“ PEU AYOEN ANUEK -3 “

=======================================
Assalammua’laikom, Tangloeng jeumeulang

Saleum lon layang, bandum saudara

Budaya Aceh, bacut lon peutrang

Geudoda idang, si ayuem mata

Geudidik Anuek,  dalam  ayunan

Seujak disinan, puphoen geu aja

Peurunoe Anuek, seujak ayunan

Meunoe ban macam, geususoen haba

Meujak hai aneuk, lon doda idang
Rayoek beureujang , bijeh hate ma
Deungoe  ma  kisah,  saboeh khabaran
Dalam karangan,  Ma  rawi haba

Buleun 15 blah , cahya peungeuh trang
Di teubit bintang,  punoeh cahaya
Ateuh seulawah , di meuleot tiyoeng
Ateuh gle beutoeng , dimeukab naga

Deungoe  Ma  kisah , e aneuk payoeng
Poma meungandoeng,  hai neuk keugata
Sikuereung buleun, poma meungandoeng
Seudeh that euntoeng , beungoeh ngoen senja

Seunang ngoen susah,  bandum mak tanggoeng
Dari buleun phoen , hingga keu lua
Cukop that susah , poma meungandoeng
Dari buleun phoen,  hingga keu lua

Bak buleun keu phoen , galoem meuteuntee
Bak buleun keu lhee,  baroe dueh nyata
Bak buleun keu peut , ramee gob tanyoeng
Buleun keulimoeng,  le that peu hawa

Bak buleun keunam , saket lam tuboeh
Buleun keu tujoeh,  makanan goeb ba
Bak buleun keu lapan , saket lam tuleung
Bak buleun sikureung , manyak keu lua

Masa meulahe,  poma that susah
Nanyuem meutuah , nyawoeng keu lua
Rela mak samboeng , nyawoeng demi kah
Saket ngoen susah, teutap mak sama

Oh ban kalahe , geucoem geu papah
Galak that ayah , watee na gata
Wahe e aneuk , Guna balah

Poma ngoen Ayah, oh ranyoek gata

Diyeub gaki mak , syurga geukeubah
Le poe teu Allah, meukhuen saidina
Meusoe Ya hajat,  syurga indah
Poma ngoen ayah , tabakti gata

Bak saboeh jamoek,geutem meupet pet

Bak saboeh pijet, geutem meujaga

Yoeh gata lahe, poma teuh saket

Meuri ri uroet, ta ikat bintueng

Meuri ri urueng, urueng balah guna ma

Meuri ri manoek, yang karom boh klueng

Meuri ri urueng, balah guna ma

========================