GEUTUNTUT RIBA

Oleh : SULAIMAN.A.GANI.

===========================================

GEUTENTU RIBA,  LAH  WAHAI SAHBAT

ATEUH DUA PAT, DALAM  SYARI’I

PEUREUTA MAPHOEN,  ATEUH MAT  UMAM

NYAKNI  HAI TAULAN , MAKAN  ADAMI

MEUNYANG KEU DUA,  DI ATEUH NAQAT

MEMEUH NGOEN PERAK,  LOEN BOH AREUTI

MUFHOEM DI SINAN , NYAN RIBA THAT

NYANGKA DUA PAT , KALHEUH LON PEURI

MEUNAN MEUTEUMEE,  DI DALAM KITAB

BUKON HAI SAHBAT , LOEN PEUNA RAWI

KA TEUMA RIBA,  KAGEUBAGI PEUT

DEUNGOE TENGKU CUT,  U LOEN PEUNYATA

PEREUTAMA PHOEN,  RIBA FAZALI

KA RIBA YADI , MEUNYANG KEUDUA

TEUMA YANG KEULHEE,  RIBA NASA’I

KEUPEUT HAI AKHI,  FARAZI NAMA

KATEUMA TAKREF,  RIBA FAZALI

DEUNGOE HAI  AKHI,  ULOEN  PEUNYATA

PUBLOE MAKANAN ,  DEUNGOEN MAKANAN

YANG BERSAMAAN , PADA JENISNYA

KA KURENG LEUBEH,  NIBAK SUKATAN

ATAU TIMBANGAN,  HANA BERSAMA

MISEU  TAPUBLOE , GARAM NGOEN GARAM

NIBAK SUKATAN , HAN SADUM KADA

PADE NGOEN PADE, JAGOENG NGOEN JAGOENG

GANDUM NGOEN GANDUM,  PIH SAMA JUGA

MEUNYOE HAN SADUM,  NIBAK  SUKATAN

BANDUM BARANG NYAN , GEUHUKOEM RIBA

MEMEUH DEUNGOEN MEUH,  PERAK DEUNGOEN PERAK

MEUNYANG LEUBEH HAK , HAN SADUM KADA

ASAI HAN SADUM , NIBAK TIMBANGAN

BANDUM BARANGNYAN,  GEUHUKOEM  RIBA

 KA TEUMA TAKREF,  KA RIBA YADI

DENGOE HAI AKHI , U LON RIWAYAT

PU BLOE MAKANAN , DEUNGOE MAKANAN

ATAWA  TAULAN , NAQAT  NGOEN HAQAT

SEUREUTA TEAKHER,  BEUCOCOK BARANG

OH LHEUH CRE  BADAN,  MAJEULIS  AQAT

TAMSEE ULON BOEH , MEUNOE LAKUAN

LE  KEUJADIAN , KAJEUT KEU  ADAT

BAK  TUKA BIJEH,  YANTI NGOEN RASI

ATAWA  HAI MI , NGOEN  PADE  LEUKAT

YANG  LADOEM GEUKHEUN,  KA MEUNOE  RAWI

DI  LON HAI  NYAKTI,  HANA MEUKARAT

JEUT SINGOH LUSA TAJAK JOEK PADE

DANG NA UREUENG ME,  JIWOE SI AMAT

YANG MEUNAN MACAM , RIBA TERJADI

INGAT  HAI CUT MI,  DAUSA  RAYA THAT

MEUNAN  CIT PUBLOE,  SIRA NGOEN PADE

RIBA TEURHADI , MEUNYOE  TAN QABAT

MEUWIE  NGOEN  UNUEN, SIRA  NGOEN PADE

MEUBEK TERJADI, NEUPREH  LON SUKAT

KATEUMA TAKREF,  RIBA NASA’I

DEUNGOE  HAI  AKHI, BACUT  ULOEN BOEH

PUBLOE MAKANAN , DEUNGON MAKANAN

ATAWA TAULAN ,  MEUMEUH DEUNGOEN MEUH

PERAK NGOEN PERAK , MEUNAN SIT  SABAN

DALAM AKAD NYANG , TEUSEUBOET  TANGGOEH

TEUSEUBOT  TEMPOE,  DALAM  JUALAN

OLEH  SEUBAB NYANG ,RIBA KA  JATOEH

TAMSE ULON BOH MEUNOE LAKUAN

NA KEUJADIAN NIBAK SI RIPOEH

MEU SIE KADICOEK HAREUGA PIH TAN

TOKE JUALAN MEUNOE JIKHEUN ROEH

MEUNYUM  SIE ULOEN,  PADE  PEUT  GANTANG

OHLHEUH KOEH  DIBLANG,  TA  INTAT  BEUTROEH

WAHE  SAUDARA,  KAWOEM  ISEULAM

BAK BUET LAGENYANG,  BEU TAPEUJEUOH

 RAYA THAT DAUSA,  TANYOE  NGOEN  TUHAN

UROE  KEMUDIAN,  NURAKA  PAJOEH

BEK  GARA  BACUT, DOSA NGOEN TUHAN

NURAKA  JAHNAM, TANYOE  JIPAJOEH

TEUMA TAKREF,  RIBA FARAZI

DEUNGO HAI AKHI, KAWOEM ISEULAM

TIEP TIEP PEU UTANG , NYANG NA DI SYARAT

MEUGANDA LIPAT,  WATE  BAYARAN

LAGI SYARAT  NYAN,  DI DALAM  AQAD

MEUNAN HAI SAHBAT, NYANG KEUBANYAKAN

MISEU  DEUNGON BANK.,  KRIDIT  TA  IKAT

KA  AWAI SYARAT, BUNGOENG  PAKRIBAN

           

MISEU  PUE UTANG , PEUT  ARE  SUKAT

DEUNGOEN DI SYARAT,  BAYEU  PEUT  GANTANG

ATAU PEU UTANG,  KEU UREUENG MEUKAT

KADAR  JIH MEUHAT,  SIPLOH  DEUREUHAM

DEUNGON DI SYARAT , BEUNA MANFAAT

KEUJEIH TA INTAT , TIEP TIEP BULANAN

MEULIMOENG PERSEN,  KEU JIEH TA INTAT

DI DALAM AQAD , DI SYARAT MEUNAN

LEE THAT TERJADI,  LAGEE NYAN BABAT

HANA  JI  INGAT,  LAKNAT BAK TUHAN

ASAI PEUNOEH KRUENG , BEURANDANG SARAT

FAKIR MUDHARAT,  HANA SOE SAYANG

PEU PEUNOH NAFSU,  BUAYA  DARAT

HANA DIINGAT , DAUSA  BAK TUHAN

KUTOEK TUHANKU,  DONYA  AKHERAT

NURAKA TEUMPAT , UROE  KEUMUDIAN

RASUL PENGULEE , MEUNAN  AMANAT

BACA HAI SAHBAT , HADIST  JANJONGAN

LA’ANNALLAHU AKILARRIBA WAMUKILLAHU

WAKATIBAHU WA SYAHIDAIH

LAKNAT  TUHANKU, UREUENG NYANG  PAJOEH

UREUENG  NYANG  SUROEH,  HAREUTA RIBA

UREUENMG NYANG TULEH,  MEUNAN CIT SABAN

KA MEUNAN CIT  LOEM , DUA  DROE SAKSI

 

MEUMADA  OHNOE, HABA LON RATOEH

BEK  ROEH  TAPAJOEH, HAREUTA  RIBA

DOSA NGOEN TUHAN, NURAKA  PAJOEH

INGAT TUNGKU BEOH, BEK  ROEH KEURIJA

(  TGK. DIYUEB BRUEK )