“TAWOE U RUMOEH “

Oleh : SULAIMAN.A.GANI

================================
Pujoe ngoen syukur, meuwoe Allah
Yangka neulimpah, nikmat lam Donya
Meunyoe ka meunan, adoe meutuah
Ka lon peumeuah, sigala Dosa

Jinoe keu aduen , Rijang peumeuah
Mangat bek salah, dengan Rabbana
Meuah bak adoen, ampon bak Allah
Kadang na salah, lon rika haba

Harapan aduen , jinoe lon peugah
Adoe bek sosah, hana saboeh na
Mantoeng na Tuhan, Gobnyan yang papah
Yang bri nafakah, hudep lam Donya

Mantoeng na Aduen, Keunoe ta langkat
Taniet saboeh yah, tanyoe saboeh Ma
Meunyoe bak Aduen, hana masalah
Adoe meutuah, keunoe tagisa

U rumoeh aduen, adoe woe bagah
Adoe bek susah, aduen mantoeng na
Meubu saboeh suep, meu ie saboeh glah
Meu insya Allah, Tuhan karonya

Meu kamba saboeh, aduen seuleuah
Adoe bek susah, sinoe di Banda
Atawa Rumoeh, Adoe meutuwah
Jeut adoe papah, han payah sewa

Sideh di kaju, adoe meutuah
Sinan na saboeh, Rumoh kakanda
Jinoe lam kosong, Adoe Meutuah
Adoe duek bagah, han payah sewa

Adoe duek ngoen ngoen, aduen ikeulas
Tapi beubagah, yoehgoeh goeb sewa
Tabri putusan, beurijang bagah
Adoe meutuah , gata runga

Tamaguen keudroe, disinan bebah
Hana masalah, adoe keu gata
Atau u Rumoeh, adoe woe bagah
Kalheuh lon peugah, bak mak sidara

Pajoh pue yang na, sikada mudah
Aduen seuleuah, meubu ngoen sira
Oh beungoeh, keurija bagah
Supoet talangkah, Rumoeh tagisa

Antara dua, tapileh saboeh
Meutoeh adoe jroeh, yang gata suka
Meumada ohnoe, haba lon satoeh
Pajan adoe jroeh, lon jeuput gata,Trks

( Tgk Diyueb Bruek )