“Hikayat 27 Rakjab 2012” oleh : Sulaiman.A.Gani
===============================================
“ALHAMDULILLAHHIL LAZI ARSALA RASULUHU
BILHUDA WADINIL HAQQI LIYUTH HIRAHU
A’LADDINI KULLIHI WALAU KARIHAL MUSYIKUN,”
================================================
“ AWWALUMA KHALAQALLAH TA”ALAN NURU “
================================================
Atueh gle jeudah, Buraq meunari
Atueh gle jati, Buraq jitafa
Deungoe lon kisah, yoeh meruet Nabi
Kiban terjadi, pue pue pristiwa
Pucoek krueng Daroy, lam gle mata ie
Ulee meusundi, lam taman Raja
Meunyoe kumpulan, Riwayat Nabi
Baca hai akhi, kiban cerita
Deungo lon kisah, na saboh rawi
Suroehan bak rabbi, bak malaikat
Badan muhammad, geuyue peusuci
U bak jibrail, suroh hadharat
Oh ban geudeungoe, peurintah rabbi
Teuma jibrai, beudoeh beurangkat
Sireuta deungoen, malek mikail
Kageu peureugi, u bak muhammad
watee lheuh insya, haba geurawi
Geutroen jibrail, u bak muhammad
Oh watee malam, kutika sunyi
Meunan geurawi, dalam riwayat
U bak moen zam zam, tuhan yue henti
Geuyue peusuci ,Tuboeh muhammad
Badan geubuka , uleh jibrail
Peurintah rabbi ,laju ngoen leugat
Jibrail neuplah, dada di nabi
Boeh jantoeng hate, neucoek le leugat
Laju le neurhah, oleh mikail
Boh jantoeng Hate , nabi muhammad
Ngon ie moen zam, beuet malaikat
Leupah that cepat , ka geupeu suci
Ohlheuh geupasoe, hate muhammad
Dada geupeukab , sigra kembali
Tuhan neupeutroen, buraq keu nabi
Meujroeh han sakri , burak syuruga
Nabi neugiduek, u ateuh buraq
Jibrail nenjak , laju sireuta
Sulaiman A. Gani
==============
“ NUBUWAH NABI MUHAMMAD S.A.W. “
BISMILLAHHIRRAHMANIRRAHIM
Alhamdulillahhil lazi Arsala Rasuluhu Bilhuda wadinil Haqqi
liyuth hirahu A’laddini Kullihi Walau Karihal Musyikun,
=============================================
Mula phoen pujoe, dum seukalian
Sit milek tuhan, Po zat yang esa
Tuhan yang peujuet, siluroeh alam
Jen deungoen insane,atueh rhueng donya
Bandum lat batat, kaye ngoen ngoen bate
Meuhat meuteunte, Tuhan yang peuna
Wajeb that atueh, dum seukalian
Keu sidroe Tuhan, bek sagai lupa
Lon mohon tulong, nibak hadharat
Saboeh hikayat, hajat lon rika
Beu ek Tuhan bri, sampoe ban hajat
Beu ek keuh tamat, surat mulia
Lon lake tuloeng, langsoeng bak rabbi
Riwayat nuri, lon meung ceurita
Beujuet trang hate, tuhanku neubri
Beureukat Nuri, yang that mulia
Beujroeh that pakhoek, meuroek ngoen nazam
Beurindu deumdam, soe soe yang baca
Jan wate neubuet, sahbat ngoen taulan
Bek roeh meurantam, neumeupoeh cakra
Asai kisahnyoe, kon hana mupat
Di dalam kitab, sinan phoen punca
Keupada nuri, neubri mujizat
Sinan phoen meuhat, asai calitra
“ AWWALUMA KHALAQALLAH TA”ALAN NURU “
Hana neupeujuet laen, le Tuhan
Hanya Nur Ulon, bak asai mula
Sit Muhammad, phoen neujadikan
Rupa miseu ban, Nuri mulia
Pujoe keu Tuhan, hana tom khali
Geunaseh rabbi, Nur yang mulia
Nuri tiep uroe, dipujoe Rabbi
Hantoem berhenti, lam rok rok masa
Sulaiman A. Gani :
===============
Allahu allah, Allah hurahman
Nabi muhammad ,nyang akhir zaman
Lahirkan nabi ,malam seulanyan
Duablah hari, rabiul awal
Umu peut ploeh thon ,nabi di makkah
Nanggroe madinah, beurangkat nabi
Nyang keujeut neuweh, nabi u makkah
Han ek neuteugah, bangsa yahudi
Ureueng di makkah, dum kukooh
Bandum pih musoeh, keumeung,poeh nabi
Nabi muhammad ,Tuhan peu jeu oh
Seulamat tuboeh, Muhammad nabi
Saidina Abdullah, beurangkat sajan
Saidina usman, Abu bakari
Laen nibaknyan ,dum asoe rumoh
Nyang ikot suroeh,jak sajan nabi
Na tujoh reutoeh ,ureueng jak sajan
Sahabat meunan ,nyang maha suci
Antara makkah, deungoen madinah
Hana that jeu oh, dua blah hari
Oh sampoe Nabi, nanggroe madinah
Sinan neupiyoeh ,diluwa nanggri
Makanan pihtan ,minuman pihhan
Ureueng nanggroenyan, han sidroe meri
Na tujoh uroe ,Nabi disinan
Kageudeungoran ,kadatang nabi
Ureueng madinah ,teubit meure ree
Geujak peutentee, geujaktueng nabi
Ureueng nyang tuha ,tanyoeng khabaran
Dimana tuan ,datang keumari
Seu ot le Nabi, lon Rasulullah
Dinanggroe mekkah, keunoe peureugi
Tgk Diyueb Bruek :
================
Nabi hana toem, ka neumeulumpoe
Malam uroe ,silama lama
Ka meuseumeunguep, nabi pih tan
Sipanjang jamuen, karoek roek masa
Binatang kleut, hantoem na jiplueng
Jijak meuteumueng, dengoen saidina
Lalat jamoek, pih hantoem troeh
Nibak tuboeh, yang mulia
Keu ngoen likoet, deuh neukaloe
Hana teusoem, bak saidina
Meubayang tan, dalam uroe
Hiruen laloe, ta eu rupa
Hate Nabi, hantoem teunguet
Yangna teupet, sit dua mata
Neutoeh iek ek, tan beukasan
Wajeb taulan, tapeucaya
Wate neuduek, lam kawan le
Mayang bahoe, di maulana
Bak wiladah, hana meuligan
Kalhueh khatan, yoeh masa na
Ban siploehnyan, sifuet janjongan
Beuta iman, dumna gata
Aman nibak , tutoeng ngoen karam
Pancuri han , cue hareuta gata
Soe yang hafai, yang siploeh nyoe
Tuhan neubri, jeuoh bala
Bala donya, bala Akhirat
Han neubri rab, deungoen gata
(Sulaiman.A.Gani/Tgk diyuebbruek,Tgl.16 juni 2011)
SULAIMAN.A.GANI
══════════════
Alhamdulillah, loen pujoe Allah,,
Rahmat Neulimpah, ateuh dum hamba,
Seulaweut saleum, keu Rasulullah,
Yang ba risalah, ateuh rhueng donya,
Dilanget manyang, bintang that ceudah
Peu neujeut Allah, neu hias donya,
Mata teupana, Alhamdulillah,
Beuleun limoeng blah, indah that rupa
Nibak malam nyoe , le that hikeumah
Ummat Rasulullah, cukoep mulia
Rasul mustafa, kuasa Allah
Tuhan iradah, katroeh ban pinta
27 Wahe sahbat , beuleun Rajab hijriah nama
Beuleun meuseujarah, mukmin dumna,
Nibak malam nyoe , kekasih Allah,,
Teuhibur gundah, hate lam dada
Teuboh ngoen nyawoeng, meurumpoek ngoen Allah
Meunan peuneugah, mandum 'ulama,,
Nabi Neu mi'reut, Meureumpoek Allah
Buraq yang indah, yang jeut keu kereta,,
Nibak dhoe buraq, teu uke indah
Keu Rasulullah, treb ka damba
Nibak malam nyan , hajat mandum glah
Seunang meuleumpah, buraq bahagia
Nabi neu isra', peurintah Allah
Dari Makkah Al-Mukarramah, U palestina
Teumpat Nabi Sulaiman, yang cukoep meugah,,
Masjid yang indah, Al-Aqsa Nama
Seulesoe disinan, menuju bak Allah
U langet leupah, neu mi'reut teuma
Lam perjalanan, lee that hikeumah
Jibril peuleumah, mandum rahsia
Syuruga indah, nikmat bak Allah
Keu para 'abdullah, iman lam dada
Neuraka tutoeng, azeub meuleumpah
Di Rasulullah, neu kaloen nyata
Nabi keu ummat, sayang meuleumpah
Pinta bak Allah, ummat di rasa
Rahmat Neu limpah, oleh Po Tallah,,
Neu bri hadiah, 17 raka'at keu hamba,,
Ngoen hate seunang, di Rasulullah
Syukur keu Allah, pujoe Rabbana
Cukoep meuharga, Allah bri hadiah
Jalan toe ngoen Allah, akhirat donya
Meuhoe ka gata, rakan meutuah
Cuba tapeuhah, hate lam dada
Kiban seutia, di Rasulullah
Cuba ta ilah, ingat keu jasa
Nabi neu hudep, sampoe woe bak Allah
Teuingat meuleumpah, keu tanyoe dumna
Peujeut di gata, ho laen arah
Meutan ibadah, seulaweut pih hana
Cukoep that rugoe, dum hamba Allah
Hudep tan arah, buet sia sia
Mulai le jinoe, ta cuba ilah
Taubat beu Lillah, hate lam dada,,
Tacoek hikmah, perjalanan Rasulullah
Teurimoeng hadiah, ikhlah lam dada
Bek le lam hudep, jeu oh ngoen Allah
Tawoe beu bagah, bak asai mula
Meumada 'ohnoe, haba lon kisah
Haba loen peugah, samboeng syedara
Meu'ah loen lake meupat na salah,,
Bandum bak Allah, meu woe yang beuna
Tgk Diyueb Bruek/SULAIMAN.A.GANI
=============================
Assalamu'alaikum, rakan meutuah,,
Ngoen Ridha Allah, meu hudep gata
Hudep lam donya, hana treb sa'ah
Amai ta ilah, u nanggroe kekal baqa
Allah hu Allah, allah hu Rahman
Deungoe loen kheun ban, saboeh calitra
Hajat lon kisah, saboeh karangan
Masa janjoengan, nabi mulia
Seujarah jameun , dilee saboeh jan
Kuasa tuhan , Allah taala
Nibak malam nyoe, tuleh karangan
Isra' mi'raj , Rasul mustafa
Dua ploeh tujoeh, bak buleun ra'jab
Nabi beurangkat, U langet donya
Mesjidil haram , mula beurangkat
Neupiyoeh siat, Mesjidil Aqsa
Tinggai Fatimah, nyan aneuk jasad
Neutinggai siat , nyan Abu baka
Umar usman , tinggai di tempat
Neutinggai siat, Ali murtadza
Bani israil, nyan dasar ayat
Firman hadharat, yang that mulia
Sinan neubaca, asoe jih meuhat
Nyata alamat , Ayat lumboi sa
Mesjidil aqsal, Seumbaahyang sunat
Ngoen malaikat, sajan ambia
Teuma oh lheuhnyan, nabi loem neujak
Neupasang buraq, ngoen pantas sigra
U langet tujoeh, sampoe berangkat
Deungoen hadharat , bertatap muka
Habeh neupeudueh , meutan le hijab
Ubak muhammad , syurga neuraka
Limoeng ploeh watee, Suroeh hadharat
Ubak muhammad , u ateuh hamba
Hingga neupuwoe , masa nyan leugat
Keudeh bak ummat , neujak bri haba
Teungoeh geupuwoe, Musa tanyoeng hat
Nibak muhammaad, musa pareksa
Lheuh neupareksa , jaweub muhammad
Limoeng ploeh meuhat , seumbahyang hamba
Musa yue riwang, teuma muhammad
Ubak hadharat, kureung yue pinta
Meuwoe woe ulang , nibak hadharat
Sehingga meuhat , sit limoeng saja
Laju neupuwoe, uleh muhammad
Ka nibak ummat , neujaak bri haba
Wajeb geutanyoe, banduem ta ingat
Pubut ibadat, seumbahyang lima
Uroe ngoen malam , limoeng watee meuhat
Wajeb e sahbat, pubut le gata
Inoeng ngoen agam, umat muhammad
Pubuet sunggoeh that, hanjeut han hana
Kaseb keuh dilee , saboeh riwaayat
keu isra' mi'raj, loen tuleh rika
Meunyoe na umu, meubri hadharat
Samboeng riwayat , laen calitra
(Sulaiman.A.Gani/Tgk diyuebbruek,Tgl.16 juni 2011)
===============================================
“ALHAMDULILLAHHIL LAZI ARSALA RASULUHU
BILHUDA WADINIL HAQQI LIYUTH HIRAHU
A’LADDINI KULLIHI WALAU KARIHAL MUSYIKUN,”
================================================
“ AWWALUMA KHALAQALLAH TA”ALAN NURU “
================================================
Atueh gle jeudah, Buraq meunari
Atueh gle jati, Buraq jitafa
Deungoe lon kisah, yoeh meruet Nabi
Kiban terjadi, pue pue pristiwa
Pucoek krueng Daroy, lam gle mata ie
Ulee meusundi, lam taman Raja
Meunyoe kumpulan, Riwayat Nabi
Baca hai akhi, kiban cerita
Deungo lon kisah, na saboh rawi
Suroehan bak rabbi, bak malaikat
Badan muhammad, geuyue peusuci
U bak jibrail, suroh hadharat
Oh ban geudeungoe, peurintah rabbi
Teuma jibrai, beudoeh beurangkat
Sireuta deungoen, malek mikail
Kageu peureugi, u bak muhammad
watee lheuh insya, haba geurawi
Geutroen jibrail, u bak muhammad
Oh watee malam, kutika sunyi
Meunan geurawi, dalam riwayat
U bak moen zam zam, tuhan yue henti
Geuyue peusuci ,Tuboeh muhammad
Badan geubuka , uleh jibrail
Peurintah rabbi ,laju ngoen leugat
Jibrail neuplah, dada di nabi
Boeh jantoeng hate, neucoek le leugat
Laju le neurhah, oleh mikail
Boh jantoeng Hate , nabi muhammad
Ngon ie moen zam, beuet malaikat
Leupah that cepat , ka geupeu suci
Ohlheuh geupasoe, hate muhammad
Dada geupeukab , sigra kembali
Tuhan neupeutroen, buraq keu nabi
Meujroeh han sakri , burak syuruga
Nabi neugiduek, u ateuh buraq
Jibrail nenjak , laju sireuta
Sulaiman A. Gani
==============
“ NUBUWAH NABI MUHAMMAD S.A.W. “
BISMILLAHHIRRAHMANIRRAHIM
Alhamdulillahhil lazi Arsala Rasuluhu Bilhuda wadinil Haqqi
liyuth hirahu A’laddini Kullihi Walau Karihal Musyikun,
=============================================
Mula phoen pujoe, dum seukalian
Sit milek tuhan, Po zat yang esa
Tuhan yang peujuet, siluroeh alam
Jen deungoen insane,atueh rhueng donya
Bandum lat batat, kaye ngoen ngoen bate
Meuhat meuteunte, Tuhan yang peuna
Wajeb that atueh, dum seukalian
Keu sidroe Tuhan, bek sagai lupa
Lon mohon tulong, nibak hadharat
Saboeh hikayat, hajat lon rika
Beu ek Tuhan bri, sampoe ban hajat
Beu ek keuh tamat, surat mulia
Lon lake tuloeng, langsoeng bak rabbi
Riwayat nuri, lon meung ceurita
Beujuet trang hate, tuhanku neubri
Beureukat Nuri, yang that mulia
Beujroeh that pakhoek, meuroek ngoen nazam
Beurindu deumdam, soe soe yang baca
Jan wate neubuet, sahbat ngoen taulan
Bek roeh meurantam, neumeupoeh cakra
Asai kisahnyoe, kon hana mupat
Di dalam kitab, sinan phoen punca
Keupada nuri, neubri mujizat
Sinan phoen meuhat, asai calitra
“ AWWALUMA KHALAQALLAH TA”ALAN NURU “
Hana neupeujuet laen, le Tuhan
Hanya Nur Ulon, bak asai mula
Sit Muhammad, phoen neujadikan
Rupa miseu ban, Nuri mulia
Pujoe keu Tuhan, hana tom khali
Geunaseh rabbi, Nur yang mulia
Nuri tiep uroe, dipujoe Rabbi
Hantoem berhenti, lam rok rok masa
Sulaiman A. Gani :
===============
Allahu allah, Allah hurahman
Nabi muhammad ,nyang akhir zaman
Lahirkan nabi ,malam seulanyan
Duablah hari, rabiul awal
Umu peut ploeh thon ,nabi di makkah
Nanggroe madinah, beurangkat nabi
Nyang keujeut neuweh, nabi u makkah
Han ek neuteugah, bangsa yahudi
Ureueng di makkah, dum kukooh
Bandum pih musoeh, keumeung,poeh nabi
Nabi muhammad ,Tuhan peu jeu oh
Seulamat tuboeh, Muhammad nabi
Saidina Abdullah, beurangkat sajan
Saidina usman, Abu bakari
Laen nibaknyan ,dum asoe rumoh
Nyang ikot suroeh,jak sajan nabi
Na tujoh reutoeh ,ureueng jak sajan
Sahabat meunan ,nyang maha suci
Antara makkah, deungoen madinah
Hana that jeu oh, dua blah hari
Oh sampoe Nabi, nanggroe madinah
Sinan neupiyoeh ,diluwa nanggri
Makanan pihtan ,minuman pihhan
Ureueng nanggroenyan, han sidroe meri
Na tujoh uroe ,Nabi disinan
Kageudeungoran ,kadatang nabi
Ureueng madinah ,teubit meure ree
Geujak peutentee, geujaktueng nabi
Ureueng nyang tuha ,tanyoeng khabaran
Dimana tuan ,datang keumari
Seu ot le Nabi, lon Rasulullah
Dinanggroe mekkah, keunoe peureugi
Tgk Diyueb Bruek :
================
Nabi hana toem, ka neumeulumpoe
Malam uroe ,silama lama
Ka meuseumeunguep, nabi pih tan
Sipanjang jamuen, karoek roek masa
Binatang kleut, hantoem na jiplueng
Jijak meuteumueng, dengoen saidina
Lalat jamoek, pih hantoem troeh
Nibak tuboeh, yang mulia
Keu ngoen likoet, deuh neukaloe
Hana teusoem, bak saidina
Meubayang tan, dalam uroe
Hiruen laloe, ta eu rupa
Hate Nabi, hantoem teunguet
Yangna teupet, sit dua mata
Neutoeh iek ek, tan beukasan
Wajeb taulan, tapeucaya
Wate neuduek, lam kawan le
Mayang bahoe, di maulana
Bak wiladah, hana meuligan
Kalhueh khatan, yoeh masa na
Ban siploehnyan, sifuet janjongan
Beuta iman, dumna gata
Aman nibak , tutoeng ngoen karam
Pancuri han , cue hareuta gata
Soe yang hafai, yang siploeh nyoe
Tuhan neubri, jeuoh bala
Bala donya, bala Akhirat
Han neubri rab, deungoen gata
(Sulaiman.A.Gani/Tgk diyuebbruek,Tgl.16 juni 2011)
SULAIMAN.A.GANI
══════════════
Alhamdulillah, loen pujoe Allah,,
Rahmat Neulimpah, ateuh dum hamba,
Seulaweut saleum, keu Rasulullah,
Yang ba risalah, ateuh rhueng donya,
Dilanget manyang, bintang that ceudah
Peu neujeut Allah, neu hias donya,
Mata teupana, Alhamdulillah,
Beuleun limoeng blah, indah that rupa
Nibak malam nyoe , le that hikeumah
Ummat Rasulullah, cukoep mulia
Rasul mustafa, kuasa Allah
Tuhan iradah, katroeh ban pinta
27 Wahe sahbat , beuleun Rajab hijriah nama
Beuleun meuseujarah, mukmin dumna,
Nibak malam nyoe , kekasih Allah,,
Teuhibur gundah, hate lam dada
Teuboh ngoen nyawoeng, meurumpoek ngoen Allah
Meunan peuneugah, mandum 'ulama,,
Nabi Neu mi'reut, Meureumpoek Allah
Buraq yang indah, yang jeut keu kereta,,
Nibak dhoe buraq, teu uke indah
Keu Rasulullah, treb ka damba
Nibak malam nyan , hajat mandum glah
Seunang meuleumpah, buraq bahagia
Nabi neu isra', peurintah Allah
Dari Makkah Al-Mukarramah, U palestina
Teumpat Nabi Sulaiman, yang cukoep meugah,,
Masjid yang indah, Al-Aqsa Nama
Seulesoe disinan, menuju bak Allah
U langet leupah, neu mi'reut teuma
Lam perjalanan, lee that hikeumah
Jibril peuleumah, mandum rahsia
Syuruga indah, nikmat bak Allah
Keu para 'abdullah, iman lam dada
Neuraka tutoeng, azeub meuleumpah
Di Rasulullah, neu kaloen nyata
Nabi keu ummat, sayang meuleumpah
Pinta bak Allah, ummat di rasa
Rahmat Neu limpah, oleh Po Tallah,,
Neu bri hadiah, 17 raka'at keu hamba,,
Ngoen hate seunang, di Rasulullah
Syukur keu Allah, pujoe Rabbana
Cukoep meuharga, Allah bri hadiah
Jalan toe ngoen Allah, akhirat donya
Meuhoe ka gata, rakan meutuah
Cuba tapeuhah, hate lam dada
Kiban seutia, di Rasulullah
Cuba ta ilah, ingat keu jasa
Nabi neu hudep, sampoe woe bak Allah
Teuingat meuleumpah, keu tanyoe dumna
Peujeut di gata, ho laen arah
Meutan ibadah, seulaweut pih hana
Cukoep that rugoe, dum hamba Allah
Hudep tan arah, buet sia sia
Mulai le jinoe, ta cuba ilah
Taubat beu Lillah, hate lam dada,,
Tacoek hikmah, perjalanan Rasulullah
Teurimoeng hadiah, ikhlah lam dada
Bek le lam hudep, jeu oh ngoen Allah
Tawoe beu bagah, bak asai mula
Meumada 'ohnoe, haba lon kisah
Haba loen peugah, samboeng syedara
Meu'ah loen lake meupat na salah,,
Bandum bak Allah, meu woe yang beuna
Tgk Diyueb Bruek/SULAIMAN.A.GANI
=============================
Assalamu'alaikum, rakan meutuah,,
Ngoen Ridha Allah, meu hudep gata
Hudep lam donya, hana treb sa'ah
Amai ta ilah, u nanggroe kekal baqa
Allah hu Allah, allah hu Rahman
Deungoe loen kheun ban, saboeh calitra
Hajat lon kisah, saboeh karangan
Masa janjoengan, nabi mulia
Seujarah jameun , dilee saboeh jan
Kuasa tuhan , Allah taala
Nibak malam nyoe, tuleh karangan
Isra' mi'raj , Rasul mustafa
Dua ploeh tujoeh, bak buleun ra'jab
Nabi beurangkat, U langet donya
Mesjidil haram , mula beurangkat
Neupiyoeh siat, Mesjidil Aqsa
Tinggai Fatimah, nyan aneuk jasad
Neutinggai siat , nyan Abu baka
Umar usman , tinggai di tempat
Neutinggai siat, Ali murtadza
Bani israil, nyan dasar ayat
Firman hadharat, yang that mulia
Sinan neubaca, asoe jih meuhat
Nyata alamat , Ayat lumboi sa
Mesjidil aqsal, Seumbaahyang sunat
Ngoen malaikat, sajan ambia
Teuma oh lheuhnyan, nabi loem neujak
Neupasang buraq, ngoen pantas sigra
U langet tujoeh, sampoe berangkat
Deungoen hadharat , bertatap muka
Habeh neupeudueh , meutan le hijab
Ubak muhammad , syurga neuraka
Limoeng ploeh watee, Suroeh hadharat
Ubak muhammad , u ateuh hamba
Hingga neupuwoe , masa nyan leugat
Keudeh bak ummat , neujak bri haba
Teungoeh geupuwoe, Musa tanyoeng hat
Nibak muhammaad, musa pareksa
Lheuh neupareksa , jaweub muhammad
Limoeng ploeh meuhat , seumbahyang hamba
Musa yue riwang, teuma muhammad
Ubak hadharat, kureung yue pinta
Meuwoe woe ulang , nibak hadharat
Sehingga meuhat , sit limoeng saja
Laju neupuwoe, uleh muhammad
Ka nibak ummat , neujaak bri haba
Wajeb geutanyoe, banduem ta ingat
Pubut ibadat, seumbahyang lima
Uroe ngoen malam , limoeng watee meuhat
Wajeb e sahbat, pubut le gata
Inoeng ngoen agam, umat muhammad
Pubuet sunggoeh that, hanjeut han hana
Kaseb keuh dilee , saboeh riwaayat
keu isra' mi'raj, loen tuleh rika
Meunyoe na umu, meubri hadharat
Samboeng riwayat , laen calitra
(Sulaiman.A.Gani/Tgk diyuebbruek,Tgl.16 juni 2011)
0 komentar:
Posting Komentar