“DEURAJAT ( NASEHAT UREUNG AWAI ) “

======================================
Assalamu'alaikum, tangloeng mangat bee
Saleum meuteunte, keu rakan dumna.
Bacut lon intat, nasehat dilee,
Gantoe peucom bee, si bungoeng jeumpa.

Manusia nyoe, geubagi Lhèè,
Haba teuntèè, koen keupura-pura.
Peutama phöen, ureuëng ulèè
Nyankeuh sukèè, radja-radja.

Ureuëng kaya, toep meunalèè
Deungon gurèè, biëk ulama.
Nyang e kawöem, mupeureudèè,
masa dilèè, cit geuthèè na.

Njang keudua, pangkat alang,
Koen nyang manyang, koen nyang hina.
Kon nyang kaya, gasiën pih tan,
Waréh  Rakan , dum sikada.

Keu sidadu, ulèè balang,
Jampang na prang, soë tuëng kuta.
Meunyoe gagah, ceubeuëh tungang,
geuböeh goebnyan, keu panglima.

Ureuëng iku, pangkat keulhèè,
Njang tan malee, ngoen bitjara.
Hana kawöem, tan éleumèè.
Tan goeb tunee, watee teuka.

Chit hana buë,t , jeut-jeut watèè,
Lam teumipèè, cuë hareuta.
Bak tiëp-tiëp syoë, hana gurèè,
Tan djitirèè, buët njang beuna.

Ma'siët sabé, hana padèè,
Ija bajèè, meudjan hana.
Nyang tan waréh, mupeureudèè,
Gasiën teuntèè, tan areuta.

Hana adab, deungoen malèè,
Hana jithèè, reusam dönya.
Ya Tuhanku, neupeusilèè,
Nibak sukèè, ureuëng hina.

meuka leungkap,  Lhee boeh sukee,
Ulon adee, dalam rika.
Harap uloen, beumeu teuntee,
rhoh lam ulee, ureung baca.

=============000=============