“BEDA QALAM NGOEN FIRMAN “

  Oleh : SULAIMAN.A.GANI

==============================================

Assalamua;laikom,kawom jeumeulang

Lon puphoen kalam, pujoe Rabbana
Seulawuet saleum,  akan  janjongan

Pang  ule Alam, Saidil Mustafa

Samboet  saleum lon, keu bandum rakan

Dalam  grup muprang,  Panton  meucakra

Neubri Tuhanku,  pikiran  beutrang
Saboeh  sualam,  hajat  lon rika

Sifuet dua ploeh,  nyan  milek Tuhan
saboeh  hai  rakan, tanyoeng bak  gata

Meunyakni  sifuet, geuseuboet  Qalam
Muphom pakriban, neumeusuara

kon deungoen lidah,  Allah  meuqalam
beuntuk huruf  tan,  hana  suara

Pakriban  muphoem , deungan  Quruan

Fireuman Tuhan,  Azawajalla

geutanyoe bandum , Takhuen  quruan

Fireuman Tuhan, taseuboet  nama
ka meunyoe takhuen,  Fireuman Tuhan

Meunyan hai rakan,  beuntuk jih  kana

Meukana huruf, bentuk  bunyian
dan lon hai  rakan, kana  suara

Kiban itikuet, Takhuen  fireuman

Nyan Qalam Tuhan, quran  mulia

Bunoe tapeugah, nibak  mulaan
Nyan Qalam Tuhan, hana  suara
hana meubentuk, meu huruf  pih tan

Muphoem pakriban, kalam rabbana

salah itikuet, rugoe kon  barang

Nyan qalam  Tuhan, quruan  mulia

Tapi neujawueb, beuna  landasan

Itikuet kiban, Qalam Rabbana

Bek musirek,  neubri  jawaban

Meusalah jalan, neupuphoem  makna

Bek roeh meusuruek, lam  alei  teubai
leubeh goet rakan,  bek jawueb  saja

(Tgk Diyueb bruek/Sulaiman.A.Gani )Tanggal  14  Oktober  2012