“ACEH NGAT AMAN”

  OLEH : SULAIMAN.A.GANI

======================================

Alham dulillah ,ALLAH Ion Pujoe

Peujeut  Alamnyoe, langet ngon Donya

Yang peujeut langet, seureuta Bumoe

Peujeut geutanyoe ,Dum Manusia

Ohlheuh tapujoe ,keusidroe Tuhan

Seulaweut'saleum ,akan Saidina

Po Ma ngoen Ayah ,seureuta gure

Doa Talake , Tamoeng Suruga

ALLAH Hurabbon, KHALIKUL MANNAN

Yang  gaseh  sayarrg, keupada Hamba

Ya  ALLAH Neubri, hate Ioen beutrang

Loen keuneuk karang ,Aceh Mulia

Seurarrroe Mekkah, Ion keuneuk bayang

Toh siri jalan bek, prang saudara

Bek roeh mupake, sabe keudroe droe

Bek roeh meu engkhoe ,sabe saudara,

Bek le su bude, sabe tiep uroe

Bekle Na sinoe , ureung OTK'

Bekle teumeutong, rata jeup sagoe

Bekle Iam nanggroe,  na haru-hara.

Aceh Lhee sagoe, nanggroe iseulam

Pakon tamuprang, sabe saudara
Beudoeh hai kawoem, jak  Dame Rijang
Aceh ngat  Aman, Lage yang kaka

Pilkada Kalheuh, pakon matoeng prang

Pakon meusugang, sabe syedara

Firman ngon hadis ,cok keu peudoman

Untuk landasan, geutanyoe dumna

Talake doa, ka nibak tuhan

Aceh beu aman ,deungon sejahtra

Beusijuk hate, Bandum pasangan

Talo ngoen meunang, bekle jeut Dakwa

Jinoe  Bersatu ,Bandum geutanyoe

Aceh lhee sagoe ,tapuwoe tuwah

Ta peugoet aceh ,ngon peut boeh bagoe

 Deungoe  hai adoe ,seun-seun sipatah

Miseu geusebot, lam hadis maja

Deungoe saudara ,ulon hareutoe

Meuroek deungon toi, keu asoe nanggroe

Ruhueng ngon bajoe, keu peutua

Tameh ngon puteng, keu uleebalang

 Beuneung ngon adang, keu ulama

Meunyoe meusapat ,ban peut atanyan

Cukop that timang,teudoeng neuraca

Roek  deungoen toi, geutarnse rakyat

Watee meusapat, ka sapue haba

Teukeudi karu, lam masyarakat

Geumeuduek pakat , putoh peukara

 Ngoen hukoem  adat, syarat geupuphoen

 Ulama bandum ,yang bri  Fatwa

 Rayeuek  That  peurang, kawam  Ulama

 Yang bri Fatwa, Syariat Hukoem

Ruhueng ngoen Bajoe ,Geutamse Tokoeh

Wate Meusaboeh ,Goyang jih Hana

Wate  Ka Meuroek, Peutua Tokoeh

Wate Meusaboeh, That Bijaksana

 Urueng Mat Adat Meunyan keuh Tokoeh

 Peukara Putoeh ngoen Adat Donya

Reusam ngoen Qanun Peutua Tokoeh

Wate meusaboeh That Bijaksana

Tameh  Ngoen Puteng, Geutamse Raja

Yang mat kuasa, meu  Atoe Rakyat

Yang Atoe nanggroe, bak  Siroe Raja

Kawoem Ulama, Keu Peunasehat

Beuneu ngoen Adang ,Peuteupat Hukoem

Ulama Bandum ,yang tu oh That That

Urueng Fatwa, Syariat Hukoem

Geutanyoe Bandum, Harus Tataat

Urueng  yang Tupue, Hukoem Rabbana

Wareh Saidina ,Nabi Muhammad

Urueng Peuputoeh ,Hukoen Syariat

Reusam ngoen Adat, Qanun Pih Geumat

Asam boeh kiyuen ,Teumoen boeh Panjoe

Lincah Coet Uroe ,u Groeh ngoen Saka

Neupimpin Rakya, Neu Atoe Nanggroe

Cara Lage nyoe, Neuci Peuteupat

Mangat Bulukat ,Talhap deungoen U

Pue Loen Tajampu ,ngoen Gula Mirah

Aceh Lhe Sagoe ,Bekle Lam Karu

Neupakek Tuengku ,Lam Pemerintah

Keu Peunasehat, Neupakek Tungku

Urueng Yang Tupue, Beuna Ngoen Salah

Lage Yoeh Jameun ,Masa Dahulu

Peuranan Tungku, Cukoep That Leumah

Iskandar Muda,Geupakek Tungku

Aceh Dahulu, Gobnyan Peurintah

Syiah Kuala, jeut keu Pembantu

Raja ngoen Tungku, Geumusyawarah

 (TGk..Diyuebbruek )15 April  2012