UAN

Oleh : Sulaiman.A.Gani

==============================

Alhamdulillah lon pujo Tuhan

Yang peujeut Alam Ban Sigom Donya

Yang Peujeut langet hana meutiang

Yang Peujeut insane dum manusia

Seulaweut saleum ateuh janjongan

Dan Sekalian sahabat dumna

Yang ba risalah peurintah Tuhan

Keubandum insane ateuh rhueng donya

Assalam mualaikom  jaro lon layang

Keu bandum rakan duson kota

Sambot saleum lon sion karangan

Masalah  Uan  ulon calitra

Ujian akhe  geupeunan Uan

Jino hai rakan kajuet pro kontra

Guru ngon murid ka sapue padan

Kajeut demontran rata sikula

Disino bacut wasiet  peuneusan

Masalah Uan bek  neupeu raya

Matong  na  laen  kon meuhat Uang

Misue hai rakan teutang etika

Jino le murid yang tanle moral

Ta eu bak jalan  meumacam rupa

Tanle horuemat adab ngon sopan

Pue lom hai rakan soal Agama

Kupue teuh lulus  aneuk bak Uan

Meunyo tan moral deungon Agama

Kupue teuh aneuk sikula  mayang

Meuhana moral  deungon etika

Keu Dewan Guru  Bacut lon peusan

Beuneutingkatkan  soal  Agama

Muatan lokal  peuruno rijang

Neudidik moral  paso etika

 

Teudi singoh jeut keu pimpinan

Kana landasan  Moral  etika

Kana Agama  yang peuseu imbang

Kropsi hai rakan hanle keurija

Ohno meumada  wasiet peuneusan

Keu soal Uang  meuhat sikada

Sulaiman gani yang bri peuneusan

Akhirul kalam ohnoe  meumada

 Banda Aceh, 22 April 2008