“MEURAWI PANTON CINTA “

   Oleh : SULAIMAN.A.GANI

==================================

Dile Meurudu,  wilayah sigli,

dudoe dibagi , jeut pidie jaya

Lon balah panton, Hajat meurawi

Jawaban lon bri, dual lhe banja

Atueh gle jeudah, buraq  meunari

Atueh gle jati, buraq jitafa

Meule dum rakan, Muda ngoen Mudi

Panton  geurawi , soal  meucinta

Ulon pip rukok , keu tumpang bibi

Ulon jep kupi , keu tumpang mata

Meunyoe Agama, tayue meurawi

KA  Teuhing  gusi,  meublek blek  mata

Islam  KTP, meunyoe  lam TV

Muda ngoen Mudi,  Sang sang jinoe ka

Meurukon manoe, hana  jituturi

Saleh sit pakri, pujoe  rabbana

Kuala  langsa,  pabrek  teurasi

kuala  idi  , na  pabrek   sira

Meunyoe broh putoh, tayue meurawi

Muda ngoen , juet bri lumboi  sa

Agam ngoen Inoeng , cukop seurasi

Meunyoe meurawi, keu soal cinta

Meunyoe tayue buet, kalhueh lon uji

Meu mat Aseuli,  jituri  hana

Takoeh  bak  mane,  tarah  keu  jingki

Alee  bak  giri,  leusoeng   bak  jeumpa

Jinoe lon tanyoeng,  bak  Muda mudi

Untuk Bukeuti, beutoi  ngoen hana

Na sidroe  urueng,  Umat  ilami

Geupujoe  Rabbi, Gobnyan  hantom  na

Geupubuet salah, pih  tan sekali

Pue keuh  ek  geubri, tamoeng  syuruga

(  Tgk. Diyueb Bruek )