Pages


Sabtu, 04 Mei 2013

HARDIKDA-2



OLEH ; SULAIMAN.A.GANI
============================
Deungoen bismillah ,loen puphoen kalam
Lon pujoe tuhan, azzawajal
Seulaweut saleum, akan janjongan
Pangulee alam ,saidil anbiya

Meukru seumangat, rahmat meukalam
Jaroe loen layang, ateuh jeumala
Saleum ulon bri, keubandum rakan
Inoeng ngoen agam, dusoen ngoen kota

Samboet saleum, loen sion karangan
Hajat loen karang, teuntang hardikda
Aceh kalheuh na, lhee boh landasan
Hak peundidikan ,deungoen agama

Adat budaya, keu lhee hai rakan
Ban lhee atranyan, hak istimewa
Di sinan lahee, hak peundidika
Jinoe hai rakan ,jikheun hardikda

Dua september, limoeng sembilan
Nibak uroe nyan, lahe hardikda
Lahe unsyiah ,nibak tanggai nyan
Di darussalam, di kutaraja

Maka tiep – tiep thoen, jinoe hai rakan
Dipeuringatkan, sabe tiep masa
Guru ngoen murid, kumpul blang padang
Atau hai rakan, jeut – jeut sikula

Saboeh momentum, bah pendidikan
Aceh pakriban, ta ilah daya
Aceh beu maju, bak pendidikan
Aceh bek tinggai, ngon nanggroe lua

Peudong unsyiah, meugah hana ban
Teuman oh lheuh, nyan tamah swsta
Keu jantoeng ,hatee aceh loen sayang
Lam peundidikan, aceh beu jaya

Taman peulajar, jinoe berkembang
Rata jeut simpang, rumoh sikula
Tapi bak mutu, that keutinggalan
Kanibak uan, lulus dum hana

 Oleh seubabnya, ka wahai rakan
Keu pendidikan, tapike beuna
Le para guru, beujeut ingatan
Mars darussalam, seumangat neuba

Neucok hardikda, seumangat juang
Mars darussalam, pasoe lam jiwa
Aceh ta dongkrak, lam pendidikan
Supaya saban, ngoen nanggroe lua

Aceh tapeugoet, lam pendidikan
Aceh takeumbang, tamita cara
Keu nasib guru, taperhatikan
Tabri tunjangan ,beu raya – raya

Sikula reuloeh, tarehap rijang
Tamita jalan ,peugoet pustaka
Tapasoe buku, bahan bacaan
Dan lom hai ,rakan alat peuraga

Ngoen kurikulum, peubeutoi rijang
 meu bek hai ,rakan tacoba – coba
Dile yoh masa ,pak fuad hasan
Nama geupeunan, ngon cbsa

Guru terpencil ,neu perhatikan
Neubri latihan ,neujoek sikula
Peurayeuk gaji,  tambah tunjangan
Bek jeut alasan ,nafakah hana

Angkat peugawe, guru kontrakan
Bek jeut alsan, jipeuna – peuna
Guru teuladan, pih meunan macam
Neu usahakan, samboeng sikula

Peu pre spp ,bandum tingkatan
Bek le na rakan ,lakee peng meja
Bek lee na koropsi, bak pendidikan
Nyan saboeh jalan, maju sikula

Kulet boh manggeh, peureuseh arang
Asoe didalam, mameh ban saka
Kisah hardika, oh noe loen karang
Singoeh laen jan, ta samboeng teuma
( Tgk Diyueb Bruek ) 31 Agustus 2011

0 komentar:

Posting Komentar

Komentar FB :