Pages


Rabu, 06 Maret 2013

PINJAMAN TUJOEH



Oleh : SULAIMAN. A.GANI
======================================
SALAM A`LAIKOEM ,  SALEUM  LOEN  TUAN
JAROE  LOEN  LAYANG , ATEUH  JEUMALA
HAJAT  LOEN  PEUGAH, SABOEH  KARANGAN
PINJAMAN TUHAN , NEUBRI  BAK  HAMBA

TUJOEH  BOEH  SIFUET,  NYAN  MILEK TUHAN
NEUBRI  PEUPINJAM, JIDUEK  BAK  GATA
JIDUEK  BAK  NYAWOENG ,BANDUM  SIFUETNYAN
KOEN  NIBAK BADAN, LAGE  TAKIRA

YANG TANYOE  BANGGA , UROE NGOEN MALAM
TUJOEH SIFUETNYAN, KOEN MILEK GATA
MILEK  HADHARAT, KALIKUL  ALAM
OH NEUCOEK PULANG, HANASOE  HINGGA

PHOEN  SIFUET  UDEP, KA WAHAI RAKAN
TUPUE  BARANG  BAN, SIFUET  KEU DUA
YANG KEU LHE TEUGA, BEUNA  TUNGKU  PHAM
NAFSU  HAI  RAKAN, MEUPEUT BOEH  KANA

LIMOENG  MEUDEUNGOE,  SAMAK  GEUPEUNAN
BASAR  KEUMALOEN, MEUNAM BOEH KANA
TUJOEH TAMARIET, GEUPEUNAN  KALAM
 BANDUM PINJAMAN , TUHAN   KARONYA

OH  WATE  KTROEK  HAT, KA  NEUCOEK  PULANG
KA  TINGGAI  BADAN, SINAN TEUHANTA
BAN TUJOEH SIFUET,  TUHAN  COEK   PULANG
MEU  DIGATA   TAN,  HANLE  SAPUE  NA

DILE  NA NYAWOENG , JINOE PAKOEN  TAN
NYAN  MILEK TUHAN, PINJAM  LE  GATA
MEUHOEKA  TEUGA, NARIT  NGOEN  KALAM
JINOE  PAKOEN  TAN,  DEUNGOEN  SUARA

BASAR  KEUMALOEN , TUPUE  NGOEN  TUBAN
SAMAK  NGOEN  KALAM , PAKOEN HANLE  NA
MEUHOKA  NAFSU,  PAKOEN  JINOE    TAN
KA  NEUCOEK  PULANG , MILEK  RABBANA

ADAKNA  TUBOEH, BALOET  NGOEN  GAFAN
NYAN  PIH  WARISAN , MEUGOEB  POE  ATRA
TULUENG  KEU TANOEH, DI  ULAT  BADAN
HARTA  YANG TINGGAI, WALI  POE  JEUMBA

MEUTOEH  SIT YANG NA,  GATA BA  SAJAN
MEUTAN  AMALAN, MASA  LAM  DONYA
OLEH  SEUBABNYAN,   GEUTANYOE  INSAN
MITA AMALAN, YOH  MATOENG  TEUGA

YOEH  MASA UDEP, LAM BUMOE  TUHAN
MATOENG  PINJAMAN, GEUBRI BAK GATA
BAN TUJOEH  SIFUET, KALHEUH LOEN BAYANG
WASIET  PEUNEUSAN,  LOEN  BRI  KEU  GATA

SULAIMAN.GANI,  YANG BRI PEUNEUSAN
TULEH KARANGAN  ,PEUSANTOEK  HABA
TEUKEUDI SALAH, BAK PEUKHOEK LOEN  NAZAM
HARAP  MEU `AFKAN,   HANA  LOEN  SAJA 
(TGK Diyueb Bruek/Sulaiman.A.Gani)
Tanggal 06  Oktober 2012-11-06



0 komentar:

Posting Komentar

Komentar FB :