“ HAN LE JI KU UEK“

===========================================
LEPAH THAT SAYANG, DI MANOEK SIYAM
BAK SOEK SOEK GARANG , PIKE DROE RAJA
KA JIJAK KU EUK , HANA MEU JAN JAN

JI PAKAT MEU PRANG,  SOE SOE YANG  SUKA

DALAM GEUREPOEH , PEGOET PIASAN
KA JIJAK HANTAM , PINTOE JENDELA
JI EK URUMOEH , KAJI PLAH PINGAN
JI TOEH EK INAN,  DI ATEUH MEJA

BU DALAM KANOET,  PIH KAJI KURAN
KA JI PLAH LAPAN , SITUTOP RAGA
HABEH MEUSISEU , CIPE NGOEN TALAM
KEUBIT MANOEK NYAN , SEB KURENG AJA

TGK POE RUMOEH , BULE MEU GRAM  GRAM
GEU EU PIASAN,  MANOEK DURJANA
KA DUA LHE GOE,  GEUBI PERINGATAN
TAPI MANOEK NYAN , JI PAKOE HANA

DI MANOEK BANGKOK , PIH LAEN MACAM
NGOEN MANOEK SIYAM , KAJI MEUHABA
LAJU RHOET IMBOX,  BIE PERINGATAN
KEU MANOEK SIYAM , CHIET SIGOE SAJA

HANA JI PATEH,  DI MANOEK SIYAM
SOEMBOENG NGOEN ANGGAR,  ANGKUH LAGOINA
SABE PEGAH DROE,  HEBAT HANA BAN
DALAM PENDIDIKAN , TAMAT  S -2

BAK MANOEK BANGKOEK , WAHE E RAKAN
HANA PERINGATAN,  KALI KEUDUA
MENYOE MEULANGGEH , TETAP JI HANTAM
NYAN MANOEK SIYAM , JITROEM U LUA

DALAM GEUREPOEH,  LAJU JIE CEU NAN
DALAM PERTEMANA,  JI HAPUS SIGRA
KOEN UNTUK,  BIE PELAJARAN
TAPI HAI RAKAN,  UNTUK SILAMA-LAMA

HAN LE JI KUE EUK , DI MANOE SIYAM
KA GADOEH GARANG , TEULAH JI TEUKA
DI LUWA GEUREPOEH,  KASEUNGAP  SINAN
SOE PAKOE PIHTAN , SEUDEH LAGOINA

DI MANOEK BANGKOEK,  LAJU JI PEUSAN
BAK RAKAN RAKAN,  KEUTANDA MATA
DIDALAM HUDEP , INGAT HAI RAKAN
LAM PERGAULAN , BEUNA SEUTIA

BEK PUETIMANG MBOENG , SOEMBOENG NGOEN ANGGAR
DAK PIH PENDIDIKAN,  TAMAT ES LIMA
ADAK PIH KAYA , TANYOE HARTAWAN
HAN JEUT HAI RAKAN, TABlOE SAUDARA

TABLOE SAUDARA , NGOEN GASEH SAYANG
BUKOEN HAI RAKAN , TABLOE NGOEN HARTA
BEK TACOEK CONTOE , BAK MANOEK SIYAM
AKHEE HAI RAKAN,  CANYOE CELAKA

DI MANOEK BANGKOEK , MEUNAN KEUH PESAN
BAK MANOEK LAEN HAI RAKAN, PAKIBAN HABA
MENYOE NA SALAH , TULOENG BIE PESAN
LON PREH KOMENTAR,  LAYE LON BUKA..
===========oooooooooo=================