“ LAKUM DINUKUM WALIYADIN

   Oleh : SULAIMAN.A.GANI

=====================================

Alhamdulillah, lon puphom kalam

Lon Pujoe Tuhan, Azawajalla

Yang peujuet langet, Hana meutiang

Yang  peujuet  insan, lat batat  Dumna

Seulawuet saleum, atueh  janjongan

Pang  ule Alam, khatam ambiya

Yang  ba risalah, wahyu bak tuhan

Keu bandum insane, ban sigom donya

Samboet  saleum lon, keu bandum rakan

Dalam grup muptang, bandum Anggota

Meuprang lam Panton, deungon Grup Nazam

Deungon hai rakan, saboh Mustika

Hajat lon peugah, keu uroe “ NATAL “

Kafe uroenyan, meu  uroe  raya

Geutanyoe hanjuet, ta ikoet  keunan

Tajak  rayakan, Natal  bersama

Bek  Toleransi, tabri  alasan

Meunyangkoet  Iman, tajak  peugala

Tawar  meunawar, hajuet  bidangnyan

Ingat hai rakan, Musyirek  Gata

Dalam  Quruan, Fireuman Tuhan

Meunoe hai rakan, neuci boeh makna

“ LAKUM DINUKUM  WALIYADIN “

Neuci  neunyakin, pakriban  makna

Lam ayat laen, meunoe ban Matan
Neuci hai rakan, hareutoe  Makna

“ WALANA  A’MALUNA, WALAKUM A’MALUKUM “

Kiban meukeusud, Dua  Ayatnyan

Arti pakriban, tapeuphoem  makna

Meunyoe  saboeh Truek, Fireuman Tuhan

Buka Quruan, Neucuba  Baca

“ WALAN  TARDA  ANKALYALUDU  WALAN  NASARA

HATTA  TATTABIA’ MILLATAHUM “

Bacut  lon surah, lon boeh  Areuti

Hana  yahudi, deungoen  Nasara

Meugoeh lom seunang, Urueng  Yahudi

Deungoen Nasrani, keupada  gata

Goeh  ek  dicakoe, umat  Islami

Agama  yahudi, peutamoeng  gata

Meumada Ohnoe, bak lon peuneusan

Dalam Grup muprang, Bandum Anggota

Dalam Grup Panton, Hikayat  Nazam

Meunan sit macam, wasiet uloen  ba

( Tgk Diyueb Bruek/Sulaiman.A.Gani.21/12/2012)