“ KHALIDI NAFIHA ABADA “

   OLEH : SULAIMAN,A,GANI

=======================================

Alhamdulillah,  Rahmat  Meujulang
Yang peujeut Adam , ngoen Siti Hawa

Yang peujuet langet, Hana meutiang

Yang peujuet insan, Lat batat Dumna

Lhuehnyan Seulawuet, akan janjongan

Pang ule Alam, Rasul  Mustafa
Pang ule Nabi, Utusan Tuhan
Nabi Rahmatan, Ban sigoem Donya

Nyoe pat na bacut,  lon joek  sualan

Untuk  Grup Muprang, Bandum Anggota

Muprang lam Panton, dengan Grup  Nazam

Lon bri  Sualan, Sifuet  Rabbana

Sifuet dua ploh, Wajeb hai Rakan

Geutanyoe  Islam, tatupue  Makna

Wajeb taturi, nyan Sifuet  Tuhan
Meuhan hai rakan, islam Binasa

Antara  dua ploeh, Saboeh hai rakan
Yang sifuet Tuhan, geuseuboet  Baqa

Makna jih keukal,  Sit Sidroe Tuhan

Meuyang laen  tan, ka pandum  Fana

Maka lon tanyoeng, bak  Gata  Rakan

Dalam Quruan, Geuseuboet pih na
Lam saboeh Ayat, meunoe  Ban Matan
Neucoek  Quran, Neuci  Pareksa

Khalidi nafiha Abada, ka bunyi  Matan

Arti jih keukal, silama  lama

Pakriban beda, ngoen Sifuet  Tuhan

Baqa  hai Rakan,  keukal  sit  Makna

Antara dua, beda  Pakriban

Tuloeng hai rakan, Hareutoe Makna

Bek salah tabse, tapike  saban

Nyan  Baqa Tuhan, ngoen Khalidi  Nafiha Abada.

Meunyan keuh tauhid. Ka wahai  Rakan

Bek  beurangkaban, jawueb  le gata
Bekroeh  Meusuruek, lam  aleu  Teubai

Musyirek hai rakan, Raya  that  Dosa

 Meugoet  taim  droe, bek  bri  jawaban

Beudoeh beurijang, tayoeng  ulama

Pakriban surah, beda duanyan

Supaya tapham, Hareutoe  Makna

 Meumada ohnoe, lon bri  sualan
Lon preh  Jawaban, Bandum Anggota
Tgk  Diyueb Bruek, kon Tungku  Rangkang

Bukon hai Rakan, sidroe  Ulama

( Tgk Diyueb Bruek )