“KABEH SABARAN ”

==================================

Alhamdulillah, Rahmat meukarang

Sit  Sidroe Tuhan, yang that kuasa

Atueh Muhammad, Janjongan Alam

Nabi Khataman, bandum Ambiya

 

Lon suot saleum, Alaikom salam

Airi Safrijal. Lon seuboet  nama

Hajat lon tamoeng, dalam grup nazam

Kon mita lawan,  dilon ngoen gata

Tapi tapubloe, tiep uroe Tuhan

Tamita lawan, ngoen tan kareuna

Nibak uroenyoe, habeh sabaran

Bahle lon lawan, ngat sabe padra

Tawoe u rumoh,  tajak coek parang

Tacoek keuliwang, atra pusaka

Ricoeng ngoen bareh, pusaka bak nang

Atra peunulang , bak entu gata

Taba beuhabeh, keudeh lapangan

Ulon preh sinan, cangklak that gata

Tapi hai adoe, bacut peuneusan

Yoeh goh tamuprang, tamoeng lam gaza

Manoek jitoeh boeh, jikaroem le nang

Lahe goh meujan, jikuuk pih ka

Meuboh goh lom ceh, saheh lon peutrang

Tapi hai rakan kuuk, tan reuda

Taci boeh mese, mupue  artian

Meutoeh tamsilan, taci peunyata

Meunyoe sit hanjuet, tabri jawaban

Kupue sit lawan, gata jak mita

Meutitik pusat, jak mita lawan

Pakon kurangkam, suara  gata

Sang gata mantoeng, nyang anuek agam

Meunyang laen tan, Bencoeng semua

Meunyoe nyan hanjuet, tabri jawaban

Tagisa bak nang, ngat geubri Aja

Hanpue meupake, talake lawan

Mantoeng bee pisang, ban geulhah le ma

========================================