hate hana peu kheun, Cut buleuen ngon raja muda
Meu suka-suka hana leu ueng, Han torn kureueng lam biasa
Salah bacut aneukneuh tan,That syugolan po teu raja
Gundah hate uroe malam,Nibak Tuhan neu mohon pinta
Ya Ilahi ya Rabbi Keu lon neubri hajat pinta
Neubri teutap lam ibadat,donya akhirat beu sijahtra
Yaa Tuhanku po loen Tuhan, Apon badan keu aneuknda
Oh mate lon soe keurajeuen ,Teuboh mideuen deungon kuta
Dalam nanggroe jiduek uteuen,Rakyat ban dum han soe aja
Bandum rakyat han soe teugah ,Buet nyang salah jikeurija
Ya Tuhanku neu peumudah ,Neu brie bagah ayeum mata
Lon lam donya u dep siat,U akhirat teuma lon gisa
Aneuk U lon tan meung siurat ,Ya Hadarat ban hukom gata
Oh mate lon soe geulantoe,Tan meu sidroe bijeh mata
Meunan pike raja nanggroe,Malam uroe hana reuda
Oh neuingat nyan keu mate ,Seureuta ile ngon ie mata
Sabab aneuk goh lom lahe,Nyan keu mate han padit na
Barangkajan geutanyoe mate ,Oh troh janji ajai teuka
Kalam Tuhan lam tapeuse,Dali mate cit dilee ka
Kullu nafsin zaikatul maut,Yang meu jaweong bandum binasa
Asoe langet asoe bumoe Dum sinaroe mate fana
Meulaenkan Tuhan Rabbun ibad Nyang keukai zat rok-rok masa
Bukon sayang jeumpa mirah Habeh reu bah angen timpa
Indra Bungsu dalam susah Nujum neukrah ngon peutua
Banda duson dum dilangkah Dara ceudah agam muda
Jitren rakyat subhanallah Han peue peugah hai syeedara
Kali nujum sikalian,Ulee balang raja-raja
Oh troh keu nan bak sulotan Beot meulayang jaroe dua
Ampon tuanku syahi alam Peue su sahan po meukuta
Siri gampong ka meusugang Toh siri biang tan meu sara
Siri nanggroe neukeumeung prang Siri bintang neumeuhawa
Tuanku peugah jinoe rijang Toh pahlawan nyang kreueh jungka
Bandum kamoe habeh datang Beu de meuriam ka seudia
Peurise tumbak leumbeng peudeueng Toh siri prang lom meungaza
2, INDRA BANGSAWAN Part II
===============================
Raja seuot hana sapât ,Laot darat seunang saja
Tunong baroh timu barat ,Hana sapat na meudawa
Nyang na bacut u lon susah,Aneuk lidah that lon hawa
Lon oh tuha umu sampoe ,Soe geulantoe mat neuraca
Pakri pike wahe taulan ,Lon tuan beu sampoe pinta
Ulon teuh nyoe that su sahan,Uroe malam hana reuda
Jaweueb nujum yoh masa nyan ,Ampon laman po meukuta
Bek susah le hai jonjongan,Bak Tuhan talakee doa
Kamoe lakee ubak Rabbi,Hai duli bek susah raya
Jinoe tuanku neukhanduri,Seudeukah neubri keu faki dum na
Keu ulama dalam nanggroe,Sinaroe seudeukah rata
Aneuk yatim inong balee,Meuribee seudeukah raja
Neuyue lakee ubak Tuhan,Aneuk agam beu ek nyata
Meunan sabe geunap uroe,Tuhan sidroe peutroh pinta
Han padum treb teuma dudoe,Hame putroe judo raja
Putroe Kande nyang analan,Tujoh buleuen hame nyang ka
Mangat ate putroe intan ,deugon sulotan raja muda
Meugah ubak kali meuntroe, Ka meusampoe ban hajat raja
Raja pih that gaseh leubeh,Han tom neuweh sinan lingka
Ureueng gampong han peue peugah,Peh keukarah ngon halua
Nyang tet tumpoe wot meuseukat,Bu leukat ladom tet bada
Ladom doi-doi ladom wajeb , Ladom nyang treb dang meumita
Ureueng kaya rijang hase,Ka jime le dalam kuta
Jak seumanoe putroe Kande ,Nyang isteuri Bungsu Indra
Nyang teungoh woe nyang teungoh jak, Ban laku hak maseng kada
Ureueng inong leupah galak,Bak geujak meugisa-gisa
Teubiet jurong troh u jalan,Meulinggang-linggang aleh meugisa
Di ureueng tuha tingkue cuco, Geu gubo tingkue ngon ija
Saboh geutingkue saboh geupeujak,Sayang mak syik ka tuha
Timu barat tunong baroh, Me peunajoh keu putroe muda
Habeh bandum ureueng nanggroe, Peurumoh putroe ngon peutua
Jak lam kuta dum sinaroe,Bak cut putroe judo raja
Peunoh sarat kuta mideuen,Hana peue kheun he sycedara
Jak lam kuta that su kaan,Dara agam galak raya
Teuduek oh noe dilec siat,Ujong ayat Ion neuk tu ka
AMMA ßAKDU wawe rakan,Kon le ragam lagee nyoe le
Lon peugah keu putroe intan,Kande Laila panyot kande
Sampe buleuen saket teuka,Budak nyata dua sare
Geu'hap harne putroe muda,Aneuk nyata dua Iahe
Teungoh beukah matauroe,Ban dua droe sigo Iahe
Kheundak Tuhan poteuh sidroe,Ban hajat droe cit neubri le
Aneuk agam ban dua droe, That samlakoe sabe-sabe
Siploh buleuen hame putroe,Dua droc Tuhan peulahe
Pihak u toh Ilahon hak,Ban nyang kheundak neupeuhase
Nyang tuha busu lam jaroe,Sajan ngon droe bungong pade
Nyang adoe peudeueng lam reugam,Kaya Tuhan Rabbon kade
Ate galak di sulotan,Kande Leläh that beu reu h i
Yue tet beu dee ngoen meuriam,Tanda sulotan aneuk Iahe
3, INDRA BANGSAWAN Part III
===========================
Dalam nanggroc bandum karu, Jak eu teungku bungong pade
Rupa jroh that ban dua droe, cit samlakoe sabe-sabe
Han padum treb teuma dudoe, Rayek keu droe panyot kande
Ho siu roe rayek leu gat,Miseu kilat ujeuen sabe
Jijak saho jieh sapat,Meugaseh that cut boh ate
Busu ngon peudeueng nyang sakeuti,Dalam jari chit hana cree
Peudeueng busu rayek leugat,Deungon deelat sabe-sabe
Rayek banta rayek busu, Peudeueng teungku meunan sare
Kande Laila ate seu u, Ngon tuanku seunang kon le
Neungieng aneuk bungong uroe, Ban dua droe Rayeok Sabee
Neuboh nama le ayah droe ,Ban dua droe panyot kande
Nyang tuha neukheun Syahpari, Bungong giri jroh han sabe
Mangat ate Laila Kande ,Raja duli that meusampe
Nyang tulot INDRA BANGSAWAN, That siwazan oh tapike
Tuto mameh dum meunisan, Deungon rakan han toem pake
Hingga teuma bak siu roe, Raja nanggroe leumah pike
Ie eumbon turon dalam awan,Beu sajan piala hase
Umu tujoh thon bungong peukan,Peungajaran neuyue bri le
Neuhei guree sidroe syiah,Nyang that meugah han sangsi lee
Nama geukheun teungku Supian,Bungong karang cit neujok le
Peugot beureuteh ngon bu leukat,Neuyue intat bungong pade
Seumpeuna deungon beureukat, Aneuk deelat jak mengaji
Laen nibak nyan ngon seudeukah,Teungku syiah mangat ate
Lakee idin deungon meuah,Banta indah deungon umi
Wahe ma lon ma teungku droe,Dua kamoe idin neu bri
Lon tuan jak bak uroe nyoe, Aja kamoe jak meungaji
Insya Allah he aneuk droe, Beu meusampoe hajat Tuhan bri
Beu troh hajat aneuk Ion nyoe ,Ban dua droe bak meungaji
Lheueh idin deungon bunda, Teungku gisa neubawa le
Troh bak teungku dua banta, Ate suka hana sakri
Teungku peubeuet laju sigra ,Ban dua sangat trang ate
Padum na treb sajan teungku, Bungong meu lu neumeungaji
Ate got trang ban panyot hu, Di teungku gaseh han sakri
Bandum kitab habeh neupham, Banta ajam sangat ahli
Ban dua droe saban-saban, Gaseh Tuhan Sidroe rabbi
Matanpih jroh makna cakap,Hana silap bungong giri
Padum na treb sinan teutap,Cut ubat dua sirungkhe
Usui mantek habeh neupham,Cut bangsawan cit ka jeuet le
Habeh jawoe neubeuet nahu,Di teungku neugaseh sabe
Dum na kitab nibak teungku ,Bungong meulu bisa jadi
Di teungku ateneuh galak,Banta bijak that trang ate
Lom teungku bri ileumee falak, Leubeh rancak hana sabe
Hingga meugah bak sulotan ,Bungong karang sangat ahli
Syahpari deungon Bangsawan, Beuet Kuruan sangat kari
Beungoh seupot hana laloe,Ban dua droe bak meungaji
Doa raja deungon putroe, Neu leu eng jaroe keu boh ate
Sabab yakin ate sunggoh,Neupeutroh le Rabbon kade
Yoh nyan raja neumeulangkah, Deungon zaujah dua sare
(buhu hana geot pah saweub hana meuteumee edit krn mata teungeut that hehehhehe)
4, INDRA BANGSAWAN Part IV
==========================
Raja neujak deungon putroe ,Bak aneuk droe tangke ate
Saweue aneuk bungong keumang,Ngon hidangan cit ka hase
Ija bajee dum sikalian,Peukayan keu cut boh ate
Lom seudeukah pih na neume ,Jok keu guree bungong pade
Meunan keuh buet raja nanggroe,Hana tu wo sabe-sabe
Teutap banta sajan teungku,Dum ileume habeh neubri
Sangat rancak bungong meu lu ,Dum ileumu habeh jadi
Ileumee silat tak ngon parang Bungong mancang cit ka jeuet le
Hingga teuma grak bak Tuhan, Daulat Sulotan leumah bak pike
Bak sim alam raja nanggroe ,Bak judo droe neutanyong le
Wahe judo bungong uroe ,Pike jinoe cut boh ate
Aneuk dua ureueng lakoe,Hai putroe pakriban pike
Toh nyang patot boh keu raja ,Aneuk dua sabe-sabe
Tuah sabe alem sa-sa ,Bek jeuet dawa jimupake
Hikeumat le bungong karang ,hai cut bintang cuba pike
Asai bek jeuet peudawaan ,Bungong karang tangke ate
Cubapeugah laju beu trang,Lam dua nyan toh meu sampe
Nyang bek dawa hai cut intan,Oh komdian beu jeuroh sabe
Seuot putroe teuma laju,Hai tuanku bungong pade
Meubek pake bungong meulu,Ri nyang nafsu jeut keu hase
Tapi beuget timang rasa,Hai meukuta tanglong nanggri
Sabab tuah ngon bagia,Bandua han saho undi
Meunan neukheun uleh putroe ,Raja nanggroe teuma pike
Bahkeuh Ion iem dilee saba,Keu cut banta jeuet di ache
Nyang jinoe bah lagee nyang ka,Droe Ion raja cut boh ate
Nyankeuh aneuk bijeh mata,Ri kada nibak Rabbi
Soe nyang neugrak uleh Tuhan,Oh komdian teuma meuri
Soe nyang patot keurajaan ,Meung Ion tuan han troh pike
Hingga teuma haba nyang toe ,Raja nanggroe han susah le
Teutap neuduek lam meuligoe,Deungon putroe panyot kande
Jingadap uleh deundayang ,Ngon peurasan han ek pike
Biula deungon napiri,Suleng bangsi su han sabe
Nyang ladom beudoh meunari ,Bak bibi panton jisyae
Jikeuting gleueng ayak subang,Jipoh linggang hana sakri
Bak babah panton jideundang,Sulotan ate beureuhi
Syae panton jimeunyanyoe,Mubagoe lagee jirawi
Meunan sabe malam uroe,Raja nanggroe han duka le
Teuduek oh nan raja dudoe,Bah Ion gantoe ujong banja
Di rambat geuputa taloe,Di ramoe geugumpie sutra
AMMA BAKDU teuma dudoe,Kon le adoe lagee nyang ka
Bak simalam raja nanggroe,Leumah lumpoe meunoe rupa
Raja neueh lam meuligoe ,Neulumpoe saboh rahsia
Na nyum teuka ureueng sidroe,Mumat jaroe deungon raja
Ureueng teuka sang nyum bagoe ,That samlakoe elok rupa
Bak jaroe buloh peurindu ,Neulakee eu uleh raja
Tabri siat wahe teungku ,Lon keumeung eu pakri rupa
Raja lakee neukeumeung eu ,Jaweueb laju han jikira
5, INDRA BANGSAWAN Part V
============================
Han jitem bri neukeumeung eu ,Ate ragu poteu raja
Rupa na sang bintang timu,Lom deungon su leupah gura
Poteu raja sang ka seudee,Oh neulakee han jitem ba
Lorn raja kheun meunoe lagee,Padum ribee tahareuga
Ka han tabri bah le lon bloe ,Taba keunoe buloh gâta
Sabab lon eu jroh han bagoe,Rindu kamoe dalam dada
Hana sapeue na jiseuot,Teuma neudhot uleh raja
Yoh nyan raja ka teukeujot,Bungong santot lalu jaga
Oh ban jaga po samlakoe,Neuduek neumoe ro ie mata
Susah ate hana bagoe,Nyang neulumpoe han meuho ka
Ureueng han Ie buloh ka tan,di Sulotan beungeh raya
Tujoh uroe tujoh malam ,Raja diam hana haba
Daok neumoe bungong karang,Bukon sayang Bungsu Indra
Ulua hana tom neutroen,U balerong tan neuteuka
Raja tahe teuduek keu droe,Malam uroe ro ie mata
Oh teuingat nyan keu lumpoe,Raja nanggroe nyum ka gila
Dendayang dum lam meuligoe,Susah keu droe jieu rupa
Teutap raja ingat lumpoe,Keu samlakoe lon peugisa
Syahpari deungon Bangsawan,Neue sulotan tan u lua
Tujoh uroe neue ka tan,Bungong karang susah teuka
Banta dua neuhei meuntroe,Neutanyong proe keu ayahanda
Tujoh uroe ka lon eu tan,Peue su sahan hai bentara
Meunan narit cut bangsawan,Uleebalang jaweueb sigra
Hai raja cut bungong uroe,Hana kamoe tupeue haba
Keu hai salah dalam nanggroe,Bak kamoe hana troh haba
Meunyo meunan uleebalang,Beudoh rijang tapareksa
Bahle tajak dum geutanyoe,Wadi meuntroe ngon bentara
Cut Bangsawan kheun bak aduen,Bek le neuiem hai kakanda
Keumah pakat sikalian,Cut bangsawan woe lam kuta
Ka troh neu woe bungong giri,Syahpari deungon adekda
Neupeurab le ubak abi,Bak gaki neu sujud sigra
Nibak teuot laju neucom,Adoe adu en that bagia
Neupeumeuah hai du paying,Neupeuampon dum na deesya
Ka payah neuukon-ukon,Neupeuampon deesya hamba
Wadi meuntroe uleebalang,Sikalian ampon deesya
Meunan neukheun cut bangsawan,Sulotan neujaweueb lanja
Wahe an eu k bungong karang,Tan salahan bijeh mata
Wadi meuntroe uleebalang,Sikalian hana deesya
Wahe aneuk bungong p eu kan,Lon susahan buet rahsia
Deungo bandum wahe rakan,Lon peugah ban hai aneukda
Teukeudi po sidroe Tuhan,Lon tuan leumah rahsia
Bak simalam lon meulumpoe,Teuka sidroe ureueng muda
Ngon rupa jroh hana bagoe,That samlakoe hana ngon sa
Bak jaroe buloh peurindu,Lon lakee eu han jitem ba
Teuma jiyub pantah laju,Kamoe rindu ate suka
Suara jih le that lagu,Mangat that su hana tara
Han jitem bri lon lakee eu,Jiyueb laju macam rupa
Su buloh nyan le that pangkat,Sang meukeumat dalam dada
6. INDRA BANGSAWAN Part VI
======================================
Dalam ate lon galak that,Tapi siat han jitem ba
Lon lakee bloe pih han jibri,Beungeh kami lam rahsia
Nyankeuh aneuk ulon mimpi,Saleh pakri bij eh mata
Adat meungna dalam nanggroe,Barangkasoe ate gila
1. INDRA BANGSAWAN Part . I
2. INDRA BANGSAWAN Part. II
3. INDRA BANGSAWAN Part. III
4. INDRA BANGSAWAN Part . IV
5. INDRA BANGSAWAN Part . V
6. INDRA BANGSAWAN Part . VI
7. INDRA BANGSAWAN Part . VII
==============================================
1, INDRA BANGSAWAN Part I
=========================
Saboh raja dilee jameun ,Nama geu khcun Bungsu Indra
Lam senjarah na meuteumeung, Sinan bandum meuho mita
Nama nanggroe Syahri Kubat,Sapeue that ngon nama donya
Nanggroe luah sangat maju,Pineung ngon u na geupula
Masa keu rajeun Indra Bungsu,That meusyeuhu jeub-jeub raja
Hukom ade amat sangat,Neuraca neu mat han meuriba
Tunong baroh timu barat,Jeut-jeut teumpat hana kubra
Han torn rakyat jimeupake,Karong wali hantoem dawa
Sabab raja sangat ade,Jeut sagoe be dum jipuja
Oh troh bak thon jime wase,Pineung pade sajan jiba
Cina ngon Kleng sikalian,Jipujian Bungsu Indra
Jeub-jeut nanggroe taklok keu nan,Me waselan dum keu raja
Raja teutap lam meuligoe, Deungon putroe meu suka-suka
Deungon judo putroe meugleueng, Nama geukheun Kande Laila
Seunang hate hana peu kheun, Cut buleuen ngon raja muda
Meu suka-suka hana leu ueng, Han torn kureueng lam biasa
Salah bacut aneukneuh tan,That syugolan po teu raja
Gundah hate uroe malam,Nibak Tuhan neu mohon pinta
Ya Ilahi ya Rabbi Keu lon neubri hajat pinta
Neubri teutap lam ibadat,donya akhirat beu sijahtra
Yaa Tuhanku po loen Tuhan, Apon badan keu aneuknda
Oh mate lon soe keurajeuen ,Teuboh mideuen deungon kuta
Dalam nanggroe jiduek uteuen,Rakyat ban dum han soe aja
Bandum rakyat han soe teugah ,Buet nyang salah jikeurija
Ya Tuhanku neu peumudah ,Neu brie bagah ayeum mata
Lon lam donya u dep siat,U akhirat teuma lon gisa
Aneuk U lon tan meung siurat ,Ya Hadarat ban hukom gata
Oh mate lon soe geulantoe,Tan meu sidroe bijeh mata
Meunan pike raja nanggroe,Malam uroe hana reuda
Oh neuingat nyan keu mate ,Seureuta ile ngon ie mata
Sabab aneuk goh lom lahe,Nyan keu mate han padit na
Barangkajan geutanyoe mate ,Oh troh janji ajai teuka
Kalam Tuhan lam tapeuse,Dali mate cit dilee ka
Kullu nafsin zaikatul maut,Yang meu jaweong bandum binasa
Asoe langet asoe bumoe Dum sinaroe mate fana
Meulaenkan Tuhan Rabbun ibad Nyang keukai zat rok-rok masa
Bukon sayang jeumpa mirah Habeh reu bah angen timpa
Indra Bungsu dalam susah Nujum neukrah ngon peutua
Banda duson dum dilangkah Dara ceudah agam muda
Jitren rakyat subhanallah Han peue peugah hai syeedara
Kali nujum sikalian,Ulee balang raja-raja
Oh troh keu nan bak sulotan Beot meulayang jaroe dua
Ampon tuanku syahi alam Peue su sahan po meukuta
Siri gampong ka meusugang Toh siri biang tan meu sara
Siri nanggroe neukeumeung prang Siri bintang neumeuhawa
Tuanku peugah jinoe rijang Toh pahlawan nyang kreueh jungka
Bandum kamoe habeh datang Beu de meuriam ka seudia
Peurise tumbak leumbeng peudeueng Toh siri prang lom meungaza
2, INDRA BANGSAWAN Part II
===============================
Raja seuot hana sapât ,Laot darat seunang saja
Tunong baroh timu barat ,Hana sapat na meudawa
Nyang na bacut u lon susah,Aneuk lidah that lon hawa
Lon oh tuha umu sampoe ,Soe geulantoe mat neuraca
Pakri pike wahe taulan ,Lon tuan beu sampoe pinta
Ulon teuh nyoe that su sahan,Uroe malam hana reuda
Jaweueb nujum yoh masa nyan ,Ampon laman po meukuta
Bek susah le hai jonjongan,Bak Tuhan talakee doa
Kamoe lakee ubak Rabbi,Hai duli bek susah raya
Jinoe tuanku neukhanduri,Seudeukah neubri keu faki dum na
Keu ulama dalam nanggroe,Sinaroe seudeukah rata
Aneuk yatim inong balee,Meuribee seudeukah raja
Neuyue lakee ubak Tuhan,Aneuk agam beu ek nyata
Meunan sabe geunap uroe,Tuhan sidroe peutroh pinta
Han padum treb teuma dudoe,Hame putroe judo raja
Putroe Kande nyang analan,Tujoh buleuen hame nyang ka
Mangat ate putroe intan ,deugon sulotan raja muda
Meugah ubak kali meuntroe, Ka meusampoe ban hajat raja
Raja pih that gaseh leubeh,Han tom neuweh sinan lingka
Ureueng gampong han peue peugah,Peh keukarah ngon halua
Nyang tet tumpoe wot meuseukat,Bu leukat ladom tet bada
Ladom doi-doi ladom wajeb , Ladom nyang treb dang meumita
Ureueng kaya rijang hase,Ka jime le dalam kuta
Jak seumanoe putroe Kande ,Nyang isteuri Bungsu Indra
Nyang teungoh woe nyang teungoh jak, Ban laku hak maseng kada
Ureueng inong leupah galak,Bak geujak meugisa-gisa
Teubiet jurong troh u jalan,Meulinggang-linggang aleh meugisa
Di ureueng tuha tingkue cuco, Geu gubo tingkue ngon ija
Saboh geutingkue saboh geupeujak,Sayang mak syik ka tuha
Timu barat tunong baroh, Me peunajoh keu putroe muda
Habeh bandum ureueng nanggroe, Peurumoh putroe ngon peutua
Jak lam kuta dum sinaroe,Bak cut putroe judo raja
Peunoh sarat kuta mideuen,Hana peue kheun he sycedara
Jak lam kuta that su kaan,Dara agam galak raya
Teuduek oh noe dilec siat,Ujong ayat Ion neuk tu ka
AMMA ßAKDU wawe rakan,Kon le ragam lagee nyoe le
Lon peugah keu putroe intan,Kande Laila panyot kande
Sampe buleuen saket teuka,Budak nyata dua sare
Geu'hap harne putroe muda,Aneuk nyata dua Iahe
Teungoh beukah matauroe,Ban dua droe sigo Iahe
Kheundak Tuhan poteuh sidroe,Ban hajat droe cit neubri le
Aneuk agam ban dua droe, That samlakoe sabe-sabe
Siploh buleuen hame putroe,Dua droc Tuhan peulahe
Pihak u toh Ilahon hak,Ban nyang kheundak neupeuhase
Nyang tuha busu lam jaroe,Sajan ngon droe bungong pade
Nyang adoe peudeueng lam reugam,Kaya Tuhan Rabbon kade
Ate galak di sulotan,Kande Leläh that beu reu h i
Yue tet beu dee ngoen meuriam,Tanda sulotan aneuk Iahe
3, INDRA BANGSAWAN Part III
===========================
Dalam nanggroc bandum karu, Jak eu teungku bungong pade
Rupa jroh that ban dua droe, cit samlakoe sabe-sabe
Han padum treb teuma dudoe, Rayek keu droe panyot kande
Ho siu roe rayek leu gat,Miseu kilat ujeuen sabe
Jijak saho jieh sapat,Meugaseh that cut boh ate
Busu ngon peudeueng nyang sakeuti,Dalam jari chit hana cree
Peudeueng busu rayek leugat,Deungon deelat sabe-sabe
Rayek banta rayek busu, Peudeueng teungku meunan sare
Kande Laila ate seu u, Ngon tuanku seunang kon le
Neungieng aneuk bungong uroe, Ban dua droe Rayeok Sabee
Neuboh nama le ayah droe ,Ban dua droe panyot kande
Nyang tuha neukheun Syahpari, Bungong giri jroh han sabe
Mangat ate Laila Kande ,Raja duli that meusampe
Nyang tulot INDRA BANGSAWAN, That siwazan oh tapike
Tuto mameh dum meunisan, Deungon rakan han toem pake
Hingga teuma bak siu roe, Raja nanggroe leumah pike
Ie eumbon turon dalam awan,Beu sajan piala hase
Umu tujoh thon bungong peukan,Peungajaran neuyue bri le
Neuhei guree sidroe syiah,Nyang that meugah han sangsi lee
Nama geukheun teungku Supian,Bungong karang cit neujok le
Peugot beureuteh ngon bu leukat,Neuyue intat bungong pade
Seumpeuna deungon beureukat, Aneuk deelat jak mengaji
Laen nibak nyan ngon seudeukah,Teungku syiah mangat ate
Lakee idin deungon meuah,Banta indah deungon umi
Wahe ma lon ma teungku droe,Dua kamoe idin neu bri
Lon tuan jak bak uroe nyoe, Aja kamoe jak meungaji
Insya Allah he aneuk droe, Beu meusampoe hajat Tuhan bri
Beu troh hajat aneuk Ion nyoe ,Ban dua droe bak meungaji
Lheueh idin deungon bunda, Teungku gisa neubawa le
Troh bak teungku dua banta, Ate suka hana sakri
Teungku peubeuet laju sigra ,Ban dua sangat trang ate
Padum na treb sajan teungku, Bungong meu lu neumeungaji
Ate got trang ban panyot hu, Di teungku gaseh han sakri
Bandum kitab habeh neupham, Banta ajam sangat ahli
Ban dua droe saban-saban, Gaseh Tuhan Sidroe rabbi
Matanpih jroh makna cakap,Hana silap bungong giri
Padum na treb sinan teutap,Cut ubat dua sirungkhe
Usui mantek habeh neupham,Cut bangsawan cit ka jeuet le
Habeh jawoe neubeuet nahu,Di teungku neugaseh sabe
Dum na kitab nibak teungku ,Bungong meulu bisa jadi
Di teungku ateneuh galak,Banta bijak that trang ate
Lom teungku bri ileumee falak, Leubeh rancak hana sabe
Hingga meugah bak sulotan ,Bungong karang sangat ahli
Syahpari deungon Bangsawan, Beuet Kuruan sangat kari
Beungoh seupot hana laloe,Ban dua droe bak meungaji
Doa raja deungon putroe, Neu leu eng jaroe keu boh ate
Sabab yakin ate sunggoh,Neupeutroh le Rabbon kade
Yoh nyan raja neumeulangkah, Deungon zaujah dua sare
(buhu hana geot pah saweub hana meuteumee edit krn mata teungeut that hehehhehe)
4, INDRA BANGSAWAN Part IV
==========================
Raja neujak deungon putroe ,Bak aneuk droe tangke ate
Saweue aneuk bungong keumang,Ngon hidangan cit ka hase
Ija bajee dum sikalian,Peukayan keu cut boh ate
Lom seudeukah pih na neume ,Jok keu guree bungong pade
Meunan keuh buet raja nanggroe,Hana tu wo sabe-sabe
Teutap banta sajan teungku,Dum ileume habeh neubri
Sangat rancak bungong meu lu ,Dum ileumu habeh jadi
Ileumee silat tak ngon parang Bungong mancang cit ka jeuet le
Hingga teuma grak bak Tuhan, Daulat Sulotan leumah bak pike
Bak sim alam raja nanggroe ,Bak judo droe neutanyong le
Wahe judo bungong uroe ,Pike jinoe cut boh ate
Aneuk dua ureueng lakoe,Hai putroe pakriban pike
Toh nyang patot boh keu raja ,Aneuk dua sabe-sabe
Tuah sabe alem sa-sa ,Bek jeuet dawa jimupake
Hikeumat le bungong karang ,hai cut bintang cuba pike
Asai bek jeuet peudawaan ,Bungong karang tangke ate
Cubapeugah laju beu trang,Lam dua nyan toh meu sampe
Nyang bek dawa hai cut intan,Oh komdian beu jeuroh sabe
Seuot putroe teuma laju,Hai tuanku bungong pade
Meubek pake bungong meulu,Ri nyang nafsu jeut keu hase
Tapi beuget timang rasa,Hai meukuta tanglong nanggri
Sabab tuah ngon bagia,Bandua han saho undi
Meunan neukheun uleh putroe ,Raja nanggroe teuma pike
Bahkeuh Ion iem dilee saba,Keu cut banta jeuet di ache
Nyang jinoe bah lagee nyang ka,Droe Ion raja cut boh ate
Nyankeuh aneuk bijeh mata,Ri kada nibak Rabbi
Soe nyang neugrak uleh Tuhan,Oh komdian teuma meuri
Soe nyang patot keurajaan ,Meung Ion tuan han troh pike
Hingga teuma haba nyang toe ,Raja nanggroe han susah le
Teutap neuduek lam meuligoe,Deungon putroe panyot kande
Jingadap uleh deundayang ,Ngon peurasan han ek pike
Biula deungon napiri,Suleng bangsi su han sabe
Nyang ladom beudoh meunari ,Bak bibi panton jisyae
Jikeuting gleueng ayak subang,Jipoh linggang hana sakri
Bak babah panton jideundang,Sulotan ate beureuhi
Syae panton jimeunyanyoe,Mubagoe lagee jirawi
Meunan sabe malam uroe,Raja nanggroe han duka le
Teuduek oh nan raja dudoe,Bah Ion gantoe ujong banja
Di rambat geuputa taloe,Di ramoe geugumpie sutra
AMMA BAKDU teuma dudoe,Kon le adoe lagee nyang ka
Bak simalam raja nanggroe,Leumah lumpoe meunoe rupa
Raja neueh lam meuligoe ,Neulumpoe saboh rahsia
Na nyum teuka ureueng sidroe,Mumat jaroe deungon raja
Ureueng teuka sang nyum bagoe ,That samlakoe elok rupa
Bak jaroe buloh peurindu ,Neulakee eu uleh raja
Tabri siat wahe teungku ,Lon keumeung eu pakri rupa
Raja lakee neukeumeung eu ,Jaweueb laju han jikira
5, INDRA BANGSAWAN Part V
============================
Han jitem bri neukeumeung eu ,Ate ragu poteu raja
Rupa na sang bintang timu,Lom deungon su leupah gura
Poteu raja sang ka seudee,Oh neulakee han jitem ba
Lorn raja kheun meunoe lagee,Padum ribee tahareuga
Ka han tabri bah le lon bloe ,Taba keunoe buloh gâta
Sabab lon eu jroh han bagoe,Rindu kamoe dalam dada
Hana sapeue na jiseuot,Teuma neudhot uleh raja
Yoh nyan raja ka teukeujot,Bungong santot lalu jaga
Oh ban jaga po samlakoe,Neuduek neumoe ro ie mata
Susah ate hana bagoe,Nyang neulumpoe han meuho ka
Ureueng han Ie buloh ka tan,di Sulotan beungeh raya
Tujoh uroe tujoh malam ,Raja diam hana haba
Daok neumoe bungong karang,Bukon sayang Bungsu Indra
Ulua hana tom neutroen,U balerong tan neuteuka
Raja tahe teuduek keu droe,Malam uroe ro ie mata
Oh teuingat nyan keu lumpoe,Raja nanggroe nyum ka gila
Dendayang dum lam meuligoe,Susah keu droe jieu rupa
Teutap raja ingat lumpoe,Keu samlakoe lon peugisa
Syahpari deungon Bangsawan,Neue sulotan tan u lua
Tujoh uroe neue ka tan,Bungong karang susah teuka
Banta dua neuhei meuntroe,Neutanyong proe keu ayahanda
Tujoh uroe ka lon eu tan,Peue su sahan hai bentara
Meunan narit cut bangsawan,Uleebalang jaweueb sigra
Hai raja cut bungong uroe,Hana kamoe tupeue haba
Keu hai salah dalam nanggroe,Bak kamoe hana troh haba
Meunyo meunan uleebalang,Beudoh rijang tapareksa
Bahle tajak dum geutanyoe,Wadi meuntroe ngon bentara
Cut Bangsawan kheun bak aduen,Bek le neuiem hai kakanda
Keumah pakat sikalian,Cut bangsawan woe lam kuta
Ka troh neu woe bungong giri,Syahpari deungon adekda
Neupeurab le ubak abi,Bak gaki neu sujud sigra
Nibak teuot laju neucom,Adoe adu en that bagia
Neupeumeuah hai du paying,Neupeuampon dum na deesya
Ka payah neuukon-ukon,Neupeuampon deesya hamba
Wadi meuntroe uleebalang,Sikalian ampon deesya
Meunan neukheun cut bangsawan,Sulotan neujaweueb lanja
Wahe an eu k bungong karang,Tan salahan bijeh mata
Wadi meuntroe uleebalang,Sikalian hana deesya
Wahe aneuk bungong p eu kan,Lon susahan buet rahsia
Deungo bandum wahe rakan,Lon peugah ban hai aneukda
Teukeudi po sidroe Tuhan,Lon tuan leumah rahsia
Bak simalam lon meulumpoe,Teuka sidroe ureueng muda
Ngon rupa jroh hana bagoe,That samlakoe hana ngon sa
Bak jaroe buloh peurindu,Lon lakee eu han jitem ba
Teuma jiyub pantah laju,Kamoe rindu ate suka
Suara jih le that lagu,Mangat that su hana tara
Han jitem bri lon lakee eu,Jiyueb laju macam rupa
Su buloh nyan le that pangkat,Sang meukeumat dalam dada
6. INDRA BANGSAWAN Part VI
======================================
Dalam ate lon galak that,Tapi siat han jitem ba
Lon lakee bloe pih han jibri,Beungeh kami lam rahsia
Nyankeuh aneuk ulon mimpi,Saleh pakri bij eh mata
Adat meungna dalam nanggroe,Barangkasoe ate gila
Barangkadum di lon kubloe,Beu that nanggroe keu jih raja
Dum nan galak ate kamoe,Pakri jinoe toh bicara
Jinoe pakri he aneuk droe,Ate kamoe sang ka gila
Soe ek mita buloh peurindu,Nyang lagee su lam rahsia
Lon bri nanggroe deungon mideuen,Jikeurajeuen bah jih raja
Bah meuseuki namiet ureung,Kubri mideuen deungon kuta
Meunyo cit na lagee lon kheun,Hai buleuen han le lon raja
Han le nanggroe lon keurajeuen,Bungong kareueng soe nyang peuna
Meunyo na buloh peurindu,Nyang lagee su lam rahsia
Nanggroe kubri keu jih siblah,Kubri beu sah bahjih raja
Meunan narit raja peugah,Banta indah rheot ie mata
Bangsawan deungon Syahpari,Com di gaki po meukuta
Bek le susah hai tuanku,Buloh peurindu kamoe mita
Bah le kamoe jak sileu ah,Bek le susah hai ayahanda
Do'a beu leo du keu kamoe,Uroe nyoe jadeh lon bungka
Bek neusayang dalam ate,Bek neupike kamoe dua
Meuna tuah dalam tuboh,Tuhan peutroh ban lon pinta
Do'a beu le hai tuanku,Deungon ibu keu aneukda
Bah le meujak dua' kamoe,Seutet lumpoe ayahanda
Meuna tuah deungon bagi,Troh keumbali dalam kuta
Jinoe laju lon beurangkat,Doa bak deelat keu kamoe neupinta
Buloh peurindu meuhan dapat,Bah le troh hat hilang nyawa
U nanggroe hareuem lon riwang,Meunyo tan lumpoe ayahanda
Buloh peurindu nyang neulumpoe,Bah le kamoe nyang usaha
Meunyo hana ulon teumeung,Beuhareuem han le lon gisa
Bah le mate lon lam uteuen,Bah jimakeuen le raksasa
Neupeulara dum na payah,Tuah meunalah keu ayahanda
Meung lon takot that keu payah,Sia meugah kamoe dua
Uroe nyoe jadeh lon langkah,Lumpoe ayah lon jak mita
Meuna do'a bunda ayah,Cit leupah kamoe bak mara
Meunan narit banta indah,Neuek pantah lam astana
Cut bangsawan ek u leupu,Seumbah ibu deungon bapa
Izin keu lon hai ma teungku,Han le neueu kamoe dua
Bukon sayang bungong sukon,Sitahon bungong han mala
Kamoe dua peuleueh apon,E ma payong ubak gata
Buleuen di langet han le peungeuh,Ka gadoh jitob le miga
Lon eu banda nyoe seuneulheueh,Neupeulheueh bandum na deesya
Bukon sayang putik sukon,Didalam on hana nyata
Neupeumeuah hai ma paying,Neupeuampon dum na deesya
Ka payah neuukon-ukon,Jinoe ulon cre ngon bunda
Bak uroe nyoe jadeh lon tren,Hai ma payong meuah deesya
Rheot-ie mata lagee ujeuen,Teuma neukheun meunoe haba
Meunyo tajak bungong karang,Kamoe sajan seutot gâta
Gunong manyang kareueng tajam,Hai intan pakri tabungka
7. INDRA BANGSAWAN Part VII
==============================
Gunong manyang kareueng tajam,Hai intan pakri tabungka
Gunong buket deungon paloh,Hai aneuk beh pakri daya
Rimueng badeuek juah han ban,Pakri jalan e aneukda
Gajah singa dalam uteuen,Beuruang ngon seurigala
Gata mate ban dua droe,Hana kamoe kalon rupa
Kareueng tajam bangon duroe,Hai samlakoe bek tabungka
Ret meusaket bak beurjalan,Bungong karang payah raya
Bek tabungka bungong pade,Boh ate po bijeh mata
Meunyo tajak hai boh ate,Teuntee mate dalam rimba
Cut Bangsawan seuot pantah,Ma meu tuah bek that rugha
Do'a bunda deungon ayah,Beu leupah kamoe bandua
Ubak Tuhan neumeulakee,Beu jeuoh sitree beu jarak baya
Neukhanduri jeueb-jeueb watee,Neulakee jeueb-jeueb aulia
Nyang lon bungka ma bek neutham,Lon tuan ka leupah haba
Adat mate pih lon paban,Kheundak Tuhan ateueh hamba
Cut Bangsawan han neupateh,Meunoe meudeh neumeudawa
Lela Kande ate peudeh,Sayang gaseh keu aneukda
Tuan putroe neumoe bae,Dara baro deungon raja
Wahe aneuk bungong keundo,Han le lon eu bijeh mata
Putroe neumoe that meusye-sye,Allah po e sayang raya
Teuma seuot raja nanggroe,Bek Ie tamoe hai adekda
Banta dua gaseh Tuhan,Dudoe intan troh jigisa
Nyang jibungka han jeuet tatham,Cut intan ka leupah haba
Narit leupah ka teulanjo,Wahe judo bek Ie rugha
Meung na tuah deungon bagi,Cit Tuhan bri mubagia
Aneuk dua jok bak Allah,Ban peurintah Tuhan Esa
Meunan narit raja duli,Cut putroe ti leubeh rugha
Cut Bangsawan ngon Syahpari,Seumbah umi deungon bapa
Seumbah ayah deungon ibu,Neutron laju le bandua
Yoh nyan putroe lom neubae,Deundayang Ie habeh subra
Putroe neumoe meusok-meusok,Teuploh ngon ok tumbok dada
Bukon sayang lon eu kaso,Sarong ijo ija sutra
Han le lon eu bungong keundo,Hai aneuk e gata dua
Bukon sayang tika panyang,Hana timang bak geulaya
Wahe aneuk bungong keumang,Boh hate nang dua-dua
Putroe bae kon bubarang,Meugeulumbang ngon ie mata
Leuek bangguna dicong panjoe,Teungoh cot uroe jiboh kua
Tinggai kuta lam meuligoe,Samlakoe leupah lam rimba
Neupeulara wahe Tuhan,Bangsawan deungon kakanda
Bukon sayang cicem nuri,Jimeu nari dalam cintra
Gata tajak bungong giri,Tinggai umi ngon ayahanda
Bukon sayang aneuk puyoh,Lam keurukoh dua-dua
Gata han Ie puteh lusoh,Saleh ho roh kamoe dua
Meunan neukheun tuan putroe,Sira neumoe ngon ie mata
Bukon sayang lon eu kaso,Han le linto malam jula
Seb keuh oh noe putroe bae,Laen lom le panyang raya
=============000=======================
Dum nan galak ate kamoe,Pakri jinoe toh bicara
Jinoe pakri he aneuk droe,Ate kamoe sang ka gila
Soe ek mita buloh peurindu,Nyang lagee su lam rahsia
Lon bri nanggroe deungon mideuen,Jikeurajeuen bah jih raja
Bah meuseuki namiet ureung,Kubri mideuen deungon kuta
Meunyo cit na lagee lon kheun,Hai buleuen han le lon raja
Han le nanggroe lon keurajeuen,Bungong kareueng soe nyang peuna
Meunyo na buloh peurindu,Nyang lagee su lam rahsia
Nanggroe kubri keu jih siblah,Kubri beu sah bahjih raja
Meunan narit raja peugah,Banta indah rheot ie mata
Bangsawan deungon Syahpari,Com di gaki po meukuta
Bek le susah hai tuanku,Buloh peurindu kamoe mita
Bah le kamoe jak sileu ah,Bek le susah hai ayahanda
Do'a beu leo du keu kamoe,Uroe nyoe jadeh lon bungka
Bek neusayang dalam ate,Bek neupike kamoe dua
Meuna tuah dalam tuboh,Tuhan peutroh ban lon pinta
Do'a beu le hai tuanku,Deungon ibu keu aneukda
Bah le meujak dua' kamoe,Seutet lumpoe ayahanda
Meuna tuah deungon bagi,Troh keumbali dalam kuta
Jinoe laju lon beurangkat,Doa bak deelat keu kamoe neupinta
Buloh peurindu meuhan dapat,Bah le troh hat hilang nyawa
U nanggroe hareuem lon riwang,Meunyo tan lumpoe ayahanda
Buloh peurindu nyang neulumpoe,Bah le kamoe nyang usaha
Meunyo hana ulon teumeung,Beuhareuem han le lon gisa
Bah le mate lon lam uteuen,Bah jimakeuen le raksasa
Neupeulara dum na payah,Tuah meunalah keu ayahanda
Meung lon takot that keu payah,Sia meugah kamoe dua
Uroe nyoe jadeh lon langkah,Lumpoe ayah lon jak mita
Meuna do'a bunda ayah,Cit leupah kamoe bak mara
Meunan narit banta indah,Neuek pantah lam astana
Cut bangsawan ek u leupu,Seumbah ibu deungon bapa
Izin keu lon hai ma teungku,Han le neueu kamoe dua
Bukon sayang bungong sukon,Sitahon bungong han mala
Kamoe dua peuleueh apon,E ma payong ubak gata
Buleuen di langet han le peungeuh,Ka gadoh jitob le miga
Lon eu banda nyoe seuneulheueh,Neupeulheueh bandum na deesya
Bukon sayang putik sukon,Didalam on hana nyata
Neupeumeuah hai ma paying,Neupeuampon dum na deesya
Ka payah neuukon-ukon,Jinoe ulon cre ngon bunda
Bak uroe nyoe jadeh lon tren,Hai ma payong meuah deesya
Rheot-ie mata lagee ujeuen,Teuma neukheun meunoe haba
Meunyo tajak bungong karang,Kamoe sajan seutot gâta
Gunong manyang kareueng tajam,Hai intan pakri tabungka
7. INDRA BANGSAWAN Part VII
==============================
Gunong manyang kareueng tajam,Hai intan pakri tabungka
Gunong buket deungon paloh,Hai aneuk beh pakri daya
Rimueng badeuek juah han ban,Pakri jalan e aneukda
Gajah singa dalam uteuen,Beuruang ngon seurigala
Gata mate ban dua droe,Hana kamoe kalon rupa
Kareueng tajam bangon duroe,Hai samlakoe bek tabungka
Ret meusaket bak beurjalan,Bungong karang payah raya
Bek tabungka bungong pade,Boh ate po bijeh mata
Meunyo tajak hai boh ate,Teuntee mate dalam rimba
Cut Bangsawan seuot pantah,Ma meu tuah bek that rugha
Do'a bunda deungon ayah,Beu leupah kamoe bandua
Ubak Tuhan neumeulakee,Beu jeuoh sitree beu jarak baya
Neukhanduri jeueb-jeueb watee,Neulakee jeueb-jeueb aulia
Nyang lon bungka ma bek neutham,Lon tuan ka leupah haba
Adat mate pih lon paban,Kheundak Tuhan ateueh hamba
Cut Bangsawan han neupateh,Meunoe meudeh neumeudawa
Lela Kande ate peudeh,Sayang gaseh keu aneukda
Tuan putroe neumoe bae,Dara baro deungon raja
Wahe aneuk bungong keundo,Han le lon eu bijeh mata
Putroe neumoe that meusye-sye,Allah po e sayang raya
Teuma seuot raja nanggroe,Bek Ie tamoe hai adekda
Banta dua gaseh Tuhan,Dudoe intan troh jigisa
Nyang jibungka han jeuet tatham,Cut intan ka leupah haba
Narit leupah ka teulanjo,Wahe judo bek Ie rugha
Meung na tuah deungon bagi,Cit Tuhan bri mubagia
Aneuk dua jok bak Allah,Ban peurintah Tuhan Esa
Meunan narit raja duli,Cut putroe ti leubeh rugha
Cut Bangsawan ngon Syahpari,Seumbah umi deungon bapa
Seumbah ayah deungon ibu,Neutron laju le bandua
Yoh nyan putroe lom neubae,Deundayang Ie habeh subra
Putroe neumoe meusok-meusok,Teuploh ngon ok tumbok dada
Bukon sayang lon eu kaso,Sarong ijo ija sutra
Han le lon eu bungong keundo,Hai aneuk e gata dua
Bukon sayang tika panyang,Hana timang bak geulaya
Wahe aneuk bungong keumang,Boh hate nang dua-dua
Putroe bae kon bubarang,Meugeulumbang ngon ie mata
Leuek bangguna dicong panjoe,Teungoh cot uroe jiboh kua
Tinggai kuta lam meuligoe,Samlakoe leupah lam rimba
Neupeulara wahe Tuhan,Bangsawan deungon kakanda
Bukon sayang cicem nuri,Jimeu nari dalam cintra
Gata tajak bungong giri,Tinggai umi ngon ayahanda
Bukon sayang aneuk puyoh,Lam keurukoh dua-dua
Gata han Ie puteh lusoh,Saleh ho roh kamoe dua
Meunan neukheun tuan putroe,Sira neumoe ngon ie mata
Bukon sayang lon eu kaso,Han le linto malam jula
Seb keuh oh noe putroe bae,Laen lom le panyang raya
=============000=======================
0 komentar:
Posting Komentar