” BULUEN PURNAMA”

” BULUEN PURNAMA”

Oleh : Tgk Diyueb Bruek/Sulaiman.A.Gani”
=====================================================
BENDERA ACEH, MEUBINTANG BULUEN
NGOEN CAP SIKURUENG LAM JAROE RAJA
ULAMA ACEH DILE YOEH JAMEUN
HUKOEM GEUPEUDOENG ADE LAGOENA

BULUEN PURNAMA GEUTAMAH PEUDUENG
BENDERA JAMEUN HIJOE WAREUNA
DIGAM DIGANTOE KAGADOEH PEUDUENG
NGOEN LES MEULINTUENG HITAM WAREUNA

MAKA JEUT JINOE KA MEUTUENG BAYUENG
HAN SOE PEUREUMEUN REUSAM MEUTUKA
BEUDOEH SAUDARA ADOE NGOEN ADUEN
TAPUWOE HARUM , ACEH MULIA

TATUENG PUSAKA BAK URUENG JAMEUN
GEUTAMSE BULUEN, MEUHAMBOE CAHYA
ADAT NGOEN REUSAM THAT GEUPEUREUMUEN
ADAT NGOEN QANUN , GOET THAT GEUJAGA

GEUTAMSE PIDUENG , ALAT KOEH RUKUENG
MEUSOE YANG LINTUENG, HUKOEM AGAMA
BULUEN PURNAMA , ,BINTANG NGOEN PEUDUENG
HANASOE LINTUENG, ISKANDAR MUDA

JILOEP NGOEN TEUBIET , BINTANG NGOEN BULUEN
HANA TOEM SISEUN, TEULAT KUTIKA
MEUNYOE LAM SAROENG, JITUBIET PEUDUENG
HAN GEUPEUREUMUEN, BEU THAT ANEUKDA
(Tgk Diyueb Bruek ) 23 juli 2012

B I N T A N G

=======================================================
BENDERA ACEH., BULUEN NGOEN BINTANG
LAMBANG HIASAN , NANGGROE MERDEKA
MEUGAREH PUTIEH, DI APEIT HITAM
TANDA KEUNANGAN, JASA SYUHADA

BINTANG NGOEN BULUEN .LAMBANG GEUTANYOE
GEUSAH KEU BUMOE, ACEH MULIA
BINTANG KEU RAJA , BULUEN KEU PUTROE
KEU LAMBANG NANGGROE, ISKANDAR MUDA

BINTANG NGOEN, BULUEN BAK IJA MIRAH
HUKOEM PO TALLAH, BEUSAMPUREUNA
BURAQ NGOEN SINGA , NIBAK KUPIAH
TANYOE MEUSUMPAH, NANGGROE TAJAGA
(Tgk Diyueb Bruek) Tgl 23 Juli 2012