“ FIRASAT NGOEN LUMPOE “

  Oleh : SULAIMAN.A.GANI

=================================

Alhamdulillah, Rahmat meukatoe

Allah lon pujoe, Sidroe yang  Esa

Seulawuet saleum, ohlhuehnyan dudoe

Nabi Geutanyoe, Rasul Mustafa

Samboet saleum lon, rakan sinaroe

Aduen ngoen Adoe, lam Donya Maya

Bandum sahabat, lakoe ngoen binoe

Yangka ngoen kamoe, ikat saudara

Dalam Grup Muprang, Meuah sinaroe

Grup Panah dudoe, Meuah beuraya

Dalam Grup Laen, Meunan sit bagoe

Yangka  ulonnyoe, Tamoeng  Anggota

Kadang Status, yang ulon pasoe
Ngoen komen Asoe, teupeh  saudara
Kadang sit salah, uloen hareutoe

Status lon pasoe, hana  meuguna

Tgk Diyueb Bruek, Nibak Uroenyoe

Hajat peusampoe, Meuah  beuraya

Kadang seuneulhueh, status lon pasoe

Kareuna lumpoe, Firasat  teuka

Badan lon saket, ka padum  uroe

Seureuta lumpoe, jemputan  teuka

Meulhe droe Urueng, Bak lon troek keunoe

Jubah bak asoe,  Indah  lagoena

Ulon geumaba, Hajat geupuwoe

Bekle disinoe, lam donya  Fana

Oleh seubabnyan, Rakan sinaroe

Firasat  lonnyoe, sang katroek teuka

Teukeudi Awai, gisa  ulonnyoe
Meuhadap ngoen Po, Azawajalla

Wasiet  sineulhueh, ulon peusampoe

Meuah keu lonnyoe, Sigala  Dosa

 

Teunte Grup Muprang, tinggai disinoe

Grup PANAH dudoe, meunyang keudua

Ulon  Admin, lam dua grup nyoe

Meuah  sinaroe, sigala  Dosa

Seureuta  wasiet, keudua Grupnyoe

Status Tapasoe, yangna  meuguna

Yangna mamfaat, status tapasoe

Nikmat keu kamoe, han azueb siksa

Meumada Ohnoe, Haba lon rampoe
Firasat lumpoe, ulon peunyata

Semoga Allah, goh geupeusampoe

Seubab ulonnyoe, goh taubat  Dosa

(Tgk Diyueb Bruek/Sulaiman.A.Gani 24/12/2012)