CINTA MEURACOEN”

==============================================
Assalamu'alaikum, wahe rakan droe
saleum uloen nyoe,  samboet  lee gata
Dalam Grup Panton, katroek loem keunoe
pantoen malam nyoe,  Judul  meurana

Sidumna galak,  mawar lon  pujoe
Tapie meuduroe,  cukoep meubisa
Saket lam jantoeng,  meu choep lam asoe
Jinoe uloen nyoe,  lam menderita

Beu teugoeh-teugoeh,  ngoen tangke mawoe
Tangkee meuduroe,  bek neujak raba
Awai uroe jeh , keulon neu pujoe
Teutapi jinoe , ka kanda cela

Loen bloe boh langsat,  bak simpang Mibo
Keno lon puwoe,  lon bagi rata
Lage umpama,  tutoeng ngen tungoe
Peudeh lam asoe,  tijoeh ie mata

Dari blang bintang,  u titi pangoe
Geujak ngen moto,  puwoe belanja
Asmara cinta,  dua getanyo
Ka angen baphoe,  hana meuhoe ka

Dari keude being, tajak u lamno
Boh jagoeng tabloe,  di pante lhoknga
Hate lon saket,  jino jadeh meupaloe
Cinta suci nyoe,  kanda boeh tuba

Di pante laoet , aneuk mit manoe
Rap keuh tip uroe,  keunan jiteuka
Peu keuh meuracoen,  tanda cintanyoe
Keu uloen jinoe,  kanda brie tuba

Fajar ka beukah,  oeh beungoeh uroe
Tanda uroenyoe,  kajeut kerija
Jinoe di kanda,  kana yang hiroe
Kana geulantoe , yang laen dara

Hana mgken lee, Dua  geutanyoe
Pikeran kachoe , hana lee sama

Jinoe loen ingin,  bak kanda sidroe
Pisah geutanyoe,  cut bang beu rela

Kasep uroe jeh,  saket hatee nyoe
Saket di adoe,  bak saba-saba
Kajeut petuwoe,  kanda keu loen nyoe
Anggap geutanyoe,  hantoem na jumpa

Neucok pelajaran,  bak kejadian nyoe
Neu pike keudroe , neu timang rasa
Singoeh oeh leuh nyan,  neu bandeng kedroe
Antara kamoe,  teuh yang setia

“ Jawaban “

===================

Peuraho cinta , diloen  that malang
Di poh geulumbang,  riyeuk peudoda
Hudep loen jinoe,  kasep meulang lang
Yang uloen saying,  gadoeh di mata

Harapan hate,  Bandum ka leukang
Pajan meuriwang,  lagee yang kaka
Mungken ka nasib,  diri loen malang
Untoeng di badan,  tuhan karonya

Meunan k umpama,  yang  loen rasakan
Diseubqab rakan, jiba peusuna
Bahtera cinta , jinoe ka karam
Hancoe ka leukang, bandum  binasa

Oeh angen barat,  kapoet beurejang
Tuloeng peuriwang,  peurahoe cinta
Uero ka seupoet,  meu gantoe malam
lam peurasaan,  sang troeh tateuka

Loen harap bahtera, ngoe lon jeumeurang
Adoe ngoen cut bang, beusaboh betra
Harapan hate,   dak juet bek leukang
Dak jeut  meuriwang , ban siklep mata

Bek lake  pisah, adoe ngoen  abang

Yang gata karang, bandumnyan  hana

Bandum Fiteunah, hai adoe badan

Cinta meulabang, dilon keu  dinda

Meunyoe tatulak, bek cara  meunan

Peugoet alasan, yang hana  hana

Seubab lon gasen, keurija pih tan

Maka alas an, tapeuna peuna