HANJUET TABLOE NGOEN PENG “

   Oleh : SULAIMAN.A.GANI

===================================

Alhamdulillah, Allah lon pujoe

Peujuet Alamnyoe, Langet ngoen Donya

Yang peujuet langet,seureuta  Bumoe

Peujuet Geutanyoe, Dum Manusia

Seulawuet saleum, ohlhuehnyan dodoe

Nabi geutanyoe, Rasul  Mustafa

Yang ban risalah, ban sigoem bumoe

Akan geutanyoe, Iseulam  dumna

Assammu’alakoem, saleum ulonnyoe

Dua blah jaroe, atueh  jeumala

Hajat lon kisah, saboeh hareutoe

Yang hanjuet tabloe, deungoen beulanja

Hanjuet deungoen  peng, Atranyan  tabloe

Beuthat beurangsoe, Walaupun  Kaya

Adak  Miliorner, kaya han  bagoe

Hana juet tabloe,  beuthat beu kaya

Hana  jimeukat, hana pat tabloe

Na Siblah bagoe, Atranyan   hana

Nyoepat dimiyueb, neubaca keudroe

Ban siblah bagoe, uloen tuleh ka

Neucoek meukeusud, neupuphoem keudroe

Meupat neuneuk bloe, jimeukat hana

Wajeb tasyukur, keu Tuhan sidroe

Akan barangnyoe, neubri keu hamba

Meuneucoek pulang, le Tuhan sidroe

Hanapat tabloe, han  pat  tamita

Hana guna peng, tanyoe meukatoe

Hana pat tabloe, kupue dak  kaya

Maka bek somboeng, congkak  geutanyoe

Di atueh bumoe,  Allah ta a’la

Umpama saket, darah juet  tabloe

Nyawoeng geutanyoe, pat tanuek mita

( Tgk Diyueb Bruek, 22/04/2013 )

 

Apa yang bisa dibeli dengan uang:
====================================
1 . Uang dapat membeli Jam, tapi bukan waktu
2 . Uang dapat membeli buku, tapi bukan ilmu
3 . Uang dapat membeli makanan, tapi bukan selera
4 . Uang dapat membeli darah, tapi bukan nyawa
5 . Uang dapat membeli yang terbaik, tapi bukan keindahan
6. Uang dapat membeli kosmetik, tapi bukan kecantikan
7. Uang dapat membeli Rumah megah, tetapi bukan tempat tinggal
8. Uang dapat membeli obat, tapi bukan kesehatan
9. Uang dapat membeli kemewahan, tapi bukan kebiasaan
10. Uang dapat membeli hiburan, tapi bukan kebahagiaan
11. Uang dapat membeli jabatan, tapi bukan kehormatan