OLEH ; SULAIMAN.A.GANI
==============================================
ASALAMU’ALAIKUM WARAHMATULLAH
JAROE DUA BLAH ATEUH JEUMALA
SAMBOET SALEUM LOEN SION KEUREUTAH
HAJT LOEN KISAH SITHOEN LHEUH GEUMPA
SITHOEN TSUNAMI HAJAT LOE PEUGAH
PAKRIBAN ULAH SINOE DI BANDA
NASIB PENGUNGSI PUE NA BEURUBAH
LAKU NGOEN TINGKAH PUE NA MEUBEDA
PUE NA JITHE DROE PEUNEUJEUT ALLAH
PUE NA BUET SALAH
MANTOENG KEURIJA
PUE NA BANTUAN
LAGE JIPEUGAH
PUE NA BEURUBAH
BUET MANUSIA
PUE NA TEU INGAT
YANG KA MUSIBAH
PUE NA MEUTAMAH
IMAN DI DADA
PUE NA JISYUKUR
KEU NIKMAT ALLAH
PUE NA ZIARAH
KUBURAN MASSA
PUE NA MEULAEN
SEURAMOE MEKKAH
BALEK AKIDAH TUKA
AGAMA
NEUCUBA DEUNGOE
HABA LOEN PEUGAH
HABA LOEN KISAH
KIBAN CALITRA
SULAIMAN GANI
TULEH NASKAH
ASAI GAMPOENG YAH
DI SAMALANGA
KORBAN TSUNAMI
SITHOEN YANG SUDAH
SYUKUR KEU ALLAH
MANTOENG SEUJAHTERA
ASTAGFIRULLAH
LIDAH KA SALAH
KAROEH LOEN KISAH
METUKA BANJA
SITHOEN TSUNAMI
TAPUWOE KISAH
PRESIDEN TROEK
LANGKAH KEUNOE U BANDA
JAK PEURINGATI
SITHOEN MUSIBAH
GEUJAK ZIARAH
KUBURAN MASSA
GEUJAK MEUDO’A
LAKE BAK ALLAH
YANG KA MUSIBAH
BEK LE MEGISA
GEUBA NGOEN JUDO CUT PUTROE INTAN
GEUBA BAWAHAN MEUNTRI NEGARA
BAPAK NUR WAHIED NGOEN MENKO POLKAM
KONTORO SAJAN
NGOEN MENKO KESRA
BAPAK GUBERNUR
PIH IKOET SAJAN
DALAM ROMBONGAN
KEUPALA NEGARA
GEUJAK MEU DO’A
NIBAK KUBURAN
BAK BAITURRAHMAN
DO’A BERSAMA
SIDEH ULEE LHEE
GEUPEURINGATKAN
SINAN HAI RAKAN
PEUGEUT ACARA
SINAN PIDATO BRI
PENGARAHAN
SINAN RENUNGAN
GEUHEUNING CIPTA
MEUSEU SURUNE BAK
JEUM POEH LAPAN
NIBAK WATENYAN
TSUNAMI TEUKA
SITHOEN TSUNAMI
BEUJEUT KEUNANGAN
BEK LE NA INSAN
YANG PUBUET DOSA
DONYA SANG KARAM
ALAM KIAMAT
HANJEUT LOEN
INGAT SEUDEH MEULEUPAH
PRESIDEN SBY
TAPUWOE KISAH
KEUNOE TROEK
LANGKAH JAK SAWEU GATA
SAWEU SAUDARA YANG KA MUSIBAH
GEUYUE BEU TABAH BEUROEH LAM SABA
KUBURAN MASSA
GEUJAK ZIARAH
LAGI GEUJAK SAH
RUMOEH SIKULA
TIJOEH IE MATA
BAJE KABASAH
YATIM HANA YAH
YAGEUCOEM NGOEN GEUWA
DAN LOEM
GEUWASIET HABA SIPATAH
U LOEN GANTOE YAH
ANEUK DIGATA
U LOEN NYOE
TANIET GEULANTOE AYAH
INOENG U LOEN SAH
GEUNANTOE POMA
GEUNANNTOE MA
DROE KA DEUNGOEN AYAH
YANG KA MUSIBAH
GEULOMBANG TAMPOE
GANTOE PO MA DROE
ANEUK TSUNAMI
KEU IBU ANI
GEUYUE HAI PO MA
BANGKET SEUMANGAT
ANEUK TSUNAMI
HARAPAN GEUBRI
KOEN PURA – PURA
NGOEN KASIH
SAYANG GEU YUE SANTUNI
ANEUK TSUNAMI YUE
JOEK SIKULA
YUE PEUGOET
RUMOEH UNTUK PENGUNGSI
BEK LE HAI AKHI
TINGGAI LAM TENDA
KEU BANDUM KORBAN
DALAM TSUNAMI
PRESIDEN HAN
GEUBRI LARUT LAM DUKA
BAHLE TSUNAMI
TINGGAI SEUJARAH
SABOEH MUSIBAH
CATATAN DONYA
KAPAI TEURAPOENG
HAN GEUBRI PINAH
BUKTI SEUJARAH
KEU ANEUK BANGSA
PEUGOET MONOMEN
GEU YUE PEU INDAH
MEUSIUM BAGAH PIH
GEU YUE PEUNA
MEUSIUM TSUNAMI
GEUYUE SEULEU’AH
ACEH MUSIBAH
SEUJARAH BANGSA
KEU ANEUK CUCOE
TANDA TAKEUBAH
MANGAT JITU’OH
PEUSIBLAH MARA
JINOE TABANGUN
ACEH KEUMBALI
ILAHON RABBI
TAMOHON DO’A
KEURIJA KERAS
HARAPAN TINGGI
TANYOE HAN GEUBRI
LARUT LAM DUKA
MULAI JINOE
BANGKET KEUMBALI
PASCA TSUNAMI
ACEH BEUJAYA
SABOEH KA LEUMAH
HIKMAH
DAMEE HELSINKI
JINOE KA NYATA
TANLE SU BUDE
SABE TIEP UROE
TAN LE MEU
EUNKHOE SABE SAUDARA
TANLE TADEUNGOE
KARU LAM NANGGROE
TANLE JEUT SAGOE
NA HARU HARA
BALA BRI TUHAN
SITNA HUBUNGAN
DEUNGOEN BUET
INSAN SINOE LAM DONYA
SABOEH COBAAN
UREUNG MEU IMAN
UREUENG MUNGKARAN
NYAN SABOEH BALA
DAHSYAT TSUNAMI
KA DEUNGOEN GEUMPA
KA LHEUH TARASA
PAKRIBAN HEBAT
NYAN BARO BACUT
TUHA PEURASA
KA PANIK GATA
LAGEE KIAMAT
BARANG BAN
MUNGKEN MEUNYOE BUET TUHA
HANA SOE SANGGANG
HAN EK SOE SANGGA
OLEH SEUBABNYAN
KA WAHAI RAKAN
BEUJEUT PEUDOMAN
GEUTANYOE HAMBA
HABEH ULEE LHEE
PRSEIDEN SINAN
NIBAK KUBURAN
LAJU GEUTEUKA
KA HABEH BANDUM
BAN LHEE KUBURAN
SAMPOE HAI RAKAN
KUBURAN LHOKNGA
OH KA LHEUH HABEH
ZIARAH KUBURAN
BAK BAITURRAHMAN
LAJU GEUGISA
SINAN SIKADA BRI
PEUNGARAHAN
TEUMA OH LHEUH
NYAN DO’A BERSAMA
USTAD ARIFIN DO’A
GEU KHATAM
ASOE DIDALAM
MEUNOE BAN MAKNA
NAUZUBILLAH
LINDOENG BAK TUHAN
BEUTEUTAP IMAN DI
DALAM DADA
BALA TSUNAMI
BEKLE MEU ULANG
ACEH BEU AMAN BEK
LE LAM BALA
ACEH BEK KARU LUA
NGOEN DALAM
SUPAYA AMABN
TABANGUN BANGSA
KEU UREUENG
KORBAN DALAM TSUNAMI
YA ALLAH NEUBI
TAMOENG SYURUGA
KUBU BEULUAH
TUHANKU NEUBRI
KORBAN TSUNAMI
PANGKAT SYUHADA
YANG HANA KUBU
JEURAT TUHAN BRI
KORBAN TSUNAMI
HUKOEM RABBANA
TANYOE MEU DO’A
TEUMPATA BEURANGRI
HANA MEUSEUTI
ATEUH PUSARA
ALLAH HU ALLAH
ALLAH HU RABBON
ALLAH KADIRON SIDROE YANG ESA
BEK NGOEN TSUNAMI
KAMOE NEUHUKOEM
KAMOE NEU AMPOEN
MEUNYOE MEUDOSA
YANG MANTOENG
UDEP DALAM DONYA NYOE
BAK TUHAN SIDROE
U LOEN MUNAJAT
BEU DALAM IMAN OH WATEE GEUWOE
DALAM DONYA NYOE IMAN SEULAWAT
HIKMAH TSUNAMI SABOEH KA LAHE
DAME HELSINKI
BEUSAMPEURUNA
ACEH BEK KARU BEK
LE SU BUDE
ACEH BEK PAKE
SABE SAUDARA
BEUJEUT KEU DAME
GAM DEUNGON R.I
BEUJEUT ABADI
KARU BEK LE NA
BEUJEUT KEU
PATOEK SABOEH PONDASI
BEUJEUT BUKEUTI
AMAN SENTOSA
NEUBRI ACEH NYOE
BEK ROEH LAM JAHE
LAM SUNTOEK SABE
LAM PRANG SAUDARA
NEUBRI SEULAMAT
BATHEIN NGOEN LAHE
OH UROE PAGE
NEUBRI SYURUGA
PINTOE SYURUGA
NEUGUNCI BEK LE
YA RABBUL KADE
NEUKABUL DO’A
BEUDALAM AMAN
ACEH BEK PAKE
ACEH BEKNA LE
NEUBRI LAM BALA
NASIB PEUNGUNGSI
BECUT LOEN RWE
KORBAN TSUNAMIN
JINOE LOEN RIKA
KA SAMPOE SITHOEN
PASCA TSUNAMI
MANTOENG
PEUNGUNSI TINGGAI LAM TENDA
GUBERNUR BARO
KALHEUH MEUJANJI
BEK LE PENGUNGSI
TINGGAI LAM TENDA
BEKLE SAUDARA SABE JITAKI
JATAH PEUNGUNGSI
BEKLE JIRABA
GEUHAPUS KOROPSI
JUDI PIH MEUNAN
SUPAYA AMAN
TABANGUN BANGSA
SEUBAB TAKALOEN
JINOE NAYUM BAN
KROPSI NAYUM SANG
SABOEH BUDAYA
SIDUMNOE BALA
NEUBRI TSUNAMI
MANTOENG SIT
KROPSI MEURAJALELA
RATA JEUT SAGOE
TA DEUNGOE KROPSI
SANG SANG NAYUM
HI HANALE DOSA
NIBAK BAGI BREUH
NGOEN TEUPOENG KANJI
JATAH PENGUNGSI
BANTUAN JIBRI NGO LUA
UNTUK FAMILI JOEK
DUA GONI
UNTUK PENGUNGSI
SEP SABOEH SAJA
PADAHAI SABAN
KORBAN TSUNAMI
PAKOEN BAK BAGI
JATAH MEUBEDA
BAK BAGI RUMOEH
BARAK PEUNGUNGSI
DISINAN KROPSI
PIH LEUPAH RAYA
SOGOEK –
EUNYOGOEK SINAN TERJADI
SUPAYA JIBRI DUA
BOEH MUKA
HANA AMANAH
UREUENG YANG BAGI
MAKA JEUT KROPSI
MEURAJALELA
MEUNAN KEUH BAGOE
JINOE TERJADI
HAN PUE LOEN
KHEUN KRI KON LE RAHSIA
TAMOENG DALAM
GLAP KAREUNA KROPSI
KAJEUT KEU GENGSI
MEUTAMAH BANGGA
HANA JITUPUE
HUKOEMAN KROPSI
HUKOEM ILAHI
TAMOENG NURAKA
KUPEU GUNA LE
HASIL PENG KROPSI
WATE TAMATE HANA
SIT TABA
GAFAN LHEE LAPEH
MEUNYANG NA TABA
PAPEUN KEUREUNDA
LABANG LHEE INCI
HARTA TATINGGAI
SINOE DI DONYA
DITUENG PUSAKA
ANEUK NGON WALI
TINGGAI BERLIAN
INTAN PERMATA
TINGGAI HAREUTA
DICOEK LE WALI
TANYOE KA MATE
TANLE MEUGISA
MANGKAROEN SEKSA
HASIL PENG KROPSI
A DESEMBER
2005
0 komentar:
Posting Komentar