“ YANG KAYA SEMAKIN KAYA “

=================================

Reudoek di laot,  musem koh pade
Reudok bineh gle , musem seumula
Jinoe di Aceh , hana,karu le
Tanle su bude,  rata jeut desa

Hana teumakoet,  kerja dalam gle
Tip uroe sabe , tajak usaha
Yang mu'ue  u blang,  geu pula pade
Yang tarek awe,  geu peugot raga

Yang pula capli , luah meurante
Yang meukat jahe,  meutamah kaya
Yang kerja kanto,  bonus na sabe
BRI,ngoen BPD, meutamah jaya

Tapi na bacut , yang harus teupike
Makmu beusare , beusama rata
Sebab yang kaya,  kaya bukoen le
Moto BMW,  Made in  lua

Teuma yang gasien , lam susah sabe
Ie mata dile , lam putoh asa
Keuneuk pajoh bu , meubreuh ka tanle
Neuk pula pade , umong pih hana

Oh geusoek baje , ata soet sabe
Laen pih tan le , ngon mita hana
Ubak pemimpin,  ta harap sabe
Neukaloen sare,  rakyat jeulata

Bek na neu beda , kota ngon digle
Gampong ngon pante,  beujeut keu kota
U Pantai Timu , neu kalon sabe
Neu'eu beusare , dum ureng papa

Teuma U Barat,  tulong neu pike
Dak hana ade,  beuna neukira
keupue neupesoek , pawoen meuruke
leubeh goet neubri , pawoen rupia

Oleh: Teuku Mahli Yuni