“ UDEP LAM DONYA

    '' Paman Joe “

==============================

Salam 'Alaikum, Rakan sinaroe
Ji-oeh deungon Toe, Mandum lon sapa
Na bacut Haba, Lon euk npeu sampoe
Ci tuloeng deungoe, seun seun sibanja

Meugantoe masa, meutuka uroe
Umu geutanyoe, seumaken tuha
hana teurasa, ka teulhoh gigoe
Maken si uroe, ho toe keureunda

Hudep lam donya, wahai rakan droe
Ibarat lumpoe, geuboeh umpama
Oh wate jaga, baroe ta thee droe
Rupajih bunoe, cit pura pura

Oleh seubab nyan, Aduen ngoen adoe
Mulai jinoe, bekal ta mita
Beudoeh Ibadat , keu beukai dudoe
Bek teulah adoe, oh uroe baqa

Thoen baroe islam, karab meu gantoe
Malam hameh nyoe, citka tanggai sa
Kadang baroekoen, cit gadoeh laloe
Mari bak thon nyoe, ta ubah cara

Kadang barokoen, kayem that tuwoe
Tan roeh meusigoe, ta com Musalla
Jinoe ta tuka, cara ta gantoe
Riwang hai adoe, Taubat Nasuha

Bak jalan raya, Lee lewat moto
Jalan meu anoe, Lee lewat honda
Cit oh noe haba, paman peu sampoe
Lon ci meuruno, peu ingat syedara

Silap ngen salah, meu'ah adun droe
Awai ngen dudoe, pat2 na cupa
Saleum sejahtra, keu mandum tanyoe
Lon Dadah jaroe, dan sampai jumpa...
'' Paman Joe “