Oleh : SULAIMAN.A.GANI
===================================
'Meukrue seumangat,
rahmat Meusampe
Rincoeng meu uke , hana le tajam,,
Aceh yoeh dile, jithe le kafe
Rincoeng meu uke , hana le tajam,,
Aceh yoeh dile, jithe le kafe
Rata sagoe be , Aceh ji seugan,,
Cukoep meuceuhu., makmu bukon le
Raja pih ade, yang mat pimpinan,,
Rakyat seujahtra, kuta deungon gle
Hana yang mate, ngoen tan makanan,,
Seuramoe Meukah, meugah bukon le
Rata lungkiek gle, na wase tambang,,
Kareuna Nanggroe, bak jaroe jahe
Tuhan peu ade, ka Neucok pulang,,
Saboeh alamat, nikmat hana le
Karena jahe, hana le soe tham,,
Kareuna Raja , ka dua hate
Karena jahe, hana le soe tham,,
Kareuna Raja , ka dua hate
Hukom yang ade,
hanale timang,,
Takalon contoh, sampoe meupake
Meupoh poh mate, seu sabe Islam,,
Rotnoe ngoen rotdeh, Areh mat beude
Peuturot hate , pakat peu ek prang,,
Rakyat sengsara, rata sagoe gle
Han soe jeutjak le, u gle ngoen u blang,,
Ladoem seu numpok,
kabeh brok pade
Ladom dalam gle, kabeh broek kacang,,
Ladom dalam gle, kabeh broek kacang,,
Bak tanggai 16, Agustus akhe
Rumbok Helsingke, hanjeut le muprang,,
Ban dua pihak, seureuntak sare
Meu jroh jroh hate, hanjeut le dendam,
Geutanda tangan, mentroe ngon toke
Kateuhah hate, RI dengon GAM,,
Hase MoU, nanggroe, Helsingke
Di Aceh beude, sare jicang jicang
Aleh Ba goh jeut, neukbeut Tapeuse
Rimueng geh mate, sare ka tabang
Laba ngoen rugoe, hana soe pike
Peuturet hate, ngoen nafsu syaitan,,
Jalo goh leupah, meublahdeh ji ile
Goh troh u pante, tanyoe jeumeurang,,
Ka laen macam, ragam seumike
Neukduek keu toke, dalam pikeran
Ka laen macam, ragam seumike
Neukduek keu toke, dalam pikeran
Sumpah ngon janji, ka ji peureule
Tanle meupike, keu rakan rakan,
Peunteng bak jaroe,
moto BMW
Oh wate mate, aleh pakiban,,
Oh wate mate, aleh pakiban,,
Hana soe sangka, si janda male
Oh ban meulahe,aneuk pih agam,
Rupa sep ceudah,
sulah meu uke
Su sinyak lahe, mate ma bidan,,
Su sinyak lahe, mate ma bidan,,
Sinyak ka rayeuk, jak jok bak buet le
Bek jeut keu kafe,
yu beut Qur an,,
Ji beut hana roeh, gadoeh meu jipre
Jijak meu rabe, sabe tiep malam,,
Ji beut hana roeh, gadoeh meu jipre
Jijak meu rabe, sabe tiep malam,,
Rugoe belanja, meugunca pade
Peulandoek
pance, ka meuseureuban,
Peugah droe Tgk, Abu ngon Toke
Peugah droe Tgk, Abu ngon Toke
Rata sago be, sare meu utang,,
Lheuh tapoeh buya, ngoen mata kawe
Singa dalam gle,
ka ji jeumeurang,,
Jino lam susah, leumpah meusampe
Hukoem bak hate, kon le aturan,,
Jino lam susah, leumpah meusampe
Hukoem bak hate, kon le aturan,,
Mandum ka teuga, dak baro lahe
Mandum ka sabe, tanle bawahan,,
Hana le meuri, guci ngon bate
Sama seumike, sare keumuran,,
Yang penteng troe prut, pijut hana le
Meu keusud hate,
katroeh tujuan,,
Meunyoe bak peugah, gagah bukonle
Hareuga mate, nanggroe coek pulang,
Meunyoe bak peugah, gagah bukonle
Hareuga mate, nanggroe coek pulang,
,
Etnoe keuh haba, ulon meurawe
Etnoe keuh haba, ulon meurawe
Keu ubat hate,
mangat pikiran,,
Yang kamoe peugah, bukeuti lahe
Aceh kareule, hana tateuoh peugah ban,,
Yang kamoe peugah, bukeuti lahe
Aceh kareule, hana tateuoh peugah ban,,
( TGK DIYUEB
BRUEK)
0 komentar:
Posting Komentar