DOA KEU SEURAMOE MEUKAH

Oleh  : SULAIMAN.A.GANI

================================

Deungoen Bisminlah, Lon puphoen kalam

Lon pujoe Tuhan, Azawajalla

Kamoe meulake, bak droe neuh Tuhan

Meunyang laen tan, yangna kuasa

Kamoe tawasul, rasul janjongan

Teuma oh lhuehnyan, bandum Ambiya

Keu bandum wareh, sahbat janjongan

Seureuta sajan, bandum ulama

Nauzubillah lindoeng bak tuhan

Beuteutap iman didalam dada

Bek roeh tapubuet yang ka geularang

Aceh beudalam taubat nasuha

Seulaweut saleum akan janjoengan

Keumuhammadan saidil ambiya

Berkat syufaat pang ulee alam

Aceh beu aman damai sentosa

Bala tsunami bekle meu ulang

Aceh beu aman bekle lam bala

Ureung yang jahe neutunyoek jalan

Mangat di riwang pujoe rabbana

Allahu allah khalikul mannan

Yang gaseh sayang keupada hamba

Kamoe meulake bak droe ya rahman

Aceh beu aman dalam sejahtra

Bala yang neubri jeut keupodaman

Saboeh cobaan u ateuh hamba

Beuroeh lam saba ateuh cobaan

Beuteugoeh iman di ateuh bala

Allah hu allah allah hu rahman

Neubri beu aman aceh sentosa

Aceh bek karue lua ngon dalam

Supaya aman ta bangun bangsa

Keu ureung korban dalam tsunami

Ya allah neubri tamoeng syurga

Kubu beu luah tuhanku neubri

Korban tsunami pangkat syuhada

Sajan fatimah ngon aneuk nabi                       

Di kawoem ummi blang padang masya

Beusaboeh payoeng ka deungon nabi

Di kawoem abi tamoeng syuruga

Yang hana kubu jeurat tuhan bri

Korban tsunami hukoem rabbana

Tanyoe meudo’a teumpat barang ri

Hana meseuti nibak pusara

Allah hu allah hu allah hu rabbon

Allah kadiron sidroe yang esa

Bek le tsunami keunoe neupetroen

Kamoe neu apoen menyoe meudosa

Neubri peutunyoek e ya ilahon

Bekle na kawoem yang pubuet dosa

Kaseb tsunami kamoe neuhukoem

Dosa neu ampon e ya rabbana

Dosa ma ngon yah beu neupeu ampon

Allah ya rabbon neukabul doa

Untuk pemimpin rahmat neupeutroen

Bekle neuhukoem e ya rabbana

Bek ngon tsunami kamoe neu hukoem

Beu neupeu ampon sigala dosa

Bekle neu azeub bala neupeutroen

E ya ilahon kasep be yang ka

Neubri aceh nyoe islam beujaya

Lage yoeh mula jameun awai phoen

Nanggroe peureulak sinan phoen mula

Dudoe samudra wilayah geudoeng

Hingga berkembang sampoe malaka

Iseulam jaya sampoe reutoeh thoen

Poe teumeureuhom iskandar muda

Yang mat neuraca aceh jaya phoen

Yang atoe nanggroe iskandar muda

Kawoem ulama bandum yang susoen

Rayeuk that peuran kawoem ulama

Sama ngon raja geupimpin kawoem

  

Iseulam di aceh jameun koen kana

Kawom ulama peudoeng awai phoen

Na kadhi agoeng sidroe ulama

Yang bri fatwa syariat hukoem

E ya tuhanku kamoe neutuloeng

Kamoe neulindoeng e ya hadharat

Siploh boeh salah kalheuh loen susoen

Kamoe neu ampon bekle neu azab

Beuleupie hate sijuk lam jantoeng

Keu bandum kawoem yang na ibadat

Inoeng ngon agam kuta ngon gampoeng

Pujoe ilahon syukur keu nikmat

Bak buet yang salah tuhan neulindoeng

Bekle neuhukoem uroe kiamat

Bekle tsunami bala neupeutroen

Bekle neuhukoem uroe akhirat

Keubandum kamoe dosa neu ampon

Beusaboeh payoeng dengon muhammad

Bak ule titi kamoe neutuloeng

Beuleupah langsoeng syurga tempat

Allah hu allah rahmat mukatoe

Sit tuhan sidroe yang that kuasa

Yang mantoeng umu ajai goeh sampoe

Geuloembang tampoe tsunami hebat

Yang ka troek ajai umu ka sampoe

Kaleupah geuwoe nibak hadharat

Doa loen lake bak tuhan sidroe

Badum ureung nyoe syurga tempat

Yang mantoeng udep dalam donya nyoe

Bak tuhan si droe u loen munajat

Beu dalam iman oh wate geuwoe

Dalam donya nyoe iman seulamat

Allah hu allah ya rabbol kade

Aceh beknale neubri lam bala

Aceh bekkaru bekle su bude

Aceh bek pake sabe saudara

  

Dame helsenki ya rabbul kade

Neubri beusampe ban hajat pinta

Beujeut keudame ngat bekle pake

Gam dengan ri beujeut saudara

Neubri aceh nyoe bekroeh lam jahe

Jiseutoet kafe budaya lua

Neubri seulamat bathen ngon lahe

Oh uroe page neubri syurga

Pintoe syurga neugunci bekle

Ya rabbol kade neukabul doa

Beu dalam iman oh wate mate

Pareksa bekle neuceing amalan

Nabi muhammad rasul yang akhe

Seulaweut sabe seupanjang masa

Berkat syufaat rasul yang akhe

Aceh bekna le neubri lam bala

============00================

DOA
DEUNGOEN BISMILLAH, DOA MULAI
YA ALLAH NEUBRI , DALAM SEUJAHTRA
ALHAMDULILLAH , RABBUL IZZATI
YANG MAHA SUCI , AZAWAJALLA…………………..Amin

SEULAWEUT SALEUM ,LHEUHNYAN KEU NABI
RASUL YANG AKHI, SAIDIL AMBIYA
YANG BA RISALAH, SEULURUH NEUGEURI
SAYANGAN RABBI, ATEUH RHUENG DONYA……..Amin

AMIN YA ALLAH, PEUTROEK HAJATI
ALLAH LINDUNGI, NYAN UUPA
BEUSIJUEK HATE, GAM DEUNGOEN R.I
BEKLE TERJADI , DAKWI NGOEN DAKWA…………..Amin

ALLAH HU ALLAH ,MEU PO DIKAMI
ACEH BEUNEUBRI, AMAN SEUNTOSA
NEUBRI BEU AMAN, ACEH YA RABBI
BEKLE TERJADI , DAKWI NGOEN DAKWA……………Amin

ALLAH HU ALLAH, TUHAN DI KAMI
PEUTROEK HAJATI,NEUKABUL DOA
DOSA NEU AMPOEN ,SALAHAN KAMI
GAM DEUNGOEN R.I, DOSA YANG KAKA…………….Amin

DOSA YANG KALHEUH, BANDUM AMPUNI
KEU BANDUM KAMI, YANGKA MEUDOSA
BEUSABOEH PAYOENG, KAMOE NGOEN NABI
BAK ULEE TITI, NEUPEUGLAH BAHYA……………….Amin

ALLAH HU ALLAH, RABBUL IZZATI
YA ALLAH NEUBRI, BAN HAJAT PINTA
ACEH NEULINDOENG , E YA ILAHI
DAME HELSINKI, BEU EK SEUMPURNA…………….Amin

KEU BANDUM PIHAK, TOKOH HELSINKI
YA ALLAH NEUBRI, RAHMAT SEUJAHTRA
BEUSEHAT TUBOEH, BAHYA BEK NEUBRI
BEUNEULINDUNGI, NYAN UUPA……………………Amin

TIM MONITORING, YA ALLAH NEUBRI
BADAN BEK SEU-I, SEHAT PIKIRAN
BEU MANGAT TUBOEH, NGAT TROEH HAJATI
YA ALLAH NEUBRI AMAN SEUNTOSA…………….Amin

BEULEUPIE HATE, BEUSIJUEK JANTOENG
KEU BANDUM KAWOEM YANGKA TERLIBAT
UNTUK TNI GAM ,DALAM GAMPOENG
ALLAH NEUPEUTROEN SABA BEULE THAT………..Amin

ALLAH YA ALLAH, YA RABBUL KADE
ACEH BEKNA LE, MUPRANG SAUDARA
ACEH BEK KARU, BEKLE SU BUDE
ACEH BEK PAKE , SABE SAUDARA……………………Amin

NGOEN UUPA, KANEU RIDHA I
BEKLE TERJADI , DAKWI NGOEN DAKWA
BEUJEUT KEU DASAR, TABUNGUN NEUGERI
BEUJEUT BUKEUTI, AMAN SENTOSA……………….Amin

BEUJEUT KEU HUKOEM , TABANGUN NEURI
BEUJEUT ABADI, KARU BEKLE NA
BEUJEUT KEU PATOEK, SABOEH PONDASI
BEKLE TERJADI MUPRANG SAUDARA……….Amin

ALLAH HU ALLAH ,ALLAH HU RAHMAN
NEUBRI BEU AMAN, ACEH SENTOSA
ACEH BEK KARU ,LUA NGOEN DALAM
SUPAYA AMAN , TABANGUN BANGSA ……Amin

DOA LOEN LAKE BAK DROE NEUH ALLAH
JAROE DUA BLAH LOEN LAKE DOA
ACEH NYOE JINOE NEUBRI BEU MEUGAH
DEUNGAN AFUAH ALEM ULAMA ………………Amin

YA ALLAH NEUBRI ,BAGI KEU RAKYAT
BEU JI IBADAT ,PUJOE RABBANA
ACEH LHEE SAGOE, BEUROEH LAM TAUBAT
PEUDOENG SYARIAT ,HUKOEM AGAMA ….Amin

NEUBRI YA ALLAH ,TEUHAH PIKIRAN
BANDUM PIMPINAN, ACEH MULIA
SEURAMOE MEKKAH, SYARIAT TUHAN
BANDUM ATURAN , KEUNAN MEUPUNCA …….Amin

NEUBRI YA ALLAH , LIMPAH MEUKATOE
PEUMIMPIN NANGGROE, NEUBRI BAHAGIA
GEUPIMPIN RAKYAT , ACEH LHEE SAGOE
TANNYOE GEUHIMBAU, PUBUET AGAMA…….Amin

JINOE BERSATU ,BANDUM GEUTANYOE
ACEH LHEE SAGOE, BEU EK SEUJAHTERA
KEUMBANG AGAMA, RATA JEUT SAGOE
ACEH TAPUWOE LAGE YANG KAKA ………Amin

ALLAH HU ALLAH ,A LLAH HU RABBOEN
ALLAH KADIROEN , SIDROE YANG ESA
SYARIAT ISLAM , ACEH NEULINDOENG
BEUJEUT KEU PAYOENG, DASAR NEGARA …Amin

A LLAH HU ALLAH, ALLAH HU RAHMAN
UROE NGOEN MALAM , KAMOE MUNAJAT
NEUBRI YA ALLAH , ACEH BEU AMAN
SYARIAT ISLAM , BEUMAJU PEUSAT ………Amin

NGOEN UNDANG UNDANG , SYARIAT ISLAM
ACEH TAKEUMBANG , KIBAN YANG HAJAT
TAPEUDOENG HUKOEM, SYARIAT TUHAN
BEKNA TANTANGAN , E YA HADHARAT ……AMIN

UREUNG YANG SALAH. NEUTUNYOEK JALAN
RIWANG BAK TUHAN , PUBUET IBADAT
BEUROEH LAM SABA ,ATEUH COBAAN
BEUTEUGOEH IMAN, DI ATEUH BALA ……Amin

ALLAH HU ALLAH ,TUHAN DI KAMOE
BAK TUHAN SIDROE, KAMOE MUNAJAT
BEU DALAM IMAN , OH WATE MEUWOW
DALAM DONYA NYOE, IMAN SEULAMAT ……Amin

ALLAH HU ALLAH, ALLAH HU RABBI
PEUTROEK HAJATI , NEUKABUL DOA
DOSA NEU AMPOEN , SALAHAN KAMI
SYARIAT ISLAMI , NEUPEUSEULAMAT ……Amin

DOSA YANG KAKA , BANDUM AMPONI
KEU BANDUM KAMI , YANGKA MEUDOSA
BEUSABOEH PAYOENG, KAMOE NGOEN N ABI
BAK ULE TITI , NEUPEUGLAH BAHYA ………….Amin

ALLAH HU ALLAH , YA RABBUL KADE
ACEH BEKNA LE , MUPRANG SAUDARA
ACEH BEK KARU ,BEKLE SU BUDE
ACEH BEK PAKE , SABE SAUDARA …………….Amin

NA UZUBILLAH, LINDOENG BAK TUHAN
BEUTEUTAP IMAN, DI DALAM DADA
BEKROEH TAPUBUET, YANGKA GEULARANG
ACEH BEUDALAM ,TAUBAT NASUHA ……Amin

ALLAH HU ALLAH , KHALIKUL MANNAN
YANG GASEH SAYANG, KEUPADA HAMBA
NEUBRI ACEHNYOE , NANGGROE BEU AMAN
NGAT JEUT TAKEUMBANG, BUDAYA BANGSA ….. Amin

SYARIAT ALLAH , TEPEUDOENG MAYANG
HUKOEM ISEULAM, ACEH BEUJAYA
BEU EK TAPUWOE , NANGGROE ISEULAM
LAGE YOEH JAMEUN, ISKANDAR MUDA ……..Amin

NEUBRI ACEHNYOE , ISLAM BEUJAYA
LAGE YOEH MASA , JAMEUN AWAI PHOEN
NANGGROE PEUREULAk, SINAN PHOEN MULA
DUDOE SAMUDRA , WILAYAH GEUDOENG …Amin

HINGGA BERKEMBANG , SAMPOE MALAKA
ISLAM JAYA , SAMPOE REUTOEH THOEN
PO TEUMEUREUHOM , ISKANDAR MUDA
YANG MAT NEURACA ,ACEH JAYA PHOEN ….Amin

NEUBRI PEUTUNYOEK , E YA ILAHOEN
BEKLE NA KAWOEM , YANG PUBUET DOSA
KAS EB BE YANGKA , KAMOE NEUHUKOEM
DOSA NEU AMPOEN , E YA RABBANA ……….Amin

DOSA MA NGOEN YAH , BEUNEU PEU AMPOEN
ALLAH YA RABBOEN , NEUKABUL DOA
UNTUK PEUMIMPIN , RAHMAT NEUPEUTROEN
BEKLE NEU HUKOEM , E YA HADHARAT …Amin

BEK LE NEU AZEUB ,BALA NEUPEUTROEN
E YA ILAHOEN , KASEB BE YANGKA
E YA TUHANKU , KAMOE NEUTULOENG
KAMOE NEULINDOENG , E YA HADHARAT ….Amin

BEU LEUPIE HATE, BEUSIJUEK JANTOENG
KEU BANDUM KAWOEM ,DI ACEH MEUHAT
INOENG NGOEN AGAM , KUTA NGOEN GAMPOENG
PUJOE ILAHOEN ,SYUKUR KEU NIKMAT ………Amin

ALLAH HU ALLAH ,RAHMAT MUKATOE
SIT TUHAN SIDROE, YANG THAT KUASA
YANG MANTOENG UMU, AJAI GOEH SAMPOE
GEULOEMBANG TAMPOE, TSUNAMI HEBAT ………Amin

BAK BUET YANG SALAH , TUHAN NEULINDOENG
BEKLE NEUHUKOEM , UROE KIAMAT
KEU BANDUM KAMOE , DOSA NEU AMPOEN
BEKLE NEU HUKOEM , UROE AKHIRAT ……Amin

ACEH LHEE SAGOE , BEU NEUPEULINDOENG
BEUSABOEH PAYOENG, DEUNGOEN MUHAMMAD
BAK ULEE TITI , KAMOE NEUTULOENG
BEULEUPAH LANGSOENG , SYURUGA TEUMPAT . .Amin

PINTOE SYURUGA , NEUGUNCI BEKLE
YA RABBUL KADE , NEUKABUL DOA
BEU DALAM IMAN, OH WATE MATE
PAREKSA BEKLE , NEUCEING AMALAM ……Amin

NABI MUHAMMAD , RASUL YANG AKHE
SEULAWEUT SABE , SEUPANJANG MASA
BERKAT SYUFAAT , RASUL YANG AKHE
ACEH BEU NEUBRI , ISLAM BEU JAYA …………….Amin