skip to main |
skip to sidebar
“WASIET SIMANYET”
Oleh
:SULAIMAN.A.GANI
=========================================
SABDA JANJONGAN, RASUL PO TAULLAH
RAWI AINSYAH, NYAN ASOE LEUMUNG
NIBAK SI UROE, DI RASULULAH
NEUDUEK DIRUMOEH, DEUNGOEN CUT MEUGLEUNG
NEUKEUNEUK BEUDOEH, SITI AINSYAH
NABI NEUPEUGAH, YUE PIYOEH SISIEUN
PIYOEH DISAMPENG, NYAN RASULULLAH
NABI PEUREUBAH, ULE LAM LUEMUENG
NIBAK WATENYAN, SITI AINSYAH
MEURAWOEN LEUMAH, LAM HATE JI KHEUN
HANTOEM YANG KA KA, LAGE NYOE ULAH
DI RASULULLAH, GEU EH LAM LUEMUENG
SALEH GEUNUEK WOE, U BAK PO TAULLAH
SAYANG AINSYAH, KEU UMMAT BANDUM
MEURAWE – RAWE, HATE KA GUNDAH
MEUNAN KEUH LEUMAH, LAM HATE JI KHEUN
TROEK WEUH NGOEN INSEUH, SITI AINSYAH
IE MATA BOEH BAH, ILE LAM LUEMUENG
JATOEH BAK JASAD , DI RASULULAH
NABI NEUBEUDOH, NEUKHEUM TEUSEUNYUEM
NIBAK WATENYAN, SITI AINSYAH
JI PEU EK SEUMAH, KEPADA RASUL
OH LHEUHNYAN TEUMA, SABDA AINSYAH
PAKRI BAN ULAH, OH MATE UREUENG
OH WATE MATE, HAMBA DI ALLAH
U BAK AINSYAH, NABI PEUMAKLUM
LHEUH NEUTUNG NYAWOENG, ULEH PO TAULLAH
HARUS TAPINAH, PAKAIAN BANDUM
TAPLOEH SEUREUBAN, SUET BAJE JUBBAH
BEK BAGAH BAGAH, DI MAYET JIKHEUN
ULE LOEN HANCOE, NANYUEM SANG BICAH
BEUGOET NEUPEUGLAH, BEULEUHEUN – LEUHEUN
BAK TASEUMANOE , MEUNAN SIT ULAH
MANYET SEUMEUGAH, MEUNOE LOM JIKHEUN
BEK NGOEN IE TUTUONG, TUBOEH LOEN NEURAH
TUTOENG MEULEUPAH , NYAWOENG LOEN GEUTUNG
DEUNGOEN IE LEUPIE , NEUPLE BEU BAGAH
MUKA LOEN NEURAH, BEK ROEH LAM HIDOENG
WATE TABALOET, MANYET LAM GAFAN
SIPATAH KALAM, MEUNOE LOM JIKHEUN
BEK AWAI MUKA, NEUBOEH LAM GAFAN
LOEN KEUNEUK PANDANG, ADOE NGOEN ADUEN
AYAH NGON BUNDA, KEURABAT JIRAN
HOE JUDO BADAN, PAT ANEUK KANDOENG
LOEN TINGGAI GATA, SINOE DI ALAM
ULOEN LOEN RIWANG, NIBAK ILAHON
SEUMBAHNYANG LIMOENG, MEUBEK TA TINGGAI
BEK PUBUET CURANG, YANG TEUGAH RABBON
HINGGA TROEK ULEUN , MAYET GEUGULAM
TUNGKU SEMBAHYANG, PEUSAMPOE HUKOEM
GEUCOEK KURUNDA, NIBAK MASA NYAN
UBAK KUBURAN, GEUBA LE LANGSOENG
NIBAK MASANYAN, MAYET MEUHABA
WAHE SAUDARA, YANG BAWA ULOEN
BEK BAGAH BAGAH, ULOEN NYOE NEUBA
LOEN NEUK NGIENG RUPA, SAUDARA KAWOEM
U LOEN AMANAH, SIPATAH HABA
TAPEUTROEK SIGRA, U BAK ANAUEK LOEN
TANYUE IBADAT, BEK SAGAI LUPA
MEUNYESAI TEUMA, BEK LAGE ULOEN
OH LAGE LOENNYOE, HAN LE MEUGUNA
INGAT SAUDARA, HAI WAREH KAWOEM
MANYET MEU HABA, MEUNAN KEUH MACAM
SIT JEN NGOEN INSAN, YANG HANA MUPHOEM
LAEN NIBAK NYAN, DUM ASOE ALAM
SAMPOE BINATANG, HABEH JI MAKLUM
OLEH SEUBABNYAN, KA WAHAI RAKAN
BEUDOEH BEURIJANG, TAUBAT NASUHA
MEUNAN KEUH BAGOE, MANYET MEUKALAM
KA LHEUH LOEN PEUTRANG, SEKEUDA MUPHOEM
HADIS MUSTAFA, JAJONGAN ALAM
UNTUK PEUDOMAN, KEU BANDUM KAWOEM.
BANDA ACEH, 20 Maret 2012
0 komentar:
Posting Komentar