WILAYATUL HISBAH

WILAYATUL HISBAH
Oleh  : SULAIMAN.A.GANI/Tgk Diyueb Bruek

 ASSALAMU’ALAIKOM , WARAHMATULLAH

SALEUM SIPATAH, KEU KAWOM DUMNA

SAMBOET SALEUM LON SION KEUREUTAH

HAJAT LON PEUGAH, KEU TUGAS WH

 SYARI’AT  ISEULAM, SEURAMOE MEUKKAH

DASAR FILSAFAH, HUKOM NEGARA

HUKOM AGAMA, SYARI’AT ALLAH

SEURAMOE MEUKAH, HAK ISTIMEWA 

KA LHEUH GEU ATOE, DASAR FILSAFAH

MISEU LON PEUGAH, QANUN MEUZINA

QANUN KHALAWAT , MAISIR PIH SUDAH

CAMBOEK NGON QISAS, DIKEU RAKYAT BA

DALI TAKALON, KON LON FITNAH

KA JIPEUBEU`AH , HUKOM RABBANA

OH WATE SUPOET, NEUCI MEULANGKAH

PAKRI BAN ULAH, BUET ANEUK MUDA

SEUMBAHYANG MEUGREB, BAK BINEH JALAN

DENGAN PASANGAN ,JEIP  CACA– COLA

PAJOEH HAMBERGER, TROEK TEUNGOH MALAM

LAGEE RESTORAN NANGGROE EROPA

KUPUE NA HUKOM SYRI’AT  ISEULAM

MEUNYOE LAGE NYAN BUET ANEUK MUDA

KEUPUE  SIT  WH  JAGA  ATORAN

CUBA NEULARANG BEK JIKEURIJA

KEU TUGAS  WH, BACUT LOEN PEUSAN

SYARIA’AT ISEULAM , BEUGOT NEUJAGA

BEU NEUJAK TEGUR, DENGAN NEULARANG

BAK BINEH JALAN, PEUGOET BEULAGA

HOTEL BERBINTANG, NEUJAK MEUJAN – JAN

NIBAK RESTORAN PIH BEU NEUJAGA

NEUDROEP NEU HUKOEM, SI HIDOENG BELANG

QISAS NGOEN RAJAM, INOENG DALUPA

 TUGAS DI WH, KOEN BUET SEMBARANG

JAGA  ATURAN, HUKOEM  AGAMA

MISEU UMPAMA, LOEN BOEH TAMSILAN

POLISI TUHAN, ATEUH RHUENG DONYA

BAK PEUDOENG HUKOEM, KON WAYANG – WAYANG

SALAH BAK TUHAN, ASOE NURAKA

DONYA GEU AZEUB, BALA BAK TUHAN

LAGE SABOEH JAN, TSUNAMI TEUKA

  

BANDUM GEUTANYOE, UREUENG ISEULAM

DALAM KAWASAN, ACEH MULIA

BEK SEUBAB  WH, PATOEH  ATURAN

BUKOEN LAGENYAN, HUKOEM  AGAMA

 TUNDOEK TAPATOEH, ATEUH  ATURAN

PEURINTAH TUHAN, TA TAAT BEUNA

BANDUM  TA TAAT  HUKOEM ISEULAM

NGON DASAR  IMAN DI DALAM DADA

GEUTANYOE BANDUM  JAGA  ATORAN

ALLAH NEUSAYANG  AKHIRAT DONYA

MEUNYOE DI ALLAH  TANYOE GEUSAYANG

MUDAH – MUDAHAN  HAN TROEK LE  BALA

MEUNYOE KA TEUDONG  SYARI’AT  ISEULAM

ACEH DARUSSALAM  AMAN SENTOSA

MEUMADAN OHNOE HABA LON PEUSAN

MEUBEK HAI RAKAN WH NEUCEULA..

                                                                                                       Banda Aceh,  20 oktober 2011