Pages


Sabtu, 04 Mei 2013

“ SEUBAB GEUTULAK DO'A “



 “ Oleh SULAIMAN.A.GANI "
==================================
Assalammua’laikom, lon puphoen kalam
Lon pujoe Tuhan, Sidroe yang Esa
Yang peujuet langet, hana meutiang
Yang peujuet insan, lat batat  dumna

Seulawuet saleum, akan janjongan
Pang ule  alam, ban sigoem donya
Yang bri syafaat, uroe  komdian
Wate di Mizan, Blang padang  masya

Samboet saleum lon, keu bandum rakan
Inoeng ngoen Agam, Tuha ngoen muda
Hajat lon peugah, saboeh khabaran
Pakoen di Tuhan, Neutulak  Doa

Pasti  na seubah, pakoen juet  meunan
Pakoen lagenyan, meupue  kareuna
Nyoe salah saboeh, na  keujadian
Deungoen hai rakan, ulon calitra

Nibak siuroe, teukeudi  Tuhan
Ibrahim bin Adham, Meunoe calitra
Lam  kota  Basrah, gobnyan berjalan
Ureung kotanyan, teumanyoeng sigra

Pakon Hai  Syaikhi, kamoe juet meunan
Lakee bak Tuhan, geukabul  hana
Padahai Tuhan, kalheuh meukalam
Tiep permintaan, pasti  maqbula

Abu Ibrahim, neujawueb rijang
Han mungken Tuhan, geumaqbol do'a
Bak  awak gata, siploeh  halangan
Seubab atranyan, Matoeng  keurija

Peureuta maphoen, taturi Tuhan
Tapi  Haq gobnyan, tatunai hana
Hana tapubuet, yang suroeh tuhan
Maka seubabnyan, geutulak  Doa

Meunyang kedua, tabaca Qur’an
Meu ta amai tan , firman rabbana
Hana tapubuet, kiban khuen tuhan
Nyan pih hai rakan, geutulak  doa

Teuma yang keulhe,  tameusoeh syaithan
Bandum  ajakan,  gata  keurija
Laloe ngoen maksiet, tiep uroe Tuhan
Gata  ngoen syetan, rab hana beda

Teuma yang keupuet, Gata hai rakan
Umat pilihan, Rasul Musthafa
Teutapi sunnah, gata tinggaikan
Nyan pih hai rakan, geutulak doa

Meunyang keulimoeng,  gata hai rakan
Lam Jannah Tuhan, harap le gata
Hana tapubuet , akan  Amalan
Nyan lom hai rakan, geutulak doa

Keunan tatakoet, Nuraka Tuhan
Tapi Amalan, hantoem keurija
Laloe ngoen maksiet, tiep uroe tuhan
Nyan pih hai rakan, geutulak doa

Teuma  keutujoeh , nyan keumatian
Uroe  ngoen malam, teumakoet  raya
Hana tapubuet, yang suroeh Tuhan
Pangkai tariwang, nanggroe kalbaka

Hana tapeugoet, keu persiapan
Pubuet amalan, pangkai  tagisa
Ka meunyoe mantoeng, lagenyan macam
Nyan pih rakan, geutulak  doa

Keulapan Aib, buka bukaan
Dum Aib Rakan, deungan saudara
Akan aib droe, tanyoe lupakan
Nyan pih hai rakan, getulak Doa

Meunyang sikurueng , Urueng kematian
Nibak  kuburkan, manyet  ta hanta
Meuhana  tacoek, saboeh  peulajaran
Keu peuringatan, meukhuen saidina

Hate ka beuku, ban bate  hitam
Iktibar  sinan, hanjuet  peunawa
Hanjuet keu ubat, nyan peringatan
Maka seubabnyan, geutulak  doa

Meunyang seuneulheuh, Siploeh hai rakan
Dumna nikmat Tuhan, gata  tarasa
Hana tasyukur, Keu Nikmat  Tuhan
Atranyan sang sang, meupre  keu gata

Hana  tasyukur,  nikmat bri Tuhan
Pubuet  amalan, di gata  hana
Meumatoeng sifuet, gata lagenyan
Oleh seubabnyan, geutulak  doa

Meuka keuh habeh, saboeh khabaran
Pakoen di Tuhan, Geutulak  doa
Neucoek iktibar, rawi lon karang
Didalam bayan, lon puphoem makna

Meunyoe na salah, haba lon karang
Peubeutoi rijang, bekjuet keu dosa
Lon lake meuah, bak bandum rakan
Keudeh bak Tuhan, Ampon lon pita
==============================
10 Sebab DO’A Ditolak
Ibrahim bi Ad-ham r.a. berkata ketika masyarakat bertanya kepadanya mengenai firman ALLAH SWT. “Berdoalah kepada KU, niscaya akan kuperkenankan bagimu“.
Mereka berkata,”
 Kami telah berdoa, tetapi belum juga dikabulkan“.
Maka Ibrahim r.a. menjawab, “
Sebab hati kalian sudah mati dari sepuluh perkara“.
1. They know ALLAH SWT. but never carry out ALLAH orders.
2. They read Al Qur’an but never put into practice.
3. They admitted that syaithon is an enemy but accompanied.
4. They love Rasulullah SAW. but left the sunnah.
5. They afraid of hell but never stopping from a sins.
6. They admitted the death is real but never prepare for meeting theirs end.
7. They love heaven but never charitable for getting it.
8. They busy to see the badness of some one forgetting the badness of themselves.
9. They ate that ALLAH has granted but never thanked GOD.
10. They buried human corpse but never took learn from it.
1. Kalian mengenal ALLAH SWT. tetapi kalian tidak menunaikan kewajiban-kewajibanya.
2. Kalian membaca Al-Qur’an namun kalian tidak mengamalkannya.
3. Kalian mengaku sebagai musuh syaithon tetapi kalian mengikutinya.
4. Kalian mengaku cinta kepada Rasulullah SAW namun kalian meninggalkan sunnahnya.
5. Kalian mengakui takut neraka namun kalian tidak berhenti di berbuat dosa.
6. Kalianmengakui bahwa kematian itu benar adanya namun kalian tidak bersiap-siap menghadapinya.
7. Kalian mengaku cinta syurga tetapi kalian tidak beramal untuk mendapatkannya.
8. Kalian sibuk melihat keburukan orang lain, dan lupa melihat keburukan diri kalian sendiri.
9. Kalian memakan rezeki dari ALLAH SWT tetapi kalian tidak mensyukurinya.
10. Kalian mengubur mayat-mayat , namun kalian tidak mengambil pelajaran darinya.
Tanhibul muslimin



0 komentar:

Posting Komentar

Komentar FB :