Pages


Rabu, 06 Maret 2013

“ BEURITA RCTI “



    Oleh : SULAIMAN.A.GANI
==================================================
O wate  uroe, laloe ngon FB
Muda ngon Mudi, lam Donya Maya
Panton jipeugoet,  itu ngoen  ini
Laju jibagi, rot connect Maya

Asoe didalam, meukarang rawi
Haba lam TV, meuneuk calitra
Meusoe yg na eu, bak RCTI
Berita kini, siaran jiba

Sinan jipeugah, wahe e akhi
Akan terjadi, bencana geumpa
Tempat daerah, golom that pasti
Meunurot ahli, diIndonesia

Lam skala besar, geumpa terjadi
Meunan teuliti, buet awak luwa
Mungken toe laot, jiek Tsunami
Teumpat ngon lokasi, golom jipeunyata

Et noe sekilas, info ulon bri
Keumandum penghuni, jaringan Maya
Lon saran bacut, bek that percayi
Haba yahudi, le that dum dusta

Penelitian u likot, hana terjadi
Rahasia Ilahi, han soe ek sangka
Tanyoe ta meumat, bak sidroe Rabbi
Malam ngon hari, bek sagai lupa

Pubuet suroh, peujioh bakhi
Tajaga hati, bek roh lam dosa
Limong boh wate, jaga e akhi
Seugolom mati, sujud tika mushalla

Seumasa nyawong, dalam jasadi
Bek sia wati, tuha ngon muda
Beujroh iman, tawoe bak rabbi
Syiruga tinggi, geubri keuhamba
(  Tgk Diyueb Bruek )


0 komentar:

Posting Komentar

Komentar FB :