“ PALEH MIE KURENG “

====================================

Musem keunoeng sa. ujeun meu preot preot
Gajah di meureot, oen capa paya
Yoeh golom matee , sabee ku seutot
 Rata simpang rhot,  lon roe ie mata

Tajak ulaweung,  meulinteung pawoet
Jeumpa bineh rhot,  bungong ka mala
Leubeh tujoh thon,  yangka lon  diseutot
Lon kubah di rhot, gadoeh di mata

Bak pihak  kana , guna jasa geot
Bu dalam kanoet , tabagi dua
Beungoh ngen Supoet,  ie mata trep trop
Le that dum narit gop,  di ba peusuna

Paleh mie kureng,ditunggeng kanoet
Abeh dseupoet , Peunajoh raja

Masa yoeh kaya, leumah guna goet

Gasien teuleuboet, jithoem lam paya

Pageu kureuloeh , kukoeh jeuneurop
Bungong jumpa goet,  han kubi gob ba
Kayee lon pula,  bungong bek gop peot
Bu dalam kanoet,  bek roe u luwa

Bak meurak dicoeng, bak muroeng di coet
Bek le roeh keugoep,  bungong lon tanda
Leupah that malee ,  dikalon le goep
Bak neuhuen lon lhop,  gob jareng kadra

Seutia payah , lon tambak luhoep
Lon gloeng  junurop,  lon tambak kuta
Oh kajeut keu atra,  ka dicok le goep
Meusoe han meuhop,  ci cuba kira

Meunyoe dum nan buet , hai dek tapeugoet
Goet  mate tatoep,  sudi  lon  rela
Timbak ngen budee,   lon niet bu suop
Beurang kajan lhoet,  han peu peutaba

 

=================0000==========