“ BATA BATU = BATU BATA “

  Oleh : SULAIMAN.A.GANI

===============================
Assalammua’laikom, warahmatuhu
Saleum keu tungku, ibu ngoen bapak
Dalam grup panton, saleum lon tabu
Barat ngoen Timu, meutoi ngoen jarak

Ulon peu ingat, sikada mampu
lon kalon laku, dikawoem bapak
Meumacam bagoe, dum geupeulaku
Miseu hai tungku, gilhoe tanoeh cak

Peugoet usaha ,keu bata batu
Lethat hai tungku, rumoeh yang rusak
Yang peulhoe tanoeh, cukop that lucu
Yang hana keubeu, geulhoe ngoen tapak

Cukoep that seunang, keubeu meu iku
Kana soe bantu, yang lhoe tanoeh cak
Keubeu modern, model tan iku
Hoe hoe yang ta-eu, jinoe hai bapak

Tapeu eh malam, dalam keuleumbu
Wate tabri bu , taba bak bajak
Oh wate beungoeh, jep kupi susu
Ngoen rukok samsu, tarek si bak bak

Meunyoe keuh tanda ,donya ka maju
Ureung ngoen keubeu , ka sahoe geujak
Seumbahyang meugreb, dalam lampoeh u
Ureung ngoern keubeu, lam mon tanoeh cak

Diteungku geubang, ka paree su su
Ureung ngoen keubeu, matang meurhak rhak
Seumbahyang meugreb ,sapat ngoen keubeu
oh wate ta ue , hanale parak

meunyan keuh tanda ,donya ka maju
hoe hoe yang taeu ,wahe e bapak
Meubek lagenyan, tanyoe peulaku
Urueng ngoen keubue, beu ek na parak

Beu ek na beda, urueng ngoen keubue
toh moto mueu, beu ek na parak
Bek saban akai, urueng ngoen keubue
Pujoe Tuhanku, urueng hai bapak
( Tgk Diyueb Bruek/Sulaiaman.A.Gani)
Tanggal, 30 Juli 2012