Pages


Sabtu, 09 Maret 2013

” SEUBAB GEULARANG ZINA NGOEN JUDI ”




   Oleh : SULAIMAN.A,GANI
======================================
MEUNYOE KA KAFFAH, TAYOE JALANKAN
QISAS NGOEN RAJAM, HUKOEM AGAMA
TAPI BEK PEUGAH, KEUJAM ISEULAM
ZINA HAI RAKAN, AKIBAT RAYA

RAYA AKIBAT,  BAK PERZINAAN
MAKA HUKUMAN, GEUBRI SEUTIMPA
JEU OH PEUNGAROEH, NASAB TURUNAN
MAKA SEUBAB NYAN, GEULARANG ZINA

SEUBAB AKIBAT, ZINA GEULARANG
BAK PERZINAAN, WAHE RAKAN DROE
KA GADOEH NASAB, ASAI TURUNAN
OLEH SEUBABNYAN, LARANG ILAHON

OH LAHE ANEUK, BAK PERZINAAN
BANGSA ANEUK NYAN, KEUMA JIH LANGSOENG
MEUBALEK NASAB, ASAI TURUNAN
ANEUK JAHANNAM, JIKKHEUN LAM GAMPOENG

WATEE JITUPUE, YANG MEUNAN MACAM
LAJU NGOEN PARANG, TANYOE DI HUKOEM
AKIBAT SINAN, JEUT KEUKACAUAN
JEUT PERMUSUHAN, DI DALAM GAMPOENG

SEUBAB GEULARANG ,ARAK NGOEN JUDI
SINAN MULAI, NAKAL PIKIRAN
WATEE KA MABOK, HAN SADAR DIRI
SINAN TERJADI ,DUM KEURUSUHAN

WATEE KA TALO, BAK LAPAK JUDI
SINAN MULAI, RUSAK PIKIRAN
PUBLOE PUE YANGNA, NGOEN YUM TAN MEUKRI
KEU PANGKAI JUDI, BAK HARAP MEUNANG

MEUNYOE YANG TALO, RIWANG KEUMBALI
NIBAK ISTERI, LAKEE PINJAMAN
LAKEE GLEUNG JAROE, DEUNGOEN GLEUNG GAKI
MEUNYOE HAN JIBRI, JIH JIH DI ANCAM

LADOEM SAMPOE CREE, DEUNGOEN ISTERI
LADOEM TROEK SAMPE, BAK KEMISKINAN
YANG LADOEM SAMPOE, JEUT KEU PANCURI
AKIBAT JUDI, RUSAK PIKIRAN

MEUNYOE TAPUBUET, YANG MEUNAN MACAM
PREEH AZEUB TUHAN, U ATEUH GATA
OH UROE DUDOE ,TUHAN NEUPEUCEH
NGOEN ULEU HAREH, GEU AZEUB GATA

ULEU NEURAKA, GEUPEUNAN HAREH
IKU JIH KEUDEH, U MIYUB DONYA
TUHAN PEURINTAH, BAK ULEU HAREH
 SIKSA THAT PEUDEH, GEUBRI KEU GATA......Wasalam
 (  Tgk Diyueb Bruek )




0 komentar:

Posting Komentar

Komentar FB :