Oleh : SULAIMAN.A.GANI
=============================
Salammua’laikom,
warahmatullah
Saleum
sipatah, bandum saudara
Gantoe lon
jak droe, keunan lon langkah
Haba lon
kisah, saboeh peunawa
Gantoe ulon
bri, kupi saboeh glah
Bak lon
mudah, saboeh mustika
Haba peu
ingat, ummi ngoen Ayah
Bek singoeh
teulah, hanle meuguna
Uloen peu ingat , ummi ngoen ayah
Neujaga beupah, si
aneuk kandoeng
Jinoe remaja,
pergaulan bebas
Rata daerah, banda ngoen dusoen
Lheuh neubloe Honda, neuyue kuliah
Supaya mudah, mangat meutuloeng
Hana neutupue, meutamah susah
Ummi ngoen ayah, sideh di gampoeng
Aneuk di kota, oh woe kuliah
Meusapat bagah , cape teurapoeng
Ladoem rumoeh kost, keunan di langkah
Jak peugoet tugas, geuyue le Dosen
Oh ka meusapat,
han pue loen peugah
Ummi ngoen ayah, leubeh that muphoem
Inoeng ngoen agam,
sapue that tingkah
Dimusyawarah, pogram di susoen
Keu uroe minggu, haba jipeugah
Tamasya indah, bak
ie teureujoen
Gunoeng gurute, atau seulawah
Sinan cukoep pah, tapeulheuh rihoen
Oh supoet uroe, pih paloe leupah
Pergaulan
bebas, sira meurawoen
Sang lakoe binoe, takaloen ulah
Ban lheuh menikah, sideh digampoeng
Muda ngoen mudi, pergaulan bebas
Sidumnan caprah, lage kafiroen
Bek awai mume, dudoe menikah
Nyan baroe susah, oh ka meungandoeng
Hai kawoem ummi, ngoen kawoem Ayah
Keu Aneuk lidah,
sihate jantoeng
Beuna neujaga, deungoen neupapah
Bek roeh buet salah, meulanggar hukoem
Meunyoe lagenyan, ummi ngoen ayah
Laknat bak Allah, bala neupeutroen
Bek gara gara, pergaulan bebas
Seuramoe meukah, bala geusithoeng
Ban lhueh
Tsunami, hana sit ubah
Pergaulan
bebas, meutamah yang na
Rugoe
Syariat, seuramoe meukah
Peugah bak
babah, jipubuet hana
Meumada ohnoe, haba loen peugah
Ummi ngoen ayah, Supaya muphoem
TGK.Diyueb
bruek . yang tuleh kisah
Bandum Daerah, Kota ngoen gampoeng
(Tgk Diyuebbruek)
26 April 2012
0 komentar:
Posting Komentar