”TANDA DONYA AKHE “

‎”TANDA DONYA AKHE “

Oleh : Tgk Diyueb Bruek/Sulaiman.A.Gani
========================================
Salam'alaikom , Bintang meuble ble
Neuduengoe Cae, saboh Mustika
Hadis Saidina, hajat lon rawe

Lam beuntuk cae, hajat lon rika

 

Beujuet peu ingat, Kuta deungoen gle

Kiban oh akhe, kiamat Donya

Pakriban tanda, oh donya Akhe

Dak juet bek sampe, geutanyoe rasa

 

Sideh dalam blang , geupula pade
Sideh  dalam gle,  campli ngon lada
Ta eu donya nyoe , sang katoe reule
Yang ganje-ganje , le that ka teuka

Agam ngoen dara, hana male le
Tieb uroe sabe, gadoeh meucinta
Jisoek pakayan,  keutat bukon le
Male hana le,  di kawoem hawa

Poma ngoen ayah,  getham hana le
Dak han diwoe le,  geuseutot hana
Meutamah bangga,  senang that hate
Sibungoeng pade,  kana soe ba-ba

Boh mamplam putik , mangat ta tek-tek
Boh mamplam Golek,  mangat that rasa
Lethat dum lahe , si adek bayek
Tatanyoeng yang bek ,ayah jih hoe ka

Meunyoe keuh tanda,  donya kiamat
Saboh alamat, uloen bri tanda

Meukhuen Pang Ule, Siploeh Alamat

Nabi Muhammad, Meunan Meusabda

Meeumada saboh, lon bri alamat
Sikurueng Meuhat, Teungoeh lon rika
Meunyoe na umu, meubri  Hadharat
Meujuet lon surat, Laen Kuta

( Tgk Diyueb Bruek/Sulaiman.A.Gani )