“ BISMINLAHIRRAHMANNIRRAHIM”

“ BISMINLAHIRRAHMANNIRRAHIM”

=========================================

Oleh : Tgk Diyueb Bruek/Sulaiman.A.Gani

 

Peut boeh meukeusud, takheun Bisminlah

Deungoen loen peugah,hai kawoem mukmin

Talake tuloeng .  Nibak  potallah

Meu yang keuphoen sah, ka beutanyakin

Neubri beureukat, meunyang keudua

Nibak hareuta, dan laen laen

Keu lhe ta ikoet, kalam rabbana

Geuseuboet nama, quran nulkarim

Ikoet kheun Nabi ,meupeut perkara

Nabi mulia, muhammad amin

Bak jeut jeut kitab ,meusurat kana

Ikoet yang beuna, tinggai yang laen

Mekeusud Bisminlah, yangka loen nyata

Karena Esa, rabbul a`lamin

Malam neu mereut, nabi mulia

Neukaloen rupa, meunigoe gadeng

Jeuneh nibak meuh, itan mutia

Hana goen peusa , deungoen ta bandeng

Pintoe meugunci, ban siseulingka

Bak ureung jaga, sabda mursalen

Hai malaikat, ngoen pue loen buka

Pintoe jroeh rupa, loen eu meuganceng

Di malaikat, geujaweub sigra

Ta seuboet nama, rabbul a`lamin

Ayat bisminlah, nabi neubaca

Teuhah le sigra, pintoe meuganceng

Neutamoeng laju, di nabi  yollah

Neukaloen kubah, ceudah tan bandeng

Na peut boeh tiang, intan meutatah

Ngoen nama Allah, sinan meusalen

Bak tiang yang phoen, ngoen kalam Bismi

Sinan teubiet ie, puteh meuleng leng

Nyakni saboeh krueng ,karonya rabbi

Seureuta ngoen ie, tabeu  a`laihem

Tiang keu dua, surat  Allahi

Disinan krueng ie, ile meupuseng

Dalam syuruga, pucoek di sundi

Ngoen manoe cut ti, putri yang linteng

Bang tiang Rahman, ka deungoen Rahim

Sinan hai mukmin, meunoe loem lazem

Dua boeh suak,  karonya Rabbi

U donya ini , saboeh hai cut lem

Keuluar nibak,  ka tiang Rahman

Sabda janjongan, kameunan lazem

Dalam syuruga , jannaton adnen

Bak tiang Rahim, meunan hai polem

Meunan muphom lon, Hadis Mursalin

Ngoen hate nyakin, Kalhueh  lon salen

( Tgk Diyueb Bruek/Sulaiman.A.Gani)25/02/2013