“ SEULANGKE “

   Oleh : Tgk Diyueb Bruek

===============================

Tajak U Bireuen, Troek Nanggroe Jeumpa

Goeeulumpang Dua, Nanggroe Peusangan

Ulon Bri maklum, Bandum Syedara

Thian Syahlala, Kalheuh Tunangan

Kalheuh Aduen Jak, Geuleumpang Dua

Aduen boeh tanda,  Cut Putroe Thian

Ranub kuneng  on,  Aduen boeh  Tanda

Keu Banta Indra, Thian lon Sayang

Haba ka putoeh, janji  ka  meujan

Linto yue  datang, oh lheuh Pilkada

Bandum Syedara, jeut  acang  acang

Meupue Bantuan, Tabri keu Banta

Meungah that lamboeng, si indang indang

Yang leubeh mayang, si coet  Panglima

Jatah lon bagi, keu bandum rakan

Dalam group Nazam, lon bagi  dua

Faidzil lon Pasya,  meuhat  roet Thian

Tamah oh lheuhnya, Surga  Donya

Nyak Agam sidroe, Tamah keu Thian

Laen nibaknya, Bandum roet  Banta

Keusyik Maimun, keu Urueng Tuha

Jak intat banta, nanggroe peusangan

Tgk Diyueb bruek, meunyang keudua

Laen seureuta, ikoet rombongan

Nyak Saleum Nanggroe, Cayank  Adinda

Meunyan urueng ba,  bungkoeh hidangan

Ngoen tube meu on, lason  u muda

Intat cut Banta,  Nanggroe  Peusangan

Rapa I  geleng, hareudam  mama

Ireng cut  Banta, gagah gagah bukonle

Rapa I  pase,  ngoen grup  Rebana

Leungkap seumua, surune kale

Meumada ohnoe, haba loen  rika

Siblah roet Banta, Bandum  ka hase

Kiban blah Thian, Hai Faidzil  Pasya

Cuba bri haba,  pue ka  meuhase

================================