Pages


Sabtu, 09 Maret 2013

ACEH THAT TINGGAI LAM PENDIDIKAN



 Oleh : SULAIMAN.A.GANI
==========================================
SalamA`laikom , Jaroe Lon Angkat
Pujoe Hadharat , yang Po Alamnyoe
Yang peujeut langet , seureuta Darat
Yang Bri Mujizat , Nabi Geutanyoe

Seulaweut Saleum , u Ion Peu intat
 Nabi Muhammad , Rasul Geunatnyoe
 Seureuta Wareh,  Ahli ngon Sahbat
Yang Bri Syufa'at,  Oh Uroe Dudoe

Ngon Bandum Wareh,  Jaroe Ion Mumat
Mukmin Mukminat , Agam ngon Binoe
Nyoe Pat Na Mudah,  Keureutah Lon Mat
Tuleh Nasehat , Kisah Lawetnyoe

Sambot Rakan Lon,  Haba kireman
Hai Pendidikan , Baca Hai Cut Lem
Aceh That Tinggai, Lam Pendidikan
Didalam Koran , Tabaca Kanyem

Pada Hai Aceh,  Kalheuh Na Modal
Lhee Boh l.andasan , Yang Sangat Peunteng
Peureuta Maphon , Bah Pendidkan­
Agarna Lheuhnyan,  Ikoet seu ireng

Bebas Agama ,Hana Soe Sanggang
Bebas Iseulam, Keubang Hai Cut Lem
Peukara Adat, Keu Lhee Hai Rakan
Ban Lhee Atranyan,  Kri Kri Yang Mungken
 
Hak Istimewa ,Lhee Boh Atranyan
 Tapi Jinoe Tan ,Tangeing Hai Cut Lem
Miseu Umpama, Hak Pencidikan
Aceh That Tinggai,  Bandeng Ngoen Laen

Watee Tabaca, Kanibak Koran
Aceh That Tinggai , Wahe Tungku Ben
Jumlah Guru , Hana Seu Imbang
Ngon Peungotahuan , Reudah Alaihem

Baca Tiori , Bah Pendidikan
Hana Meudalam , SeubabTan Kayem
Nibak Sikula,  Peuraktek Pih Tan
Seubab Tan Bahan , Praktek HaiCutLem

 Peugah Bak Murit , Hanya Gambaran
Lagee Bayangan,  Bak Kira  Kira
Ngon Uji Coba , Tan Peuralatan
Watee Meuen Bhan , Ka Hana Bola

Alat Peuraga , Bantuan Guru
Seureuta Buku , Asoe Pustaka
Bandum Atranyan , Han Pue Ta Peugah
Kurusi Patah , Ngon Gantoe Hana

Pue Lom Sikula , Lam Rimba ALLAH
Si Jago Mirah , Peutinggai Rungka
Jinoe Beulajar , Dalam Uroe Crah
Ateuh Meunasah,  Bak Jambo Jaga

Teuma Di Guru,  Pih Saboh Ulah
Droe Di Peusiblah,  Pinah U Kota
Peugot Urusan , Ngon Susah Payah
Pue Lom Ta Peugah , Meunyangna Apa

Yang Na Syedara,  Urusan Mudah
Sion Keuretah , Geupeugot Nota
Peugot Uroenyoe , Singoh Ka Pinah
Sidumna Ceudah , Bak Peugot Cara
         
Tanle Disayang, Murid Dikeubah
Dengon Sikulah, Guru Tan Le Na
Oleh Seubabnyan , Karoh Lon Peugah
Meunjadi Tugas , Pak Dinas PK

Ngoen Otonomi,  Cara Neupeuglah
Dana Meulimpah , Peugot sikula
 Neu Gantoe Bangku , Kurusi Patah
Buku Neu Ilah , Asoe Pustaka

Sikula Reuloh , Neupeugot Bagah
Neubri Gairah,  Guru Di Desa
Guru Teuladan , Bantu Nafakah
Neu Jok Hadiah,  Sambong Sikula

Murid Prestasi , Pih Meunan Ulah
Neubri Hadiah,  Bea Siswa
Neu Bagi Buku,  Nebloe Dengon Tah
Bekle Payah Yah,  Pikee Beulanja.

Keu Bapak Kandep,  Peusan Sipatah
Beutrok Neulangkah , Rata Sikula
Bek Neumeu Ato , Deungon Keureutah
Neujok Perintah,  Neukalon Hana

Kadang Sikula , Kurusi Patah
Neujok Peurintah,  Neunyue Bloe Meja
Kadang Dit Guru , Hansep Nafakah
Neujok Peurintah,  Keuridit Honda

Kadang Sit Murid , Aneuk Mate Yah
Bajee Kabeukah , Seupatu Hana
Bea Siswa,  Cara Neu ilah
Aneuk Matee Yah , Teutap Sikula

Sayang That Rakyat , Ka Jijeip Racon
Disangka Bon Bon, Meugandong Saka
Meu Mada Ohnoe , Haba Lon Suson
Peu Meu'ah Keu Lon,  Meunyoena Gasa
=Thoen 2007 ============

0 komentar:

Posting Komentar

Komentar FB :