Pages


Sabtu, 04 Mei 2013

TANDA KIAMAT DONYA



 Oleh : SULAIMAN.A.GANI
==============================
ALHAMDULILLAH, LEUPAH SEUJAHTERA
JEUP – JEUP KUTIKA , LON PUJOE SABEE
NEUBRI TRANG BEUNDRANG,  PIKIRAN HAMBA
LON KEUNEUK RIKA,  NASABOH SYA’E

HAJAT LON SATOH,  SABOH  MUSTIKA
PEUINGAT BANGSA,  BANDA DEUNGOEN GLEE
SEUBAB LON KALOEN , BANGOEN LAM DONYA
KA LEUMAH TANDA,  RATA SAGOE GLEE

TEU INGAT LON TUAN , SABOH CALITRA
HADIST MUSTAFA,  DALAM TAPEUSEE
YOH GOHLOM WAFEUT,  SAIDIL AMBIYA
BAK JIBRA ILA, KA NEUTANYOENG KRI

WAHEE JIBRAI , NEUCI PEU KHABA
U LOEN PARIKSA,  BATEN NGOEN LAHEE
PADUM SEUN TATROEN,  KEUNOE U DONYA
OH LHEUH LON BUNGKA,  U NANGGROW PAGEE

TEUMA NEUJAWEUB,  SUDI SAIDINA
SIPLOH SEUN TEUMA , HAI RASUL AKHE
LON TRROEN YANG KEU PHOEN , WAHEE MUSTAFA
BEUREUKAT DUM NA,  LOEN COK DUM SAREE

LON COK BEUREUKAT,  BAK UMAT GATA
GASIEN NGOEN KAYA,  ULOEN PEUSAREE
ULOEN COEK GASEH,  MEUCEH BAK DUA
BAK MANUSIA,  HANA DI DUEK LE

KALI YANG KEU LHEE,  LOEN GIDOENG DONYA
KEUSEUNANGAN TEUMA,  LON COEK DUM SAREE
BEUTHAT DIHIMPON , LIYUN NGON JUTA
SUSAH DI RAYA,  BAK BABAH SABEE

KALI YANG KEU PEUT,  WAHEE PANGULEE
U LOEN COK MALEE,  BAK MANUSIA
DI ANEUK DARA,  MALEE HANA LEE
NGON BAJEE BEBE,  SI KUTANG BH

KALI KEU LIMOENG , SUROH HADHARAT
YUE TUKA ADAT , YANG BUKOEN KADA
ALAMAT DONYA,  KATOE KIAMAT
ANEUK SANG KILAT,  JEUT KEU RAJA

KALI YANG KEUNAM , LON TRON U BUMI
BAK UREUENG FAKI,  ULON COK SABA
BEUNGEH KEU TUHAN , PAKOEN JEUT FAKI
PAKOEN HAN GEUBRI , DI LOEN BEU KAYA

KALI KEU TUJOH , HAI RASUL ALLAH
U LON COK MURAH,  BAK UREUENG KAYA
HAN RAHIM HATEE , BAK BRI SEDEKAH
MEUTULAK KISAH,  BAK BRI DEUREUMA

KALI KEU LAPAN , LA WAHAI AKHI
UREUENG EK HAJI , MEULUMBA – LUMBA
CUKOP THAT RAME,  UREUENG EK HAJI
LADOEM PENG SUCI,  LADOEM PENG RIBA

LE THAT YANG KAYA,  BAK MEUKAT CANDU
LADOEM MEUKAT,  BU BULEUEN PUASA
OH BAN KAYA LAJU,  U MAKKAH
BATEU DENGAN SAH,  HANA JIKIRA

KALI SIKUEREUNG , PEURINTAH TUHAN
YUE COEK IMAN , BAK ULAMA GOHLOM MATE
INOENG AGAM TUHA , MUDA BANDUM SAREE
PUBUET  JEUHEUET , IKOT SYETAN KEUKAI  SABE

LON TROEN KEU SIPLOH,  WAHAI MUHAMMAD
ULON COK KITAB,  BAN BANDUM SAREE
SEUREUTA LON TOP , NGOEN PINTO TAUBAT
BEUTA IBADAT,  HANA GUNA LEE

LAGI MEU IKOT , KEUMEULOT DONYA
JEUP – JEUP BENUA,  MASANYAN REULEE
MANYAK DALAM PRUET,  TESUET U LUA
SIMEULHEUH BALA,  RAYA BUEKON LE

JI EK IE LAOT,  MEUGULUNG – GULONG
HABEH MEUSINTHOENG,  ASOE LAM DONYA
GUNONG YANG MANYANG , HABEH SEUREULEE
BAN MANDUM , MATEE KASAFAN BA

TIEP – TIEP MEU NYAWONG , KAMANDUM MATEE
SIT RABBUL KADE,  YANG THAT KUASA
JANJI DI TUHAN,  KA GEUPEU SAMPEE
DONYA NYOE REULEE,  TA IMAN BEUNA
(TGK DIYUEB BRUEK/SULAIMAN.A.GANI)

0 komentar:

Posting Komentar

Komentar FB :