''SI KHANZAB''

=================================
Assalamu'alaikum inoeng ngon agam
Deungoe khabaran bacut lon rawi
Tukang peukasyoe tanyoe sembahyang
Khanzab geupeunan paleh han sakri

Wate phon tadoeng keuneuk sembahyang
Takbiratul ihram khanzab mulai
Bak ta ucap allahu akbar
Meu ulang troh padum kali

Temar oh lheuh nyan wate bacaan
Nibak masanyan khanzab peurable
Wate ta ucap do'a iftitah
Babah ta ucap hate meurawe

Meujan meupike pade dalam blang
Han sep keu utang tapuwoe hana
Meujan teuseureh paleh dum rakan
Seubab saboh jan meupake sabe

Sabe peukaru bak hate insan
Dalam sembahyang peugoet keunira
Ingat keu toke goh jibie barang
Peng setoran kalheuh barosa

Meunan jie daya puta pikiran
Akan bacaan ta ingat hana
Khanzab wate nyan seunang hana ban
Tanyoe sembahyang bacuet tan arti

Bak ureung inoeng keunoeng ji padan
Teungoh sembahyang reudok thad raya
Pade lam uroe sideh dalam blang
Eungkoet bak panggang kadang hana le

Meunan peukaru jihue ingatan
Kalheuh sembahyang han meupue arti
Saleh na meukheun mandum bacaan
Yang koeng ingatan seulamat tip sabe

 
Meunan keuh laku tip uroe tuhan
Sikhanzab seunang insan meudausa
Ingat rakan bek roeh lageinyan
Beu eok talawan khanzab peudaya

========000=====