“ CAE PEU INGAT “-2

     Oleh : SULAIMAN.A.GANI

==============================

Deungoen bisminlah, lon puphoen surat

Sidroe  Hadharat, yang phoen  lon puja

Yang bri raseuki, bandum lat batat

Kuasa that that, Allah  ta’ala

 

Seulawuet saleum, Oh lhuehnyan meuhat

Nabi  Muhammad, Rasul  Mustafa

Pang ule Nabi, sigala umat

Yang bri Syafaat, Blang padang masya

 

Lhuehnyan saleum lon, keu bandum sahbat

Cae  peu ingat, hajat lon  rika

Beujuet  peunawa, geunantoe ubat

Beujuet keu tungkat, keumudoe betra

 

Ca’e ulon nyoe, Haba Peu Ingat
Keudroe phon meuhat, teunte utama
Keu rakan rakan, serta sahabat
Geulantoe nasehat, seusama syedara

Peukoeng Aqidah, lam hate meuhat
Aliran sisat, bek rhoeh digata
Hatee bekna broek,  Deungki  khianat
Dudoe meukarat , Asoe  nuraka

Hatee beu ikhlas, dalam ibadat
Keupada hadharat, nawaitu gata
Sembahyang limoeng, pubut beuteupat
Meubek na ilat, watee keurija

Aneuk peureumoeh, beuna peu ingat
Nyang keuh amanat, Tuhan  bak  gata
Raja ngon Rakyat, beu sapeu pakat
Beuna mufakat, bak peugoet neugara

Meunyo na aneuk,   po bintang takat
Leubeh leubeh that, usia muda
Sabee peu ingat, pubuet ibadat
Pakaian meuhat, neujaga  beuna

That paloe jinoe, rab rata jeut tempat
Pakaian keutat, di aneuk dara
Meunyo hansoe tham, deungoen  peu ingat
Bandum meukarat, oh ka troek bala

Ayah ngon Poma,  wahe ngoen  sahbat
Meunyan  phoen  that that, seubagoe WH
Aneuk peurumoeh, didek beupah that
Bak buet maksiat, izin neuh bek na

 

“ KUM AMPUSAKUM  WA AHLIKUM  NARA “

 

Yang phoen jaga droe, tanyoe hai sahbat

Keudua Meuhat, jaga  keuluarga

Nyan tanggoeng jawueb, tanyoe hai sahbat

Peu jeuoh teumpat,  Apui  Nuraka

 

Eleume Agama, pasoe beuceupat
Ateuh nasehat, jideungoe beuna
Pergaulan bebas, nyan bahaya that that
Di sinan sahbat, punca ceulaka

 

Meunyoe kon meunan, wareh ngoen sahbat

Dudoe meukarat, Asoe  Nuraka

Adak  pakriban, meugoeb  peu ingat

Yang leubeh that that, keudroe tajaga

 

Meumada oh noe, Cae Peu Ingat
Peu meu'ah meuhat, kadang na gasa
Wahe e rakan, taulan dan sahbat
Ingat Peu Ingat, peurintah Agama

( Tgk Diyueb Bruek, 12/04/2011 )