“ GEUMPA “

“ GEUMPA “

Oleh : Tgk Diyueb Bruek/Sulaiman.A.Gani

=================================================

SalamA`laikom, Jaroe Lon Angkat
Pujoe Hadharat, yang Po Alamnyoe
Yang peujeut langeet, seureuta Darat
Yang Bri Mujizat, Nabi Geutanyoe

Seulaweut Saleum, u Ion Peu intat

 Nabi Muhammad, Rasul Geunatnyoe

 Seureuta Wareh, Ahli ngoen Sahbat

Yang Bri Syufa'at, Oh Uroe Dudoe

Ngon Bandum Wareh, Jaroe Ion Mumat
Mukmin Mukminat, Agam ngon Binoe
Nyoe Pat Na Mudah, Keureutah Lon Mat
Tuleh Nasehat,  Kisah Lawetnyoe

Sabe ngoen Geumpa, Tuhan peu  ingat

Leh  pue Alamat,  Tuhan bri Tanda

Geumpa limoeng lhe, dile saboeh hat

DI TII meuhat, Aceh mulia

Tiep tiep meuninggai, ulama hebat

Saboeh  isyarat, Tuhan bri geumpa

Daud Beureueh, geuwoe Hadharat

Nyan pih alamat, Tuhan bri geumpa

Lahe MoU, Pih Geumpat hebat

Dan lom hai sahbat, Tsunami teuka

Yoeh teungoeh Wali, pasoe lam jeutat

Nyan pih hai sahbat, Tuhan bri geumpa

Oh lheuh Pilkada, pih geumpat  hebat

Leh pue alamat, Tuhan bri  tanda

Leh pue musibah, kadang sit Nikmat

Sampoe ohnoe had, gohlom dueh  makna

Tanyoe meudoa, nibak hadharat

Neupeuseulamat, Aceh  mulia

Bekle lam bala, neupeutroen nikmat

Acehnyoe meuhat, neubri seujahtra

Neubri bahgia, Donya  Akhirat

Aceh seulamat, bekle  lam bala

Atueh syuhada, komplik saboeh hat

Neukeubah teumpat, tamoeng syuruga

Syuhada Tsunami, pih meunan meuhat

E ya Hadharat, tamoeng  Syuruga

Keu bandum kamoe, di Aceh  Meuhat

Neukeubah teumpat, tamoeng syuruga

( Tgk Diyueb Bruek )