Pages


Jumat, 08 Maret 2013

“Group Muprang Lam Panton “



   Oleh : SULAIMAN.A.GANI
==============================================
Ngoen krue seumangat, Rahmah meukatoe
Dua blah jaroe, atueh jeumala
Jaroe lon siploeh, timang atueh dhoi
Uloen peusampoe, Tuha ngoen Muda

Keu bandum rakan, jeuoh deungon toi
Bandum Sinaroe, duson ngoen kota
Hajat lon peugah, saboeh hareutoe
Keuneuk peusampoe, saboeh mustika

Tanyoe Meuhimpon, lam panton nanggroe
Bandum geutanyoe, tujuan sama
Peu ek matabat, Budaya nanggroe
Bak Allah sidroe, talake Doa

Budaya Aceh, saheh tameuproe
Tajaga keudroe, bersama sama
Bah surang sareng, puteng ngoen bajoe
Asai jitem woe, puteng lam bara

Lam Donya Maya, tanyoe Meusahoe
Han mungken Adoe, Peundapat sama
Bek salah bacut, kajeut keu paloe
Sampoe tasut droe, teubiet Anggota

Bacut Harapan, ulon peusampoe
Aduen ngoen adoe, Tuha ngoen Muda
Dalam Grup Muprang, keunoe meusahoe
Mangat  tahiroe, peukoeng Budaya

Yang goeh anggota, lam panton nanggroe
Meugaboeng Jinoe, ngat jeut Anggota
Meurunoe panton , cara hareutoe
Agam ngon Binoe, Tuha ngoen Muda

Tuleh Hikayat, untuk hibur droe
Sira Meurunoe, Panton  tarika
Beujuet Syedara, didalam group nyoe
Bandum Geutanyoe, sang sang saboeh ma

Sirahturrahmi, Bandum Geutanyoe
Bek Cuma sinoe, dunia maya
Sampoe u lua , ta ikat buetnyoe
Mangat geutanyoe, Tambah Syedara
( Tgk Diyueb Bruek/Sulaiman.A.Gani)
Tgl, 26-01-2013
 
“Link Grup Meuprang lam Panton”
Alamat Grup: silakan  bergabueng (Klik disini )



0 komentar:

Posting Komentar

Komentar FB :