“ MASA DALAM PRANG “

“ MASA DALAM PRANG “

   Oleh :Tgk Diyueb Bruek/Sulaiman.A.Gani.

 Salama’laikom, Tangloeng jeumeulang

Saleum lon layang, bandum syedara

Jaroe lon dua, lon beu oet meulayang

Atueh dhoi Timang, Tanda mulia

 

Lon lake meuah, bak bandum rakan

Kadang salahan, narit roeh gasa

Hajat lon peugah, Seujarah lam prang

Masa saboeh jan, dile lam rimba

 

Yoh masa dile,  tanyoe dalam prang
lam perjuangan , jak bela bangsa
Tagrak senjata , leupah that garang
Bude  tagulam , AK  ta baba

Kisah tgk lah , syahid dalam prang
Nibak peujuang , Aceh merdeka
Beuluah kubu,  Bandum pejuang
Yangka geuriwang, u alam baqa

Di  ayah korban . syahid dalam prang
Tinggai bak rangkang, jinoe ngoen Poma
Buboeng ka tireh, binteh ka leukang

Meunan keuh Macam, Anuek syuhada

Di aneuk  Pateng,  seudeh kon wayang
Wate masa prang,  tanyoe dijaga
Teutapi  jinoe, udep meulang lang
Dipeureumeun tan, keurija hana

Jinoe Mat tampok, mantan peujuang
Aceh lam Reugam, Geumat kuasa
Hasil Hilsinki, beugeupeujuang
Bekna hambatan , talakei doa

 

Nyan UU PA, beujuet Landasan

R.I. deungon Gan, Bekle Sengketa

Meumada ohnoe, saboh Harapan

Neubri Ya Tuhan, Troek Hajat Pinta,

( Tgk Diyueb Bruek/Sulaiman.A.Gani