“ VALENTINE DAY “

“ VALENTINE DAY “
=======================================

Oleh “ Tgk Diyueb Bruek/Sulaiman.A.Gani

Deungan Bisminlah, lon puphoen Kalam
Lon Pujoe Tuhan, Sidroe yang Esa
Sigala Pujoe, meuwoe Keu Tuhan
Yang peujuet alam, lat batat dumna

Seulawuet saleum, dudoe komdian
Pang ule Alam, Rasul Mustafa
Pang Ule Nabi, Rasul Khataman
Rasul Pilihan, Ban Sigom donya

Lhuehnyan saleum lon, A’laikom salam
Inoeng ngoen Agam , Tuha ngoen Muda
Keu Bandum Kawoem, Umat Iseulam
Yangka Meu iman, kalimah dua

Bacut lon wasiet, bak gata rakan
Nyan Valintine day, bek ikoet gata
Meunyan buet kafe, Benci Iseulam
Meukasih sayang, aturan hana

Meunyan Misi, Peuhancoe Iseulam
Peuhancoe moral, mudi ngoen muda
Jiboeh ngoen nama, nyan Valitine day
Meugaseh sayang, Tanyoe seusama

Tiep Tanggal peut blah, jipeuringatkan
Nyan Valitine day, ban saboeh donya
Meunyan keuh uroe, meugaseh sayang
Lage Binatang, hana Agama

Bek roeh meu ikoet, tanyoe iseulam
Bak buet Geularang, oleh Rabbana
Tuhan neubenci, bak buet lagenyan
Nuraka jahnam, teumpat keu gata

Meunyan keu wasiet, bak gata rakan
Keu Valintine day, seujarah jihna
Baca beuhabeh, yang lon sajikan
Juet peringatan, Keu gata dumna
( Tgk Diyueb Bruek/Sulaiman.A.Gani)09/02/2013