skip to main |
skip to sidebar
” ADAP BERPAKAIAN ”
Oleh :
SULAIMAN.A.GANI
==========================================
HAN JITOEP ULEE, DENGOEN JEULEUBAB
NGOET BEK DEUH, AURAT MEU OK DI ULEE
IKOET PEURINTAH, FIRMAN HADHARAT
DIDALAM KITAB, SABDA PANG ULEE
OH WATEE DIJAK, DIDALAM PEUKAN
GEUTANYOENG PANDANG, HANA LEE BEDA
NGOEN BAJE KAWOEH, MEUBUNGKOEH ASAM
SILEWEU PAYANG, KEUTAT URAM PHA
YANG LEUBEH LUCU, HAI TUNGKU APA
YANG LEUBEH GURA, WAHE TUNGKU BEN
JISOEK JEULEUBAB, DADA TEUBUKA
LEUMAH U LUA ,PUTIEK BOH MAKEN
SOK BAJEE OBLONG, KEUTAT BAK BADAN
SOK LUWEU PAYANG, MEUBUNGKOH BOEH PHA
SOK BAJEE LIPEUH, KALEUMAH KUTANG
SOK LUWEU PAYANG, MEUBUNGKOH ATRA
” PAKEK JEULEUBAB ”
===================================================
PAKEEK KEURUDOENG, IJA SEULENDANG
NGOEN BAJEE PAYANG, SAMPOE U GAKI
GEUYUE NGUI BAJEE, BEUTEUTOEP LEUNGAN
TAJAK LAM PEUKAN AURAT BEK MEURI
YANG NA JEUT LEUMAH, MUKA NGOEN TANGAN
MEUNAN BIMBINGAN, NIBAK ILAHI
TUHAN SEUSEUBOT, DALAM QURUAN
BACA HAI RAKAN, NEUBOEH AREUTI
DARI SURAT NUR,, DALAM QURUAN
LHEE PLOEH SA INTAN, AYAT KA MEURI
MEUNAN PEURINTAH, KHALIKUL MANAN
MEUNAN ATURAN, UREUNG ISEULAMI
TUHAN NEUYUE TOEP, AURAT PEREMPUAN
SEUBAB NEUPANDANG, DEURAJAT TINGGI
BEK SOEMPOE ROH JEUT, BARANG ROEMBENGAN
HANA MEUSIMPAN, DALAM LEMARI
“
UMARA NGOEN ULAMA”
==============================================
KAREUNA ACEH SEURAMOE MEKKAH
ACEH DAERAH ISLAM HAI KAWOEM
ISLAM DI ACEH ZAMEUN KOEN KANA
ALEM ULAMA PEUDOENG AWAI PHOEN
NANGGROE PEUREULAK SINAN PHOEN MULA
DUDOE SAMUDRA WILAYAH GEUDOENG
HINGGA BERKEMBANG SAMPOE MALAKA
ISEULAM JAYA SAMPOE REUTOH THOEN
PO TEUMEUREUHOEM ISKANDAR MUDA
YANG MAT KUASA ACEH JAYA PHOEN
NANGGROE MEU ADAT KUAT AGAMA
KAWOEM ULAMA BANDUM YANG SUSOEN
YANG ATOE NANGGROE BAK SI DROE RAJA
KAWOEM ULAMA BANDUM YANG SUSOEN
RAYEUK THAT PEURAN KAWOEM ULAMA
SAMA NGOEN RAJA GEUPIMPIN KAWOEN
ISEULAM DI ACEH JAMEUN KOEN KANA
KAWOEM ULAMA PEUDOENG AWAI PHOEN
NA QADHI AGOENG SIDROE ULAMA
YANG BRI FATWA SYARIAT HUKOEM
MEU PAKOEN JINOE ATRANYAN HANA
MEUBALEK CARA MEUTUKA UJOENG
PADAHAI ACEH HAK ISTIMEWA
KA TINGGAI RUNGKA SYARIAT HUKOEM
HANA LE MUPAT ADAT NGOEN REUSAM
KA GADOEH PERAN KAWOEM ULAMA
PADAHAI ACEH LEUBEH MEUGAHAN
LHEE BOH LANDASAN AWAI KALHEUHNA
(TGK DIYUEBBRUEK )……samboeng ….samboeng…..samboeng.
0 komentar:
Posting Komentar