MAKSIET YANG SANGAT GEULARANG

Oleh  ; SULAIMAN.A.GANI

========================================

NIBAK  LON KALON, BAK  ADAT  DALI

ACEH NANYUM HI, BALA  MEU ULANG

ACEH MEUGISA  , BALA  TSUNAMI

ATAU  ALLAH BRI,  LAEN BAN MACAM

OLEH SEUBABNYAN,  AYAH NGON  UMMI

BACUT  ULON BRI,  KEU PEURINGATAN

MANTONG  BUET  MAKSIET, LARANGAN RABBI

MANTONG ALLAH BRI,  BALA  MEU ULANG

LIMONG BOH MAKSIET, KEUBIT THAT BEUNCI

OLEH ILAHI, SANGAT GEULARANG

YANG PHON JEIP ARAK, DUA MEUJUDI

LARANGAN RABBI, PEUJEUOH RIJANG

SEUBAB  AKIBAT, ARAK BEURENDI

NYAN PHON MULAI, NAKAL PIKIRAN

WATE  KA  MABOK,HAN SADAR DIRI

MASANYAN LAHE, DUM KEUMUNGKARAN

PEUGAH PUE YANG ROH, YANG JISOM JIBRI

SEUBAB BEURENDI, ULE  KA MUMANG

DEMIKIAN LOEM  , AKIBAT JUDI

SINAN TERJADI ,DUM KEURUSAKAN

WATE  KA TALOE ,BAK  LAPAK JUDI

HAN  SADAR DIRI , KASYO  PIKIRAN

PUBLO  PUE YANG ROH, NGON YUM HAN MEUKRI

KEU PANGKAI  JUDI, BAK HARAP  MEUNANG

MEUNYO  TALOE  LOM, RIWANG KEUMBALI

NIBAK ISTERI, LAKE  PINJAMAN

LAKE GLUENG  JARO, ATUA GLUENG GAKI

MEUNYO  HAN JIBRI, TALEUK  JI  ANCAM

LADOM SAMPO CRE , DEUNGON ISTERI

LAMDOM  TERJADI ,  JEUT  KEUMISKINAN

JEUT KEUPEURAMPOK , NGON  KEUPANCURI

NA SIT  TERJADI,  SAKET PIKIRAN

MEUNYOE NGON BUETNYAN, HAN PUE TA UJI

PUE LOM HAI AKHI, LARANGAN TUHAN

TANYO  MEUCARUH, AKIBAT  JUDI

GOHNA  TUHAN BRI , KAYA NGON BUETNYAN

YANG KEULHE ZINA,  KA WAHAI  AKHI

LARANGAN RABBI, PEU JEUOH  RIJANG

SEUBAB AKIBAT, ZINA  TERJADI

SINAN MULAI, GADOH TURUNAN

OH LAHE ANEUK, KA GADOH WALI

KARHOET  KEU  UMMI, WALI  ANEUKNYAN

JIKALAU MEUTHE, ZINA TERJADI

KA BEUNGEH WALI, JITAK  NGON PARANG

KEUPEUT CEUMEUCUE, PEUGOET PANCURI

NYAN PIH HAI AKHI, LARANGAN TUHAN

SEUBAB AKIBAT, BAK BUET  PANCURI

DIDALAM NEGRI, JEUT  KEUSUSAHAN

HAN AMAN GAMPONG, SEUBAB PANCURI

PAYAH AWASI, UROE NGON MALAM

SAMPO WUE  LUMO, PAYAH BOH GUNCI

SEUBAB PANCURI, JEUT  KEURUSUHAN

BUNUH  MEMBUNUH, LIMONG HAI  AKHI

NYAN PIH LE RABBI, SANGAT  GEULARANG

SEUBAB  AKIBAT, BUNUH TERJADI

KA BEUNGEH WALI, KAJEUT  KEU DEUNDAM

JIJAK TUENG BILA, PEUSAPAT WALI

SINAN  MULAI, JEUT  PEUPEURANGAN

DEUNGON SEUBANYAN, MASIET TERJADI

WAJEB HINDARI, URUENG  ISEULAM

Banda Aceh, 26 januari 2010