Pages


Rabu, 06 Maret 2013

“TEUKEUDI MATE”



  Oleh : SULAIMAN.A.GANI
==================================
Alhamdulillah, Allah lon pujoe
Langet ngoen bumoe, gobnyan  kuasa
Yang peugoet langet, seurueta bunoe
Peujuet  geutanyoe, dum  manusia

Seulawuet saluem, hana sit tuwoe
Nabi  geutanyoe, Rasul Mustafa
Ayah ngoen po ma, guree lon sidroe
Doa ulon nyoe,  lake  syuruga

Lheuhnyan saleum lon, bandum sinaroe
Agam ngoen binoe,  Tuha ngoen muda
Kalhueh neubaca, neukalon  keudroe
Bukon ulon nyoe,  lawan jak mita

Airil Safrijal, sabe jipubloe
Malam ngoen uroe, lawan jimita
Keubiet that cangklak, si anuek bisoe
Nibak malamnyoe, lon boeh lam singkla

Ku boeh dalam toeng, langsoeng  kupubloe
Mangat  jitusoe, bek kurueng  Aja
Meutitik pusat, jak peukrueh  gigoe
Bahle  malamnyoe, kupoeh  ngoen nuga

Dile nyoe Beutoeng, nama  goeb  tusoe
Yoeh mantoeng na droe, si raja  Tuha
Yoeh Bantakiyah, masa saboeh  roe
Kopasus keunoe, gohlom troek  teuka

Airi Safrijal, mantoeng lam  peutoi
Sulbi  ayah droe, gohlom keu lua
Mantoeng lam tuot,  gohlom  geupasoe
Teumpat goh geubloe, lake bak cina

Maka jih cangklak, si Anuek  bisoe
Hana jitusoe, turunan bangsa
Wate lon tayoeng, bunoe yoh uroe
Pakriban bagoe, tamse  umpama

Jikuuk manoek, boh teungoeh karom
Meuceh duengon kom, tatupue hana
Tapi jikuuk, meuceh jih gohloem
Pakriban bangoen, taboeh umpama

Hana tajawueb, manoek  keumaroem
Hai adoe pakoen, tamsela  hana
Pakon sit cangklak, tapeukrueh gigoe
Baro ta the droe, oh lawan  kana

Meunyoe saboeh truek,  atueh jih kurhoem
Meunoe ban bangoen, ulon boh tamse
Na sidroe urueng, geujak dalam  gle
Teukeudi mate, soe  padubawa

Meusoe seumanoe, meusoe boeh gafan
Meusoe hai taulan, yang baca doa
Meusoe khueh uruek, talikin kiban
Meusoe seumbahyang, seubab lam rimba

Meunyoe sit hanjuet, tabri jawaban
Kupue sit lawan, gata jak  mita
Nibak anuek miet, pantang joek parang
Meumet  on pisang, jitak  meutaga

Jipike hantu,  disangka  lawan
Padahai  on pisang, angen peudoda
Cikoek ngoen leubeng, patah ngoen parang
Lawan on pisang,  keurusoeng  nama

Meunyoe roeh meunan, kon ngoen lon lawan
Han sabe padan, anuek  barosa
Bahle talo lon, bek  jak meu ayang
Matoeng bee pisang, ban geulhah le ma

Jinoe lon pulang , keu badum rakan
Bah taci lawan, ka oleh  gata
Sabe keudroe droe, taniet  meu ayang
Bahle lon  tuan, peunonton  saja
( Tgk Diyueb Bruek )

0 komentar:

Posting Komentar

Komentar FB :