Pages


Jumat, 03 Mei 2013

“ LIMOENG TIMPLAKKAN BUMOE “



    Oleh  : SULAIMAN.A.GANI.
======================================
Alhamdulillah, lon mula  pujoe
Sit Tuhan sidroe ,yang that  kuasa
Yang peujuet langet, seureuta Bumoe
Peujuet geutanyoe, lat batat dumna

Seulawuet saleum, oh lhuehnyan dudoe
Nabi geutanyoe, Rasul  Mustafa
Yang bri syafaat, komdian dudoe
Akan geutanyoe, Blang padang masya

Lhuehnyan saleum lon, bandum sinaroe
Agam ngoen binoe, tuha ngoen muda
Hajat lon peugah, timplakkan  Bumoe
Akan geutanyoe, oh troek kutika

Oh wate mate, bandum geutanyoe
Dalam pruet Bumoe, geupasoe  gata
Nibak masanyan, timplak le Bumoe
Kalhueh saboeh, peu ingat  gata

Limoeng boeh Wasiet, ulon hareutoe
Hana tapakoe, ta saja  saja
Tapike hanle, taloep lam pruet nyoe
Ta rasa jinoe, balasan  hamba

Wasiet yang keuphoen, jikhuen le bumoe
Dalam donye nyoe, bek cangklak  gata
Seubab oh akhe, bandum sinaroe
Lam pruet ulon nyoe, keunoe tagisa

Teuma keudua, jikhuen le Bumoe
Dalam  donya nyoe, pajoeh pue hawa
Tapi ta ingat, oh akhe  dudoe
Ulat lam pruetnyoe, jipajoeh  gata

Teuma yang keulhee, meunoe khuen Bumoe
Dalam donya nyoe, takhem di le gata
Tapi ta ingat, oh akhee  dudoe
Dalam pruet lon nyoe, taklik  meutaga

Teuma yang keupuet, timplakkan Bumoe
Dalam donya nyoe, gata  Bahagia 
Tapi ta ingat, oh akhe  dudoe
Dalam pruet lon nyoe, seudih that gata

 Timplak keu limoeng, jikhuen le bumoe
Dalam  donya nyoe, tapubuet dosa
Tapi ta ingat, oh akhe  dudoe
Dalam pruet lon nyoe, gata geusiksa

Tapubuet suroeh, bandum geutanyoe
Ta peu jeuoh droe, larang  Rabbana
Supaya mangat, Nikmat oh  dudoe
Dalam pruet bumoe, han keunoeng siksa

Meuka keuh habeh, limoeng boeh bagoe
Timplakkan bumoe, u atueh  Hamba
Beujuet peu ingat, Bandum geutanyoe
Meunyeusai dudoe, hana le guna
( Tgk Diyueb Bruek, 14/04/2013 )

⑤ (lima) NASIHAT BUMI YANG KITA PIJAK’’
=================================================
①. Silakan kalian manusia berjalan di punggungku, tapi ingat, suatu saat nanti, bahwa kalian juga pasti akan masuk ke dalam perutku.

②. Silakan kalian makan apa pun yang kalian suka, tapi ingat, suatu saat nanti kalian akan dimakan oleh belatung di dalam perutku.

③. Silakan kalian tertawa di punggungku, tapi ingat, suatu saat nanti kalian akan menangis di dalam perutku.

④. Silakan kalian berbahagia di punggungku, tapi ingat, suatu saat nanti kalian akan sedih ketika di dalam perutku.

⑤. Silakan kalian berbuat dosa sesuka kalian di punggungku, tapi ingat, suatu saat nanti kalian akan disiksa ketika di dalam perutku.

Mungkin itu lah ⑤ (lima) nasihat dari BUMI yang kita pijak ini dan bagaimanakah jawaban kita jika bumi bertanya :
⊙ ‘‘Wahai sekalian manusia di manakah tempat tinggal kalian yang sesungguhnya...???’’

=============================000===================================================

0 komentar:

Posting Komentar

Komentar FB :